Babymama: 萬步 ♡ 台北 DAY 1 (PART 2/2) ( 25-NOV-2017 )

( 25-NOV-2017 SAT ) - PART 2/2

買好哂電話卡就即坐捷運去酒店勁期待呀 ~

今次試下坐捷運直達酒店

最鍾意推行李車代表唔駛自己拎哈哈

唔知邊度買悠遊卡 所以叫里奧大人去詢問處問唔好浪費時間搵喇

買咗 2 張悠遊卡 (NT$500/張) 但要比按金 NT$100/張

搞掂

我見到 "坑口" 好有親切感呀哈哈

突然間咁多人買車票

上面啲數字係咩意思呢 ?!

動漫公仔 ?!

已經 17:49 喇

拖喼坐捷運

其實坐捷運係最好因為可以避開地面塞車但要上上落落辛苦啲囉

我幾鍾意呢啲兩座位

感恩車廂無咩人咋咁我哋咁放行李就唔會阻住人嘛

我哋差唔多落車先見到有行李架咁我哋仲將行李擺喺自己隔離添勁樣衰呀哈哈哈哈

話咁快又差唔多 7 點了

天花板好靚喎

坐捷運去台北車站一出站其實唔知酒店位置喺邊里奧大人即開 Google Map 但唔係咁掂要開百度先得最後搵咗好耐先搵間酒店指示話拎行林最好 Z4 出口但距離酒店比較遠 Z10 就行一分鐘就到咁講好近咁但唔識路嘅話真係有排搵 ~

加上我係路盲夜媽媽更加睇唔到啲 Building 咁滯所以靠里奧大人了 ~

我哋搵緊路去酒店依個鬼佬企正喺 "K 區" 我堅覺得啲路真係好 "崎嶇" 呀哈哈

拎住行李上上落落係比較麻煩

第一次去台北里奧大人帶我行過地下街當時仲買咗 2 件冬天褸只係 NT$600 咋勁抵爆

終於鑽出地面喇

對面係 "台北車站"

間酒店又係型格酒店咁款成揀都係全黑真係好考眼力噃 ~

終於搵到 Relex 5

酒店對面係賣胡椒餅嘅

見唔多人排隊又即管買嚟食啦對上一次買 4 個食到好驚所以今次買 1 個 Share 食

我好鍾意睇人整嘢食里奧大人成日話為食嘅人先會咁喎

@ Relax 5

一入房間都好光猛加上廁所又非常乾淨真係好感恩同埋好開心因為我覺得廁所乾淨係好好好緊要囉揀酒店首選㗎 ~

Check-in 之後放哂啲重要嘢入夾萬就即去寧夏夜市喇 ~

@ Hotel Relax 5

7 點 20 分 Check-in

黑黑沉沉 Style

飲咖啡嘅地方

小食

個 7 字好大隻哈哈

估唔到房間好光猛喎

胡椒包好味道呀因為個皮好脆不過我其實唔覺得啲肉有胡椒味但里奧大人話有喎

我哋住嘅酒店去寧夏夜市只係 10-15 分鐘去西門町又係咁上下時間只係唔同方向所以我覺得酒店位置好 OK 呀次次酒店都係里奧大人搵㗎因為我唔識睇位置方向呢 ~

沿途落毛毛雨雖然我都預咗落雨但都覺得有少少掃慶始終拎住把遮掃街真係好唔方便呢 ~

影地標哈哈

條街無咩人喎令我即刻諗起台南

到寧夏夜市喇最搞笑里奧大人問我睇唔睇到寧夏夜市呢 4 個字我話睇唔到喎我諗住好似饒河街夜市咁有個大牌坊咁樣好易睇到呢

落毛毛雨呀

沿途會見到好多玩遊戲嘅灘檔

越落越大雨了

我睇人玩已經好開心好興奮

去到夜市入面喇好多人呀又落毛毛雨所以行咗一轉最後都係入店舖食牛肉麵同小籠包落雨濕濕真係好難掃街 ~

里奧大人要食 "雪在燒"

糖蔥餅嘅皮

加花生碎

我之前同里奧大人講話雪在燒係好味道但唔鍾意就係收完錢就即包雪糕好唔衛生囉估唔到依家已經係 "自行找零" 咁就衛生好多啦

唔記得咩味道嘅雪糕最緊要揀甜味嘅雪糕即係唔好揀青檸味咁解呢明唔明呀 ?! 哈哈

加埋芫茜

包埋就搞掂

2 尺高嘅花生磚

睇見又想食了

有啲檔口係有坐位的

呢度煙霧離漫

里奧大人 Send 比我睇佢終於買到杯木瓜牛奶梗係啦佢排咗好耐呀仲比人打尖添呀哈哈哈哈

我等埋里奧大人先入去舖頭嘛咁佢話聽唔明個 Waiter 講咩我話佢講右邊同左邊係唔同餐廳所以妳要講食咩咁先可以帶位里奧大人當堂覺得我好勁哈哈哈哈 ~

坐嘅地方都唔錯但地下就好跣

另一邊係食西餐所以頭先個女人就問食牛肉麵定西餐就係咁解喇

要 20 分鐘內飲完怪不得里奧大人飲得咁快啦

自助醬料區

我同里奧大人都覺得無料到喎

原汁牛肉麵 - 無咩色水咁噃但食落都係無咩味道但牛肉口感係 OK 嘅哈哈

小籠包 (9 粒)

小籠包咇啲肉汁出來睇睇好喎

橫睇掂睇都無肉汁哈哈同埋個皮好厚囉

台灣消費都貴哂 lu

@ 牛 B 牛肉麵食館

食完就停雨真係呢所以我話又掃下街先去旅行真係咩都想食咁 ~

嚟到台北一定要食台灣腸啦哈哈

個樣好吸引

奇怪點解幾張相都見到有火點再望真啲原來係支竹籤呢條腸唔好食嘅好失望

三星蔥好味道因為食完個口唔會一陣味但佢又好有蔥味哈哈

好似好好味咁

笑死我呀我勁期待家嘛但原來得 1 粒所以我一路影一路係咁笑無諗過 1 粒因為我無睇價錢同份量之後個鬼佬見我係咁笑佢又笑但眼神話我知佢完全唔知呢嚿係咩嘢來哈哈哈哈 ~

幾咁大粒哈哈但好味道嘅

咁樣就睇到真實 Size

灸燒牛肉粒 - 無食呀

佢好似戴咗頂帽咁加埋成個動作好似機械人哈哈

番到香港睇旅遊節目原來呢個肉焿有好耐歷史㗎喇

青蛙下蛋一定要買來試因為未飲過

其實係愛玉加檸檬我個人認為好難飲啦哈哈

大大粒麻糬太飽肚了所以唔敢食

里奧大人話要再食喎

里奧大人唔加芫茜話味道當堂無咁好味呀哈哈

呢檔木瓜牛奶好味道呀

好少機會同里奧大人行到離行離列但今次唔同因為我有出電話卡可以打比佢咁就唔駛驚啦哈哈

我好想玩 Game 呀所以睇下有咩好玩 ~

神槍手個名幾咁掂不過我唔係咁鍾意玩呢啲 Game

中間綠色個波有紅外線等妳可以百發百中但其實係只比細路仔咁玩咋係細路仔嘅手槍先有紅外線咁又幾好喎大家開心

原來樣樣都要 NTD100 我覺得貴囉不過里奧大人就話玩啦咁我同佢就逐個波慢慢掟隔離兩個細路就係咁掟所以我哋 62 分時佢哋已經 192 分嘩哈哈哈哈不過佢哋玩咗 4 盤嘅大佬廿幾蚊港紙梗係要慢慢玩啦 ~

諗住無獎品咁都無所謂旨在玩下之後老闆叫我行去後面揀禮物仲要有 Minions 袋添呀超級勁開心呢哈哈 ~

見到里奧大人都笑得好開心㗎其實我知道佢因為知我好開心所以佢都笑得好開心呢好鍾意呢啲感覺家姐又係咁㗎見我笑得好開心佢又笑得好開心㗎 ~

我玩呢個 Game 無難度啦哈哈哈哈