八方雲集餃子專門店 @ 九龍灣 ( 17-MAY-2016 )

( 17-MAY-2016  TUE )

尋晚瞓得勁唔好   好難先瞓得着   但好快又醒番   之後里奧大人都醒咗   出去書房睇書添呀   我就唔喇   繼續喺張床度碌嚟碌去囉   始終要番工   一陣搞到 7 點先瞓就慘喇 ~

可能今日晏晝要去搞 Fat Fat 啲嘢   所以大家都瞓得唔好   始終又無頭緒點做   係有啲壓力咁呢 ~

早餐食豬扒包   呢排食嘢只求填飽個肚就算   因為食咩都無味咁 ~

菇場唔忙   可以 hea 下 ~

Lunch Time 一到就即走   慢慢行去地鐵站   再喺深水埗 Join 里奧大人   佢今日要去太子見客   見完先再 Join 我   其實我無諗過今日佢會陪我㗎   我一心係諗住自己搭的士去   同埋寫定要問啲乜   但里奧大人擔心我   所以陪我去呢 ~

我最驚自己搭地鐵   因為我唔知駛唔駛轉車   好在咁啱里奧大人打嚟   我先知喺太子轉車咋 ~

好想食辣菜甫   所以去大家食   依家佢哋好 Cheap 啦   每人限一碟仔   再要一碟就要加 $2   以前任食家嘛 ~

去埋洗手間就走人   點知我又去錯男廁   好在無人入嚟咋   唔係要搵窿捐囉   以我記得   好似係第 2 次入錯呢度嘅男廁喇 ~

行去深水埗警署   咁警察話已經將 Case 交咗比雜項調查科   所以即打去問啦   感恩 Fat Fat 有朋友幫佢搞緊身後事   咁我地都放心好多   依家等 Fat Fat 朋友打比我哋   希望佢快啲打比我哋啦   我都想知 Fat Fat 啲嘢搞成點 ~

真係好在里奧大人陪我   因為我只係識得喊   咩都講唔出   唉 ~

問完哂所有資料   咁里奧大人話行下黃金同高登   咁我無所謂   反正好飽   我都想行下 ~

搭小巴番九龍灣   里奧大人話想睇戲   感恩買到 4 點 20 分嘅 "美國隊長 3"   咁睇 2D 算喇   片長 147 分鐘   每張戲飛 $55   里奧大人話好抵呀   哈哈   番屋企抖陣先   之後就去睇戲喇 ~

第一次睇戲唔帶零食   但真係無 Mood 食囉   好在套戲又幾好睇喎   唔覺有悶場   但就坐到腰骨痛囉   哈 ~

睇完都差唔多 7 點   食埋嘢就行陣商場   之後再買埋芒果黑糯米就番屋企 lu ~

沖埋涼就開機洗衫   無啦啦個胃痛添   唔知係咪啲珍珠唔消化呢 ?!   係就慘喇   我最鍾意食珍珠家嘛   所以我同里奧大人講下次再食多次   如果真係胃痛   就唔再食 lu ~   

睇陣電視   11 點幾都瞓喇   希望今晚好瞓啦 ~