叉燒 (外賣) ( 11-MAY-2016 )

( 11-MAY-2016  WED )

今朝里奧大人上大陸   知道自己會瞓得唔好   所以教 7 點 45 分先起身呢 ~

食開間餐廳無開   咁行前啲睇啦   撞到 8 卦   咁要一齊食 lu ~

菇場唔太忙   可以抖下 ~

Lunch Time 出去食嘢   再去惠康買嘢   之後行多陣就番菇場喇 ~

唔想 Hea    因為好眼瞓   咁做電腦 Filing   無做幾年   係時候要做番   之後對眼濛到睇唔到嘢咁   哈哈   希望今晚好瞓啦 ~

放工去到巴士站   見到高妹   其實我想扮見唔到   因為我唔想講嘢   但佢叫我先   咁無理由唔應人啦   最邪係等咗 25 分鐘先有車   不過我都無咩點講   只係和應   真係無心情呢 ~   

落車即去買叉燒   之後就番屋企 lu ~

今晚只係煲飯同滾熱番啲湯   咁就有時間熨衫   7 點搞掂就自己食先喇   想去徑步呀 ~

抖陣就去徑步   徑咗 25 分鐘左右   差唔多 8 點就走喇   因為里奧大人差唔多番到屋企   我要整好比佢食   唔係佢真係以為得叉燒食咋   之前我無拎碗菜出嚟   佢以為無菜食呀   好在我要洗嘢   咁先知咋 ~

是日懶餐 - 叉燒 (外賣)

叉燒 (外賣) - 唔想煮嘢   但又想里奧大人食啖飯   所以去燒臘舖買叉燒   試下好唔好味嘛   但就唔太好味   我覺得自己整得好味過佢囉   下次都係去番太興買好啲 ~

沖埋涼就睇電視   咁教會姑娘 Whatsapp 問候我   我又要比番啲資料佢   其實里奧大人比咗我   我 Copy 就得   但我居然自己係咁打   里奧大人奇怪點解我打咁耐   唉   呢排我都唔知自己做緊乜   個腦一片空白 ~

里奧大人又買咗過公仔電話套比我   襯我洗碗仲換埋   不過我慢九拍   用完電話先知換咗個套   我話唔想用住   因為有紅色   佢好驚咁問我係咪唔鍾意 ?!   我話唔係呀   佢話我頭先好無表情咁同佢講   我話係咩 ?!   可能頭先要打媽咪啲資料   所以個人唔開心囉 ~               

11 點唔夠就瞓 lu   呢排真係要開咗燈先瞓到   所以一定要里奧大人入房睇聖經   佢話佢未睇完   我都已經瞓着   以前我一定要間房全黑先瞓到㗎   依家唔得   唔鍾意黑媽媽感覺呢 ~