長洲一日遊 + 越中意 @ 北角 (PART 2/2) ( 15-NOV-2014 )

Part 2/2

差唔多 4 點喇   里奧大人話回程會好快   因為無咩嘢再影   點知都係行下影下咁呢 ~

人影我影人


我鍾意呢棵植物呀

@@

圓形嘅葉都幾得意

心型葉  

我勁鍾意呢棵花   5 顏 6 色好靚   不過好難影啦   d 風吹到佢不停咁郁   哈   最後里奧大人話我知呢棵叫 "五色蘭"

又抖下先

我着平底鞋嘛   所以行呢 d 路都幾辛苦   里奧大人話當行石春路喎   對身體好呀 @@  

里奧大人番工嘅背囊  去街嘅背囊   同埋相機嘅背囊都係黑色   無問題   唔好拎錯就得喇   哈

周圍都見到呢 d " 山火拍 "   我離遠睇以為掛住好多爛布   哈

我以為係蘆薈   但咁平坦又唔似喎   但見到 d 刺就驚啦

睇下有咩嘢景好觀賞先 ~~~~

無咩景啫

粒粒脹卜卜   好似幾甜幾多汁咁

另一邊係無光架   其實都幾陰沉

行呀行

望見家鄉喇

行下抖下又影下相   回程番去都差唔多行咗 2 個鐘   我真係好勁架喇   行到咁耐 ~

好似玉石   好假呀
再黎

咁多人着紅色嘅

影 pat pat

之後經過球場   見到隻金毛勁過癮   企喺度睇人打波架   仲好興奮咁跟住 d 波聲走添   我勁想摸佢架   不過有 d 驚   所以都係走啦   咁之後睇完嘢   再望番隻金毛仍然睇緊人打波   里奧大人話去影相啦   隻狗個樣咁純唔駛驚   咁好啦   我又去影   人生第一次摸咁大隻狗係唔駛人陪住摸   之前家姐屋企有隻大狗   我係痴住家姐隻手去摸隻狗架   驚佢咬我嘛   哈哈 ~

隻狗好似笑咁

睇得幾咁入神呀

初初諗住攞角度扮摸隻狗   點知原來行到咁開   哈   因為我真係好驚嘛

原來呢間屋咁有特定架   次次經過都無留意架

再翻轉頭同隻狗影相先   因為里奧大人話隻狗好純   唔駛驚喎   oh   其實我隻手係好細力摸佢架咋   但影出黎好似 "爪" 住佢咁   哈

再摸多次   隻手都係 "爪" 住佢咁   哈哈   不過今次就行近佢好多呢

買埋雞屎滕同芝麻糕就去碼頭喇   5 點去到   5 點 15 分開大船   實在太感恩喇   唔駛等嘛 ~

無咩人坐   第一次見咋

可能係大船關係   超級定呀   無作嘔嘅感覺 ~

里奧大人走去船尾影鹹蛋黃   之後好興奮叫我出去又影下呀   因為我地好難得見到日落呢 ~

用 GF5 影嘅鹹蛋黃

鹹蛋黃呢埋 lu

用大機影嘅細細粒鹹蛋黃   我覺得 GF5 影得靚 d 

雞屎滕 - 雖然佢樣衰衰   但我好鍾意食架   清熱氣嘛

芝麻糕 - 超級超級勁勁勁難食

差唔多到碼頭喇

仲係咁多人睇 Iphone 呢

搭地鐵去北角買 Face Lotion   之後就食嘢喇   其實唔餓囉   但里奧大人話餓喎 ~

食咗一半已經超飽   所以迫里奧大人食埋去呀

里奧大人食豬頸肉湯檬

8 點半坐巴士   番到屋企都差唔多 9 點   對腳開始勁勁勁痛勁痛喇   沖完涼要即腳底按摩   不過按完都仲痛   嗚 ~

食埋生果   睇陣電視   12 點幾先瞓呀 ~ 
   
因為做咗會員就有印花   集齊 5 個印花   之後買滿 $200 就送 $100 禮品   所以揀多支 Body Lotion ( $98 )   呵