淮鹽焗雞肶 + 蒜蓉辣椒菜心 ( 23-MAY-2016 )

( 23-MAY-2016  MON )

尋晚瞓得唔係咁好   再持續係咁   真係想叫醫生開安睡眠藥比我   因為一星期得一日瞓得好嘅話   真係好辛苦 ~

早餐食芝腿治   真係豬咗   食唔哂夾硬食   但其實可以拎走家嘛   暈 ~

番到菇場即做 Report   搞掂哂就可以 Hea 過 lu ~

Lunch Time 出去入票   去埋超市買嘢就買嘢食番菇場   本來想行多陣   但想落雨咁   都係快啲番菇場好啲 ~

放工即走   今晚唔駛去街市   又唔駛熨衫洗衫   咁就拖地啦   好似好耐無認真拖地咁 ~

里奧大人 7 點放工   咁我都預備煮嘢 lu   今晚仲有隔夜湯同炒麵   仲有星期六食剩嘅白飯   突然覺好多嘢食咁   之得尋晚唔炒麵   食埋個飯算啦   唉   怪自己無記性咯 ~ 

是日懶餐 - 淮鹽焗雞肶 + 蒜蓉辣椒菜心

淮鹽焗雞肶 - 見到有樽淮鹽   咁就用嚟醃雞肶啦   見到有乜用乜就最好 ~     

蒜蓉辣椒菜心 - 銀川菜心真係好甜   又平喎   $7/斤   所以即買喇 ~   

搞掂哂就諗住沖涼   點知 Fat Fat 朋友打嚟搵里奧大人   實在太感恩喇   等咗佢成個星期喇   原來佢之前上咗大陸   所以唔知我哋搵佢   但其實佢話已經講咗手機號碼同地址比管理員同警察   話如果有人搵 Fat Fat 就講哂所有資料比我哋知   佢話 5 月 5 日之後開始等電話   但等好耐都無人打比佢   佢打比警局   但警局話好忙   無理佢喎   之後尋日佢再打   又係無人理佢 ~ 

咁今日里奧大人打咗比雜項調查科   都想知 Fat Fat 朋友有無搵我哋   感恩佢哋比到 Fat Fat 朋友手機號碼比佢   但佢開會所以聽唔到   都諗住今晚再打   估唔到佢打嚟   真係好感恩   起碼知道 Fat Fat 喺邊嘛 ~

傾完都 9 點幾喇   即沖涼呢   之後休息 ~

呢排鍾意睇 Running Man   我一開電視   里奧大人就會叫我睇 Running Man   真係每次都係咁   好搞笑 ~

11 點幾瞓喇   好似有啲攰咁   好難得呢 ~