住家飯 @ 姑奶屋企 ( 9-FEB-2017 )

豉汁蒸鯧魚 - 之前我同姑奶話好耐無蒸魚我食啦   佢話我都無番嚟食   咁又係  哈哈 

唔知咩汁嘅排骨   啲肉質好腍   姑奶話係飛排   仍都可以煮得耐得滯   但呢碟嘢凍冰冰   連里奧大人最愛食肉都只食咗 1 嚿咋   所以最後差唔多成碟倒哂   我寧願佢倒哂   唔係又留番下星期煮比我地食仲慘



煎豆腐干 - 鹹鹹哋幾好味   



蒜頭炒豆苗 - 份量實在太少了   



百合鯽魚湯 - 腥到呢   姑奶仲拎埋煲湯果 2 條鯽魚出嚟   問我哋食唔食 ?!   我話唔食啦   凍哂點食呀   勁腥啊 

( 9-FEB-2017  THU )

今朝好凍呀   好在唔大風咋 ~

早餐食魚柳餐   勁大塊魚柳   食極唔完咁 ~

菇場忙啦又   做完又有   做完又有咁 ~

又唔餓   所以 Lunch Time 行陣先再買嘢食   行咗半個鐘就去買菠蘿叉燒包同奶油包   無啦啦好想食奶油包   但食完就有啲反胃 ~

仍然忙忙忙   有啲都要留番聽日做 lu ~

放工去商場等里奧大人   咁同冰姑又傾偈啦   傾下傾下又喊出來   不過喊下都好   起碼叫做發洩下嘛   哈 ~

里奧大人 7 點幾先放工   佢仲搭過龍   要我去下一個站等佢   佢今朝又係搭過龍喎 ~

佢望到我鼻紅紅   知我喊   問我咩事喊 ?!   我無答佢   反正講出嚟無用   最緊要唔好以為我肚餓所以喊就得喇   哈哈 ~

一入屋企就已經可以開定飯   所以啲餸係凍哂   除咗湯同魚   如果啲魚都係凍   我會寧願出去食   食碗粉都起碼熱辣辣 ~

食完就去徑步   之後里奧大人要做公司嘢喇   我就沖涼 lu   因為好鬼凍呢   哈哈 ~

睇多陣電視   11 點都瞓 lu ~