金滿庭京川滬菜館 @ 九龍灣 ( 10-FEB-2017 )

片皮鴨 - 個皮腍嘅 



今次要埋生菜包   但洋蔥味太搶喇  



燻魚



糖醋魚塊 - 又有大道理講喇   佢身體健康因為食炸嘢唔食層炸漿   食嘢就咩都浸浸浸   人哋睇見妳枱面咁核突都唔開胃啦   想有胃口都難啦   減肥搵佢陪食飯最好   包瘦呀 

宮保雞丁



榨菜肉末 - 死都要叫 2 份肉末   好在我話唔好咋   最後兩份叉子燒餅食哂   但仲剩 1/3 肉末



( 10-FEB-2017  FRI )

今朝好餓呀   所以食雪菜肉絲米   我唔食肉絲架   咁比哂啲肉絲比 8 卦   咁就唔會嘥嘢   好在佢咩都食   除咗辣同芝士   哈哈 ~



菇場又係忙   大粒唔喺度嘅一個星期   我當自己放假一星期架   諗住可以 Hea 過   點知勁忙囉   唉 ~

Lunch Time 出去萬寧買嘢   再行多陣就買燒賣粉果番菇場食喇 ~

忙呀   好在 4 點左右搞掂哂 ~

放工番屋企   即開機洗衫   里奧大人 7 點 15 分放工   咁我晾埋衫就 Join 佢一齊行去金滿庭喇 ~

約佢喺馬莎門口等   見佢好似同人傾緊偈咁   原來係舊同事   呢班同事好好㗎   一齊做嘢嘅時候   放工同放假會有 Gathering   咁佢哋呢間公司嘅人又係做嘢嘅人   所以有咩事都一齊搞掂   唔會推卸責任   所以里奧大人同佢地見到面都好好傾   我話之得扮見你哋唔到啦   你哋可以傾耐啲   不過佢話佢哋都趕住走   哈哈 ~

去到見到姑奶   同埋叫咗幾碟餸   我心諗駛唔駛咁急呀   連出街食都要食凍嘢 ?!

之後大姑奶話我同佢講話今晚趕住走   咁里奧大人用好奇異眼光望住我   我話無咁講喎   之後另一個姑奶話我聽日要番工   我話聽日 Off 喎   咁大姑奶再話我同佢講話過 "今晚趕住走   聽朝要番工"   我有啲火呀   我話我無講過   我話" 我番屋企洗衫   如果你哋太早到   我唔黎喇   我唔想咁趕"   真係頂佢   將我所講嘅意思表達錯哂   加鹽加醋   我同里奧大人講話唔駛再諗住我再同佢講嘢   唔係唔知一陣又作咗啲咩出嚟 ~

里奧大人話其大姑奶都對妳好好啦   驚妳趕住走   即刻叫哂嘢食比妳食完即走  咁我話一樣還一樣   屈我就係唔啱啦   唔清楚就唔好講啦   唔係屈我都叫對我好呀嘛 ?!   之後佢無出聲   我講事實   唔好成日將自己屋企人啲好嘢衰嘢溝埋一堆   之後就將好嘢放到最大   佢哋係咩嘢人   我好清楚   唔好要我講出口   幾十歲人比人話就唔好意思啦 ~

食完行陣商場   番到屋企即沖涼喇   勁凍呢 ~

今晚 11 點幾都要瞓喇   聽日要早起身呢 ~