打邊爐 @ 阿 MI 屋企 ( 18-NOV-2017 )

呢餐重點係呢支大炮



蕃茄芫茜湯底



滾餃妳們了   哈哈哈哈   超級爛 



脆肉鯇



墨魚滑 - 好味呀



魚皮餃 - 阿喂陪我同里奧大人食餃   哈哈



水餃 - 阿喂話水餃豬肉   佢個樣即刻好驚   以為我地唔食得   哈哈   今日其實都無禁食祈禱了   因為朝早已經食咗五香肉丁



炸魚皮 - 阿喂必買比我同里奧大人食㗎   



冰菜 - 我次次去阿 mi 屋企都好開胃   會成日餓咁   哈哈

唔少得嘅辣椒豉油



( 18-NOV-2017  SAT )

今朝 10 點起身   一覺瞓天光   不過 8 點去完廁所    之後瞓番   但係咁發夢   仲要係見到阿 mi 同阿喂   情境係我地 4 個一齊去旅行搵地方食嘢   想叫餐廳留位食晚飯   職員話要收 US$1,700 服務費   佢講完即幫我哋留位   我同阿喂即出去講話唔要啦   同埋順便話埋個職員態度唔好   呢下起身都覺得好笑   得我哋兩個咁衝動   係都要話個職員   哈哈 ~

沖埋涼就去食早餐   諗住一陣去城門行山   所以食飽啲 ~



番到屋企抖下   再著埋行山裝備    但其實個天係灰灰暗暗   家姐話鰂魚涌落雨   咁我同里奧大人又著哂裝備   所以打比阿 mi 問荃灣咩環境先 ?!   佢話成日九龍落雨   荃灣就有陽光   咁好啦   入咗荃灣先算 ~

阿 mi 好搞笑   一話行唔到山   佢第一句就話 "嘥咗一日假"   哈哈   佢好緊張我啲假咁㗎 ~

入到荃灣仍然灰灰暗暗   但另一邊又見有啲藍天白雲    咁我話去睇上城門嘅小巴多唔多人等   用佢嚟做指標   因為呢個時間好多人上城門㗎   去到無人排隊   仲等緊上客   所以我哋都唔去城門行山 lu   改為行街   之後再等埋阿 mi 喂一齊食下午茶 ~

咁我又睇太陽眼鏡嘛   見到對偏光嘅太陽眼鏡 $339 仲有 8 折   咁問里奧大人好唔好睇啦   佢叫我試下   即係佢係會買比我   如果唔買   佢第一句就會話: 妳已經有好多 ~

買完又周圍行啦   但勁口渴   所以去天仁買杯珍珠奶茶   難飲到爆   完全無茶味   係奶水味囉   真係來到香港就衰哂   旺角果間又係咁   真係做壞哂個品牌 ~

又周圍行下   再買對鞋   $599 減到 $299   所以即買   可以去旅行着呢 ~

2 點 15 分約咗阿 mi 喂去飯堂   但先到先等   估唔到咁多人   好在我地早去等位咋 ~

阿 mi 坐低無耐就去洗手間   去咗好耐   我望咗 2 次門口都未見佢出來   仲以為佢肚唔舒服又或者咩咩   點知睇佢 Blog 先知佢原來係嘔   唔怪得咁耐啦   我都奇怪   佢飲嘢飲剩 1/3 杯就比阿喂飲   佢平時點都會飲哂啲嘢   因為佢成日飲好多水 ~

海南雞飯



黃咖哩雞配印度薄餅



好少雞肉



泰式鴨肉湯河



炒金邊粉



咁之後佢同我講話今日不在狀態   好在無行山   我同里奧大人講番啦   佢話人哋撐妳咋 ~

我哋一齊見面   阿 mi 好少咁樣話不在狀態   不過佢呢排都好頻樸啦 ~

一齊去街市買餸   但真係唔可以買咁多餸   因為大家都好飽   但又唔想話太晏食喎 ~

買完脆肉鯇   再去買水餃 雲吞 炸魚皮   之後買菜買蘋果同提子   一見到人參果   我真係忍唔住同 mi 講話好掛住媽咪   其實家姐都係一樣   我一話人參果   佢就話媽咪嗰時成日買   所以媽咪走咗之後   我好怕見到人參果   望完之後   我成日會好唔開心同埋好頭痛   依家會好啲   但仍然會有唔開心嘅感覺   對上一次係買比阿 mi   我真係鼓起好大勇氣㗎   但今次買完   我感覺自己都放開咗啲啲   起碼唔抗拒 ~

咁搭車番屋企   我又去買齋   之後到阿 mi 買蕃茄芫茜   我覺得勁好笑   明明之前每個人只係拎一袋仔嘢   買下買下   變咗每人拎幾袋嘢   但呢啲感覺真係超級開心   如果我同阿 mi 同家姐住附近就好   有好嘢可以即時分享 ~

頭先阿 mi 幾乎每買一樣嘢   就會問我買唔買 ?!   咁聽日就唔駛特登去買   真係好細心   肯定佢知我懶到死   哈哈哈哈 ~

番到屋企都 4 點幾 5 點   兩個男人就聽歌   兩個女人就喺廚房整嘢   其實阿 mi 整嘅多   我只係企喺隔離   哈哈   所以呢個時候最好傾密偈呢 ~

阿 mi 搞掂哂嘢   坐咗梳化一陣就話要入房瞓下   佢好少咁樣   一定係堅唔舒服   我哋今晚仲嚟打邊爐   好似煩到佢咁   堅唔好意思 ~

咁我地 3 個傾偈啦   又聽下歌   阿喂最鍾意介紹人聽歌 ~

佢話有首歌好慘㗎   但無講咩內容   原來係個男仔好細個就無咗父母   真係邪囉   啱啱先同阿 mi 話掛住媽咪   點知又聽埋首歌   睇咗旁白內容   真係喊死我咯   不過咁都好   可以發洩下   係嚇到阿喂咁啫   哈哈 ~

好似 6 點左右   阿 mi 瞓醒出來啦   里奧大人話以為阿 mi 喺廚房整嘢   我話我點會唔陪阿 mi 呀 ?!   之後佢話佢都覺得奇怪   點解我坐喺度傾偈 ~

話咁快搞掂   原來都 7 點 lu ~

一出廚房覺得焗熱呀   要開陣冷氣   比里奧大人鬧死 ~

今晚個個都好多嘢分享呀   又講人生百態先好笑   估唔到里奧大人今晚咁多嘢講   仲要講公司嘢   但間公司啲怪嘢   真係好難唔同人分享   因為真係好難想像   世間上有呢啲咁嘅人   同埋我哋諗嘅嘢又差唔多   講咗出來   個人係舒服啲嘅 ~

食完就陪阿 mi 洗碗   依家我哋真係越來越食得少嘢   洗碗時間都快咗好多   哈哈哈哈 ~  

差唔多 10 點就食生果   次次都捧住個肚走   雖然阿 mi 細食   但就係咁整嘢比人食   又係咁問人食唔食   真係減肥就唔可以去佢屋企 Gathering 囉 ~





10 點半 Call 的走人   番到屋企就落雨呀   所以凍咗好多呢 ~

沖埋涼   睇多陣電視   12 點都瞓 lu ~