嘉華大酒樓 @ 官塘 ( 27-NOV-2014 )

薑蔥羔蟹仔 ( 2 隻 )

脆奶京都骨

蒜蓉炒豆苗

玫瑰豉油雞( 半隻 )


( 27-NOV-2014  THU )

又係 9 點起身   又係 KFC 食早餐   但估唔到又食唔厭喎   勁 ~

食完早餐諗住打比媽咪   問佢要唔要東海堂 d 蛋糕   但咁早打比佢   驚以為我咩事   點知無耐媽咪就打黎   話今日都係唔去大家樂食 tea   一陣去嘉豪飲茶喎   咁我順便問埋佢要唔要蛋糕   呵 ~

番到屋企沖涼   抖陣又去嘉豪攞位   依家多數拎本食譜去酒樓睇   咁唔駛咁悶嘛   同埋真係買咗好多食譜都無睇過   咁唔係咁好囉   睇定 d 食譜   咁番工唔駛諗煮咩   都唔錯架 ~

煎羅漢腐皮卷

星級點心拚盤

艇家蒸蘿蔔糕

干燒伊麵

孖 "邊" 好鬼   哈哈

桂花紅豆糕

飲到 2 點   同媽咪一齊搭車番媽咪屋企   之後陪媽咪去百佳買埋嘢就番屋企喇 ~

睇緊電視   家姐打比媽咪   之後聽媽咪同家姐講話唔捨得我   所以呢排都會同我飲茶   嘩   我其實都係架   雖然我真係飲到驚   但好難得放假嘛   所以之後番到要自己一個人食   都覺得會有 d 唔慣囉 ~      

話咁快就 6 點半   又出發去嘉華喇   家姐今晚 6 點 45 分就到喇   勁快 ~

家姐話想買蛋糕   咁佢突然醒起我整咗 d 嘢比佢食   但佢唔知咩黎架   因為我只係 whatsapp 比佢睇   無講佢知係 d 咩   咁呢   我有比媽咪家嘛   所以叫佢唔好同家姐講話係糯米糍   點知最後佢都講咗出黎   不過佢唔係有心嘅   因為佢都聽到家姐話我整咗 d 嘢比佢   媽咪話唔係蛋糕係糯米糍黎架   當媽咪講話唔係蛋糕嘅時候   我已經 hey hey hey 示意佢唔好繼續講   點知佢喺自己世界   仲要好完整咁一句講哂 " 唔係蛋糕係糯米糍 "   哈哈   真係衰收尾   哈哈 ~ 

食完就番媽咪屋企拎湯   坐多陣   差唔多 8 點半就走 lu ~

里奧大人 8 點半先放工   我番到屋企都 9 點幾   之後佢都番埋黎   咁我都沖涼 lu ~

我都好耐無食車仔麵喇   所以食番幾啖  

尋晚食剩咗碗炒飯嘛   咁聽日又係同媽咪飲茶   又無時間食   所以食埋去啦   食剩幾啖   真係食唔落喇   好在頭先同媽咪食飯   特登唔食飽呢 ~

出咗成日街   雖然都係坐同食   但其實都幾攰   哈   所以都係 11 點幾瞓啦 ~