2017年11月12日星期日

金大班 @ 官塘 ( 12-NOV-2017 )

宮保雞丁 - 好想食正宗嘅宮保雞丁囉 



粉絲海鮮雜菜煲 - 都幾好味   不過里奧大人一見到魷魚就話下次唔好再叫呢個煲   話魷魚難消化   



( 12-NOV-2017  SUN )

尋晚瞓得唔係咁好   瞓瞓下又好似熱熱地   但又唔想開冷氣   我又成日睇下幾點   係咁計住時間   睇下叔叔番到加拿大未 ~~~~

10 點起身   沖埋涼就去食早餐   之後番教會喇 ~







崇拜完畢即走   不過落大雨   要等細雨先番屋企呢 ~

家姐今日要更新部手機   所以黎我屋企   不過其實佢 11 點都黎到   叫佢自己招呼自己    哈哈 ~ 

2 點左右同家姐去超市買嘢    順便買埋 tea 番屋企食啦 ~

差唔多 3 點里奧大人打來   問發生咩事 ?!   點解咁耐都未番黎嘅 ?!   無計啦   同家姐行超市一定好耐   今日仲 92 折   所以買廁紙 可樂 出前一丁 雞蛋 童星麵 薄荷糖   又買咗 3 百幾   呢 d 仲唔係主食添   所以去超市買油買米   真係好快可以買到 5 百   不過其實係依家 d 錢唔見駛就真 ~

買完即去買 tea   家姐先慘   又幫我拎 2 pack 可樂同廁紙同 1 袋嘢   幾乎全部佢幫我拎哂   但佢又話唔重   點會唔重丫 ~~~~~~



食完都差唔多 4 點幾   家姐 5 點幾都走人   姐夫車佢番屋企   咁就好啦   佢之前都買咗唔少嘢   唔駛拎咁遠   呵 ~~~~

我地抖到 6 點半就去食飯   今日成日落雨   所以早 d 去食飯   費事無位 ~ 

食完去超市買涼粉   之後番屋企 ~

家姐打黎又話去百佳買油買米   之後再去 Mrs. fields 買鬆餅   我話唔係咪拎埋 d 油米去買呀嘛 ?!   佢話擺咗喺車先   勁驚佢真係拎住買鬆餅呀   因為兩袋米已經好重呢   其實佢今日早午晚都去百佳囉   勁 ~~~~~~~~               

沖埋涼就睇下電視   里奧大人又食埋個紅豆大菜糕   好在我提佢咋   佢居然唔記得自己買咗 @@

今晚 11 點幾都要瞓喇   有 d 攰咁呢 ~~~~          

沒有留言:

發佈留言