2014年11月17日星期一
元氣壽司 @ 九龍灣 ( 17-NOV-2014 )
( 17-NOV-2014 MON )
今朝 8 點醒醒地 所以開機洗衫 之後灘番上床 諗住瞓唔到架喇 又比我瞓到 9 點 15 分 不過我都要起身架喇 要落去食早餐呢 ~
番到屋企晾埋衫 沖埋涼都已經 10 點半 即出門口喇 ~
約咗 mimi 11 點喺美心皇宮飲茶 不過我想早 d 去攞位 但原來 mimi 同我差唔多 10 點 45 分都到咗九龍灣 lu ~
Mimi 真係勁有我心囉 入院前到出院後都問我情況 仲講明話番工前同我聚一聚 難得我可以晏晝得閒喎 哈 ~
一坐低就收到糯米糍 mimi 知我鍾意食 特登買比我架 勁開心 ~
之後開始傾計喇 不過點都要叫 d 點心食先 因為驚 mimi 餓 我就唔太餓啦 頭先食咗 d 嘢嘛 初初見到 d 點心車好興奮架 點知來來去去都係果幾款囉 ~
潮州粉果 - 都 ok 啦
柚皮鳳爪 - 一路啜腳一路傾 個口好忙呀 哈
炸蝦角 - 點心車最後一碟比人叫咗 咁阿姐話依家整緊 一陣會有 咁佢拎比我地嘅時候 我仲以為熱辣辣添 點知原來凍嘅 @@
懷舊馬拉糕 - 好味呀 mimi 話因為有豬油 唔怪之得食完好滯咁啦
芋粒糯米包 - 一坐低已經想叫 點知又係最後果籠比人要咗 諗住無架喇 因為架架車都係糯米卷嘛 點知最後果轉又見到有糯米包 勁開心呀 因為好耐好耐無食喇 所以即叫啦 由頭等到尾喎 真係飽都要食呀 哈
因為里奧大人 4 點會喺九龍灣見客 所以我幫佢 keep 住 d 辦 再喺九龍灣交收 唔駛等佢拎黎拎去 ~
傾呀傾 又原來發覺大家嘅嘢都好鬼似 所以有時唔駛多講都明白箇中感受呢 ~
3 點半酒樓要我地埋單喇 咁我地都走喇 mimi 想去睇 " 韓國護膚品 " 同埋酒樓好凍呀 我都覺得超勁凍 mimi 話直頭凍到唔知想講添呀 勁驚佢低溫症呀 哈 ~
埋單之後要出去有太陽嘅地方曬下 不過曬咗 2 分鐘咋 再搓下手 真係暖好多呢 之後 mimi 話走喇 唔係一陣又太熱出汗 太了解我喇 哈哈 ~
里奧大人 3 點 45 分到九龍灣喇 介紹埋 mimi 比佢識啦 之後 mimi 話去九龍灣工業中心 我話我識 衰里奧大人冷笑 叫 mimi 唔好旨意我 但我真係識去架喎 呵 ~
我發覺自己真係好多手 咩都開黎睇下 開黎聞下 最記得有次又係篤人地 d 豆腐花 display 原來係真係豆腐花黎架 搞到隻手指立痴痴 哈 最衰係我又叫埋晴晴篤 d 雪糕係真定假 但原來仍都係真雪糕 嘩哈 勁驚比人鬧呀 ~
我鍾意嘅味 mimi 咩都話好甜好甜 佢就鍾意 d 花香味同清新 d 嘅味 無 d 少女嘅味道 哈哈 ~
佢呀 喞 d hand cream 比我又大力 差 d 整損我隻手添呀 之後佢話我零舍誇張 里奧大人同家姐同八卦都係咁講我 話我咩都誇張十倍 所以好多時同佢地講嘢 佢地都好鍾意第一句問真定假 咁我又衰嘅 成日整鬼佢地 唔信我係應該呢 哈 ~
買完再去 MP 睇醋 之後 mimi 就番屋企喇 原來都 5 點 lu 再問家姐喺邊 因為家姐話搵我個髮型師剪頭髮 不過佢唔記得點去 好在佢都到咗九龍灣 叫佢喺巴士站等我 我帶佢去呢 去到仲要等一個 所以同佢去 KFC 食 tea 不過我食咗 1 粒雞粒咋 因為我其實好飽 ~
差唔多 5 點 15 分里奧大人話見完客 又過黎 join 我地 不過坐多 10 分鐘 家姐都要剪髮 咁我地都番屋企喇 我好攰呀 ~
里奧大人話諗住喺梳化洽一陣 咁啱同緊八卦 whatsapp 佢叫我教靜音 咁當然無問題啦 之後佢話 " 唔係叫妳電話教靜音 而係叫妳把口教靜音 " 痴孖巾 自己講完喺度笑 ~
之後又問我點解 3 點幾就走 我話因為酒樓話要埋單 咁都要走啦 佢話仲諗住快 d 趕黎九龍灣請我地飲茶 因為我初初話等埋佢拎辦先走人呢 之後我同佢講話同 mimi 傾咗 5 個鐘咋 比我想像中小囉 我話掛住傾 只係食咗 5 碟點心咋 佢話我地會比人 black list 嘩哈哈 我話人地鬼知我地坐幾耐咩 佢話人地 check 咗張單知時間家嘛 ~
6 點半去元氣食嘢 之後番屋企喇 抖陣即沖涼 之後食糯米糍喇 ~
Green Tea Pure Cleansing Foam ( $60 ) 勁抵呀 因為都幾大支
Green Tea Balancing Skin ( $120 )
左邊 Nr Hand & Nature Lilac Hand Cream ( $32 )
右邊 Luminature Essential Finisher ( $75 / 20 包 ) 同 mimi share 但佢係都唔收錢
買下買下又做到會員 所以送 2 塊 eye mask 我同 mimi 每人一塊
平時如果我自己出街 電話得 30% 都唔會叉電 但今晚我問里奧大人借個 Power Bank 佢話咩咁大件事要出動 Power Bank 哈 我話因為聽日會出一日街 所以驚無電搵唔到我啫 ~
今朝同 mimi 傾開話皮膚敏感 佢叫我搽莪朮油 咁好彩喺新加坡買咗 終於用得着喇 其實都唔知好定唔好啦 要用到佢 哈哈
聽朝約家姐朝早 8 點去 Sogo 買嘢 所以 11 點即瞓 ~
訂閱:
發佈留言 (Atom)
沒有留言:
發佈留言