( 18-NOV-2014 TUE )
勁呀 今朝 7 點半起身 因為約咗家姐 8 點喺大快活食早餐呢 ~
我同家姐多數 share 食 所以會叫唔同嘅嘢 家姐好搞笑 無啦啦問我點解牛同蛋係一份早餐 我話唔知喎真係 佢話呢兩樣都係毒嘢 咁知我唔食太多 所以唔配落吉豬份早餐 驚 d 毒痴住 d 吉豬 我食唔到喎
食完就番屋企沖涼 差唔多 9 點先出門口 ~
等咗好耐巴士呀 10 點先落車 我同家姐講話不如今次我帶路丫 ~
之後行啦 諗住過馬路 家姐問我做咩過馬路 我話過馬路咪 Sogo 囉 家姐話 " 下 唔駛過馬路喎 隔離就係 Sogo 喇喎 " 嘩哈 係喎 我話我次次同里奧大人去銅鑼灣 都係過馬路去南記食嘢先 之後再行前過馬路去 Sogo 架 所以慣咗 家姐話得喇 叫我唔駛講 ~
咁好多都封咗路 平時坐開嘅巴士站都封埋 咁家姐話無咗 619 我停咗喺度話 " 下 無咗 619 ?! " 家姐話我反應勁大呀 佢話佢都未講完 我就咁大反應 佢想話呢個 619 個站無咗 不過行到維園果都有得坐 619 我同家姐話點解我咁大反應 係因為我諗住買 3 pack 王林蘋果 如果坐地鐵上上落落好攰家嘛 ~
去到首先睇鞋 不過唔啱心水 所以即去超市 王林蘋果唔靚又細個 唔買 lu 即去買薯片 家姐尋日已經黎過 Sogo 知道哂位置 其實家姐呢 3 日都黎咗 Sogo 所以佢今日約我黎 佢話姐夫話佢尋日已經黎咗啦 但家姐話每日特價嘅嘢唔同架 ~
買下睇下 都差唔多 12 點 同家姐坐 619 番九龍灣 因為約咗媽咪去稻香飲茶呢 ~
番屋企擺低 d 嘢就去稻香喇 好在媽咪攞咗位 枱號係 304 我話個 number 好熟面口 之後諗起尋日同 mimi 飲茶 張枱號又係 304 呀 ~
鮑魚菇柚皮掌
金菇牛肉腸
香煎蝦米腸
甘筍流沙包
拻咗層皮 好似棉花糖 軟綿綿
蜜椒汁叉燒飯
飲到 2 點 送埋媽咪坐車 再送埋家姐坐車 我就入大埔睇醫生喇 因為想拎定 d 敏感藥看門口呢 ~
去到巴士站即有車 之後行陣就去診所喇 雖然 4 點應診 但我都早 d 去 企喺門口等囉 其實我好攰呀 唔想周圍行 咁去到都係 3 點 15 分 已經有 3 個人排隊喇 好在聽家姐講 叫我早 d 去 可以早 d 睇完早 d 走 ~
4 點 15 分睇完 咁順便去埋尖沙咀拎番份 Claim Form 4 點半先有車 幾驚趕唔切呀 好在 5 點半都到咗 拎完就坐巴士番屋企喇 ~
6 點半番到屋企 無啦啦沾寒沾凍 所以飲啖熱湯暖暖身先 ~
抖陣就沖涼 里奧大人 8 點先放工 咁我都等埋佢一齊食 lu ~
是日懶餐 - 豉椒蒸象拔蚌 + 西洋菜豬橫脷豬骨湯
豉椒蒸象拔蚌 - 蒸到過哂籠 又超級勁韌 哈哈 所以叫媽咪唔駛再買比我 唔想嘥嘢 ~
西洋菜豬橫脷豬骨湯 - 媽咪煲架 因為我唔會整西洋菜呢 ~
搞掂哂就睇電視 食埋生果都真係唔想郁喇 ~
滕咗成日勁攰呀 所以 11 點即瞓喇 ~
Kettle 天然手製薯片 ( $33 / 2 包 ) - 家姐話抵喎 咁是但啦 每人買 4 包 不過應該真係抵 我見人一箱箱買架 咁我好專心睇 d expiry date 嘛 點知原來有一箱差 d 跌落我個頭度 好在個 staff 同家姐手快接得住咋
Fantastic 烘焙脆片 ( $19.8 / 2 包 ) - 未食過架 但我鍾意食米餅
Kogi 迷你朱古力威化 ( $45 / 2 包 ) - 我唔知本身一包幾錢架 不過見 $45 有 2 包應該都抵喎 同埋我喺買比里奧大人開 OT 食架 等佢食 2 條又唔會好飽 但又頂到下餓 唔錯架
Lotus 焦糖餅乾 ( $25 / 2 包 ) - 家姐真係好了解我架 佢好奇怪問我點解買餅食 因為佢知我唔鍾意食餅乾家嘛 之後我話依家好小一個人食薯片 咁買餅食下囉 脆脆地當薯片咁食 哈
家姐搞笑啦 我問佢呢樽折咗 $54 抵唔抵 佢話抵 咁我叫佢一齊試雲石味 佢話叫我唔好咋咋啼啼買比佢 因為我成日都咁喎 不過我話 sorry 囉 今次係我自己想食 咁又好難怪佢咁諗 因為我好小買呢 d 糖食 次次都只係買比佢食呢
大吉仿松葉蟹柳 ( $45.8 / 2 包 ) - 諗住整沙律比家姐嘅時候加幾條比佢囉 我唔係咁食蟹柳 不過呢 2 包應該好抵 因為我地見到有個男人買 1x 包呀
沒有留言:
發佈留言