今朝 8 點半起身喇 沖埋涼就去食早餐 ~
9 點 40 分先食早餐 估唔到要等咁耐 好在我地會預鬆時間 ~
落去 8 下先 不過無人喎
之後行前少少見到有個人 嚇鬼死我 哈哈 佢應該係員工啦 開 Locker 櫃嘛
天色都係灰灰暗暗
我鍾意交通燈顯示秒數 咁妳就可以決定過唔過馬路呢
到"丹堤咖啡"了
樂活早餐 好似啲老人家專享嘅早餐名咁 哈哈
午餐 做咩我唔打直影呢 ?! 哈哈哈哈
樓下無位 所以上樓上 原來仲有 2 樓添 不過好焗囉
對面係咁嘅
火腿起司元氣堡 ($90) - 一般啦
1 份早餐 Share 食 因為諗住番完崇拜就再食嘢呢
里奧大人加錢要 Cappuccino 佢覺得我鍾意飲喎 但我話最唔鍾意飲囉 下次普通咖啡就得㗎喇 之後佢話對妳好啲都唔得 呵呵
叫里奧大人影下我後面啦 我先知頭髮攝哂入件褸到 件褸又扯哂上來 不過我個袋真係裝咗好多嘢 好鬼死重 所以次次一放低個袋 成日人就如釋重負咁 哈哈
酒店對面
我地間房 望出去係咁嘅
成日睇咗大頭研究所
斜對面係洛基大飯店
好多旅遊巴喎 所以我同里奧大人講 唔好住果間酒店
我 Plan 行程嘅時候 都有 Plan 星期日要番主日崇拜 不過唔係呢間 我揀咗西門町其中一間 諗住近嘛 點知里奧大人話呢間仲近 哈哈 ~
到懷寧浸信會喇
10 點半崇拜開始 睇程序表見到 "誰曾應許" 呢首詩歌 諗住如果國語都唔錯吖 我未聽過嘛 估唔到係唱廣東話 當詩班唱廣東話時 教友們好驚訝 聽到好多 '呀" 可能未試過聽廣東話唱詩歌 所以嗰刻覺得神為我哋預備 同埋我祈禱嘅時候 都希望有廣東話詩歌呢 ~
我好感恩 聽得到 75% 國語 牧師講道又搞笑 全場氣氛都唔錯 成日有笑聲 哈哈 ~
進入會堂喇
要安靜了
奉獻係隨心嘅 妳可以唔奉獻 最緊要 "不要作難 不要勉強"
我好鍾意見到人彈 Organ 不過唔係間間教會都有啦
崇拜即將開始
"誰曾應許" 呢首詩歌 係我初期番教會 成日會出現嘅詩歌
每日靈修真係好緊要 不過我無
咁歡迎新來賓嘅時候 我哋當然唔舉手啦 但里奧大人隔離前一行知我哋識唱廣東話 所以即指住我哋呀 但我笑住擰頭啦 因為我根本唔係本地人 所以我唔想留資料呢 ~
崇拜完畢就走啦 牧師話我哋唱廣東話詩歌好投入 我哋話我哋係香港人來嘛 哈哈 ~
咁接待職員問我係咪第一次來 ?! 我好細聲話係呀 但之後佢就話我係第二來 仲話認得我喎 不過我喺香港都成日比人認錯啦 明明第一次入間舖頭 居然話我今朝嚟過 ~
奉獻係隨心嘅 妳可以唔奉獻 最緊要 "不要作難 不要勉強"
我好鍾意見到人彈 Organ 不過唔係間間教會都有啦
崇拜即將開始
"誰曾應許" 呢首詩歌 係我初期番教會 成日會出現嘅詩歌
每日靈修真係好緊要 不過我無
咁歡迎新來賓嘅時候 我哋當然唔舉手啦 但里奧大人隔離前一行知我哋識唱廣東話 所以即指住我哋呀 但我笑住擰頭啦 因為我根本唔係本地人 所以我唔想留資料呢 ~
崇拜完畢就走啦 牧師話我哋唱廣東話詩歌好投入 我哋話我哋係香港人來嘛 哈哈 ~
咁接待職員問我係咪第一次來 ?! 我好細聲話係呀 但之後佢就話我係第二來 仲話認得我喎 不過我喺香港都成日比人認錯啦 明明第一次入間舖頭 居然話我今朝嚟過 ~
謝飯祈禱
估唔到有 Lunch 供應 我聞到香噴噴嘅滷肉飯味道呀
好多張紅紙黑字
好搞笑 我覺得自己好似掛住個袋咁 但其實係電單車嘅倒後鏡 哈哈
我其實係要用呢張紅紙黑字做背影 毛筆字喎 幾難見到呀
@ 懷寧浸信會
識行嘅話 其實好易搵 哈哈哈哈
咁多年後嘅台北 都仲係比我有舊區嘅感覺 影完呢張相就有好多車經過 里奧大人仲問我係咪想再影多張 ?! 我話唔想死住 哈哈
嚟到台北 真係最主要係狂食 最搞笑家姐叫我唔好怕肥 記得要食多啲嘢呀 哈哈 ~
快樂小吃 炒飯唔算係小吃呀嘛 哈哈哈哈
麵 麵 麵 麵 麵 麵 麵
見到有 Cafe 就會望一望 啱就可以聽朝嚟食早餐嘛
我好鍾意呢啲字體
我去到邊都好鍾意行家品店架 但里奧大人唔鍾意囉
周圍行下
買遮係行程之一來架 所以又入去睇睇
主打睇縮骨遮
里奧大人買咗呢把遮 (NT$399)
頭先食早餐已經諗定 崇拜完畢就去食牛肉麵 喺我哋酒店附近咋 其實好多都係天書介紹嘅食店 不過我哋唔會跟足 但見到想食 又唔駛點樣排隊先會入去食呢 ~
@ 良品牛肉麵
企喺度已經比個 Menu 妳 Order 食物 幾咁高效率 但比我感覺係好似要妳快食快走咁
小食好吸引 不過里奧大人就麻麻哋鍾意涼拌食品
但其實份量話小唔小喎 呵呵
我去拎辣椒醬 前面個女人"北"完又唔想走 咁我知乜事啦 霸住個位叫佢朋友來 "北"丫嘛 好在我手快 即拎住隻匙更 我真係估針無錯 所以佢朋友來到要排我後面 佢個樣幾唔順超呀 ~
自助醬料區
我叫職員 refill 咁咪有得食囉 梗係要打尖做咩喎
等緊
兩樣都無咩味嘅
開餐喇
人氣半筋半肉牛肉麵 (NT$170) - 牛肉好入味 麵質同湯底都唔錯喎
現炸蝦卷 (NT$80) - 無咩特別 勝在新鮮熱辣辣
快 d 食啦 哈哈
手作水餃 (NT$70) - 都係無咩特別 係食完特別飽 嘩哈哈哈哈哈
我一路食 里奧大人後面隔離果枱成日有個女人望住我 個樣唔係友善架 咁我估到應該係頭先排我後面拎辣椒醬嘅女人 不過我都唔弱 佢點望我 我咪點望番佢囉 之後佢都唔敢再望我了 欺善怕惡也 ~
食完又周圍行下 大佬 咁食法 真係揹住個袋幾重都要行囉 我個袋係 8 磅 里奧大人個背囊係 10 磅 所以行行下條腰都有 d 酸痛架 不過唔緊要 玩嘛 咩痛都唔緊要咯 但....我腳痛就堅慘囉 哈哈 ~
好多人排隊 反而里奧大人叫我試下喎 知我鍾意飲珍珠奶茶
影相嘅時候係 Number 142 買完到我就已經 158 了 下........原來叫珍煮丹架 ?!?!? 我成日以為係珍煮母呀 嘩哈哈哈哈
我買"百香雙響" 國語讀唔掂呀 我覺得 "香雙響" 國語係差唔多音 自己講嘅時候 好似咬緊香口膠咁 唔信妳試下 哈哈哈哈
酒店附近都好多食店 唔驚無嘢食呢
成日經過都好想再買個黎食 不過次次都好飽食唔落啦
Lobby 突然間好多喼 應該係 check out
黎料
唔好落雨喎
等我推走 d 黑雲
里奧大人想入去影 我話入啦 之後一入到去就有人叫我地行番出來 最衰我啦 叫里奧大人影 哈哈 但我又唔想扮唔識聽國語 講真 因為自己唔啱在先嘛
喺台北幾日 次次隻手都會拎住杯飲品 因為想飲但又飲唔落 但里奧大人就會叫我買囉
呢個地方係 "臺北郵局"
對面有座古舊建築物
呢張好 d
其實呢個承恩門有咩歷史架 ?!?!
好多印尼人影相
@ 相機街
"臺北郵局" 好大間
我成日覺得綠色玻璃窗 係好舊嘅建築設計
原來呢度就係 Z10 出口 經過地下街先可以去到捷運站
個個閘都有唔同嘅特色架
同里奧大人講 如果落雨就行地下街 呵呵
我叫里奧大人幫我影 Minions 佢係都唔幫我影 喺機場又係咁 係咪覺得低能呀 ?! 哈哈 要是人地話你 你話影比老婆睇 人地會覺得你超級暖男架 嘩哈哈哈 衰
咁得意 怕咩影喎 哈哈 如果檔主唔比影 我就唔敢影啦
地下街好多出口
里奧大人好鍾意食蔥抓餅架
好多餡料嘅蔥油餅 但我地只要蔥抓餅 (NT$30) 因為真係好飽 但又想試下囉 所以唔要有餡呢
好吸引
件件都煎到好金黃
我好鍾意睇人煎餅架
嘩 超級好味道呀 真係好有驚喜囉 但用紙袋包住 好鬼辣手 哈哈
我一定唔會夾公仔囉 唔想夾完番香港 過多一排又要掉 我好清楚自己 鍾意嘅公仔只係一剎那的 哈哈
萬金游個名好搞笑
我隻右手已經拎緊試食了 香港買鹹濕嘢好貴架 但原來喺台北買都唔平喎
里奧大人鍾意食芒果乾
里奧大人開始試食了
蕃石榴乾 我麻麻地
呢個係楊桃乾 唔記得咩味添 哈
我覺得橙乾唔好味 但唔記得點唔好味添 最後我試埋冬菇乾 之後出事啦 個口成陣冬菇味 好難頂架 我覺得熟嘅冬菇先好味道呢
今晚會去大安區嘅高記小籠[包食晚餐 因為我前上司籮記係台灣人 佢話本地人食高記 遊客先去鼎泰豐 咁我又試下 咁順便行下果區啦 ~
2 點喇 個天仍然灰灰暗暗
生事難做喇 Ironman 都要拖地分擔工作 嘩哈哈哈哈
好多紅紅黑黑
搭捷運 人來人往
搭捷運係好方便 但站頭同站尾 就好似行緊條萬里長城咁囉
唔知迴龍係咩地方來
一上捷運站 扶手電梯兩旁嘅廣告都係絲慕昔 睇天書話芒果冰好出名 睇 vlog 又話成日見人排長龍 咁我都無諗住同里奧大人去食架喇 同埋我唔知喺邊度嘛 因為我無諗住食 所以無 mark 到 點知一出捷運 轉過彎就見到 又無人排隊喎 咁啱里奧大人仲見到有人走 所以試下喇 ~~~~
出到地面喇
@ 思慕昔
我叫咗 No. 10 本店招牌 (NT$210)
我叫里奧大人捐入去拎咪得囉 呵呵 反正喺我地隔離之嘛
咁我唔知里奧大人見到有位 佢好緊張叫我行喇行喇 我仲以為係巨強口喺地下啊 ~
我坐喺度等 里奧大人就周圍影下相
坐位設計幾得意
怪不得咁多人食啦 原來 CNN 推介 天書同埋上網睇都話要起碼排半個鐘 其實我 plan 行程都無 plan 呢間食店 排咁耐咪搞啦 但經過見到居然唔駛排隊 感恩感恩
請慢用
呢邊多 d 芒果 但 d 芒果酸到呢 又雪到結哂冰 真係唔明有咩好食
見對面有好多人排隊
原來係賣蔥抓餅 里奧大人好鍾意食架 不過太飽食唔落
密密煎
食完先知樓上係有雅座 哈哈
由呢條樓梯上去 唔落雨就無問題囉
阿伯一路行一路玩 yoyo 勁呀
呢日未完架 ^^
沒有留言:
發佈留言