港式炸醬 + 齋滷味 (外賣) + 粟米蛋花湯 ( 5-MAY-2016 )

( 5-MAY-2016  THU )

尋晚半夜熱醒   之後又瞓得唔好   唉 ~

眨下眼又過咗一星期   傷痛依然   我真係唔想成日縐住眉頭做人   但真係有時縐到好攰   先知自己係一直縐緊眉頭   2016 年快啲過啦   好唔鍾意 2016 年呀 ~            

今朝早咗出門口   所以去 KFC 食早餐   次次喺 KFC 飲完咖啡   個喉嚨真係特別涸   同埋感覺到特別熱氣咁架喎   好奇怪   下次都唔好喺 KFC 飲咖啡喇 ~ 

菇場唔太忙   但對眼濛查查   唔知係咪散光加深咗呢 ~

Lunch Time 出去行下   之後去另一間買燒賣粉果番菇場食   估唔到好味喎 ~

放工去 Taste 買齋滷味   買完就即番屋企 lu ~

里奧大人 5 點喺葵興見客   7 點番到屋企   實在太好喇   早啲食早啲休息   今晚諗住徑步   但實在太焗熱   所以唔徑喇 ~

是日懶餐 - 港式炸醬 + 齋滷味 (外賣) + 粟米蛋花湯  

港式炸醬 - 睇頭條見到呢個食譜好簡單   同埋里奧大人好鍾意食炸醬麵   所以整下新嘢   都 OK 好味   但我覺得仲係唔係咁似   搵日再整先 ~  

齋滷味 (外賣) - 好想食酸嘢   所以買黎食 ~     

粟米蛋花湯 - 其實仲有棵油麥菜   不過好攰   唔想又拻又浸   所以煮粟米湯算喇 ~

搞掂哂就沖涼   一齊睇 "太陽的後裔"   睇完即瞓 ~

以前里奧大人喺房睇聖經   我會覺得開住燈好刺眼   依家我反而叫佢入房睇聖經   我開住燈瞓覺得仲易瞓 ~