榨菜肉末 + 菜心苗 ( 7-NOV-2017 )

( 7-NOV-2017  TUE )

嘩   好攰呀   尋晚臨瞓前都仲係好開心   所以碌咗陣先瞓到呢   呵呵 ~

早餐要食熱嘢   咁就食腿蛋治喇 ~



菇場唔忙   可以抖下   不過真係無 Mood 做嘢   應該都係差唔多乜乜   個人係無哂精神咁 ~

Lunch Time 出萬寧買 Cream   之前買 Cream 又送咗張 $50 Cash Coupon   但要夠 $150 先可以用到   咁其實 $150 買 Cream 真係無難度囉   買完再去買菜同綠豆沙   買到我自己都覺得唔似番緊工咁   哈哈哈哈 ~

番到菇場已經 1 點 05 分   要即食健康餐喇 ~

2 點幾一開碗綠豆沙個蓋   老闆就行出來   係咪邪得咁緊要呀   咁唯有等佢番入房   我先食囉   唔係真係以為我咁嘆喺度食下午茶   哈哈 ~

十幾年前食海帶綠豆沙   食完第朝暈陀陀   咁媽咪知我鍾意食海帶   所以整咗好多   我又食咗好多   我有印象好似食咗 4 碗呀   仲係食咗好多海帶   果時都唔知海帶係咁涼嘛   食完嗰次之後   真係無再食綠豆沙了   但今次我要食一碗   係因為星期六要去送叔叔機   所以我豁出去   等乜乜快啲來   其實我勁驚暈㗎   因為本身呢幾日都暈暈哋   哈哈   好在食完無嘢咋 ~

又係做下停下咁啦   一到 5 點半即走   等咗好耐嘛   哈哈 ~

今晚最花時間只係浸菜   所以最快都要 6 點半先可以開餐呢   今晚煮泰國米粉   所以好快手搞掂 ~

是日懶餐 - 榨菜肉末 + 菜心苗  

榨菜肉末 - 尋晚食剩大半碟   所以我話打包拎番屋企囉   諗住今日開始禁食祈禱唔食紅肉㗎   但真係唔想嘥嘢囉   咁聽日先開始禁食祈禱   唔食紅肉 ~

菜心苗 - 我覺得唔似菜心苗喎   同埋唔甜嘅   菇場附近嘅菜檔   買蕃茄瓜類就 OK   買菜真係要去番街市   買開嗰檔真係甜啲呢 ~

洗完碗再抹嘢   抖到 8 點就去徑步   雖然我勁勁勁攰   但堅持去徑步半個鐘   因為每月一到又無得徑步嘛   所以我攰都要去徑囉 ~

徑完就即番屋企拖地   之後沖埋涼就休息喇   好在里奧大人幫我熨咗衫   我可以休息呢 ~

睇電視居然睇到 11 點 40 分都唔知   唔怪得咁攰啦   哈哈   要瞓覺喇 ~