秋月居 @ 九龍灣 ( 13-MAY-2016 )

螺肉軍艦 x 4 

蟹捧壽司 / 蟹籽軍艦

雙重蒜香豬骨湯叉燒拉麵

( 13-MAY-2016  FRI )

今朝里奧大人同客上大陸   所以又要早起身   咁我都 7 點 45 分先起身   想瞓多陣 ~

尋朝見到有隻白鴿喺冷氣機頂   仲有隻蛋添啊   但趕住番工影唔切   我尋晚放工再望   唔見咗隻蛋   仲以為大風吹走咗   但里奧大人放工見到隻蛋喺度   不過唔同咗位置   咁今朝我再望啦   隻白鴿同蛋仲喺度呀   所以真係要影低去   因為我第一次見到咁嘅情況咋 ~

用手機影   鴿與蛋共存   

用相機影   完全唔知有隻白鴿喺度   我諗住對焦落隻蛋度   隻白鴿都會睇到   點知睇唔到   

個肚谷住谷住   咁食通粉餐   因為想落多啲胡椒粉暖暖肚   不過啲胡椒粉係完全無味囉 ~

明明諗住拎定公司卡出嚟   點知拎咗個鎖匙包出嚟   好在臨尾覺得好似拎錯嘢咋   唔係以為唔見咗呢 ~

真係好邪   阿 mi 同家姐同一時間問我係咪每月一到   阿 mi 見我咁靜   多數係每月一   但其實只係我無心情講嘢   咁我問家姐點解又咁問呢 ?!   佢話我無比 Pokopang 樹葉佢   我話比咗 2 次喇喎 ~

Lunch 食合桃包   因為尋晚買咗個大合桃包比里奧大人   佢食唔哂就 Share 啦   又幾好味喎   幾多合桃 ~

好攰呀   終於每月一到   感恩聽日放假   唔駛又請病假呢 ~

好在有暖手袋   敷住就舒服好多   之後仲瞓咗 10 分鐘   好在覺得熱咋   唔係有排瞓   實比人發覺呢 ~

今日里奧大人 4 點幾番到九龍灣   係咁問今晚食咩   其實我都唔敢答佢住   費事之後食唔到嘛   所以叫佢唔好成日問囉 ~

感恩放工都無咩點痛   所以去秋月居   食完即番屋企沖熱水涼喇 ~

個肚有小小肚   所以 10 點半都自己瞓先喇 ~