今朝 9 點 45 分醒咗 原來里奧大人 9 點半已經起咗身 佢話見我瞓得咁林 所以由我瞓 ~
刷牙沖涼出去食早餐 食完番屋企抖陣 之後番教會喇 ~
一去到教會 教友問媽咪啲嘢搞成點 我又喊 所以我其實好想番教會 但仍好驚教友問情況 不過佢好關心我㗎 之前問咗點樣 但見程序表無登出嚟 所以直接問我呢 ~
散會見到牧師 佢一叫我名 我即爆喊 我話我好衰 成日鬧媽咪 佢安慰我話唔係鬧呀 好多人都呀女鬧阿媽 阿媽鬧呀女 其實係關心呀 唔好咁諗 ~
喊完就舒服好多 之後另一個同工明明做緊嘢 都轉身捉一捉我隻手安慰我 里奧大人話佢寫緊嘢㗎 都等我喊完即轉身捉我手安慰我 好感激教會同工咁關心我呢 ~
其實直到依家 心情仍未平復 所以里奧大人間唔中會望下我 佢話我成日眼濕濕 又無乜反應喎 ~
我去街市買餸 里奧大人就番屋企整嘢 我番到屋企都即煲湯喇 早啲飲好啲 ~
差唔多 3 點先去食嘢 食完番屋企抖 lu ~
6 點飲湯 7 點開飯 其實我食唔落 所以就咁飲湯算 同埋里奧大人話一陣買芒白黑 咁我都留肚 lu ~
是日懶餐 - 肉絲炒麵
肉絲炒麵 - 用煲湯嘅梅頭豬肉整肉絲 唔好嘥嘢 好在今晚買一個炒麵餅 原來一個份量都咁多 之前成日買 2 個 唔怪得可以食幾餐啦 ~
搞掂哂就沖涼 9 點食甜品 終於清哂啲芒果 其實都好似爛爛哋咁 但表面係好正常好靚㗎喎 下次都係買完快啲食 唔係爛咗都唔知呢 ~
沒有留言:
發佈留言