里奧大人話去一個捷運站入面坐車 好似要行咗條萬里長城先到咁 咁我地又買咗書 同埋我地條腰同腳都都有 d 酸 所以都係打的去師大夜市 NTD240 都 ok 啦 ~~~~
雖然燈籠滷味好出名 但我覺得份量太多 咁見到鹽水雞就二揀其一 我都係揀鹽水雞 因為香港好難食到嘛 ~
好味呀 可能多菜 哈哈 所以一陣會再打包多一包番酒店食呢 ~
師大路 成日覺得師太順口 d 哈哈
對面就係師大夜市
鹽水雞
滷味 但上次在台南食滷味 最後係炸咗同埋加辣粉 完全食唔到滷水味呀 所以今次都唔食咯 留肚食其他嘢
喺呢間 "會上癮" 買飲品
基本上間間都話自己係天然 xxx
價錢唔貴
隔離間涼茶舖老闆好好笑容 不過我無幫襯 只係影相咋 哈
買遮
都好 colurful
NT$200 一把縮骨遮 我覺得好抵呀 同埋最開心係有自己鍾嘅款式嘛
呢 d 就 NT$490
做咩頭 dup dup 無心機呀 ?!?!?! 我仲有錢剩喎 嘩哈哈
好得意
又再買多 1 包鹽水雞番酒店食
正呀
爽爽脆脆 口感一流 好好味呀 可能多菜 哈哈 所以再打包多一包番酒店食呢 ~
里奧大人買咗杯香蕉奶 好濃香蕉味 但好鬼飽肚 哈哈
7 點幾都番酒店 諗住過對面馬路去捷運站 但見到有交通意外呀 有個人瞓咗喺度 好在無血咋 不過佢無反應囉 同埋有警察保護佢 又有熱心途人幫手 等 d 車唔好衝過來 咁我正想過另一條馬路時 有架電單車喺我面前急停 我仲同里奧大人講話佢咁停法好危險 之後仍除咗頭盔 即跑去意外地點果邊 幫手指揮交通呀 呢幕真係好感動 希望傷者無事啦 ~
咁我地最後都無過馬路去捷運站 諗住反方向行唔駛等交通燈 因為我覺得台北 d 交通燈都要等幾耐 正常直行 比我望到捷運站原來喺我隔離 ~~~~
行番出去搭捷運
@台電大樓站
又行條地下街
番到酒店即放低所有嘢 咁里奧大人習慣每日會抹相機帶 咁我見到佢抹 我又想叫佢抹 但我開口話抹唔抹好呢 ?! 條友笑哂話抹啦 個動作都已經向住佢果邊行 所以佢最鍾意話我二仔底死跟 哈哈哈哈 ~
今晚就咁拎手機同相機去寧夏夜市 感覺真係超爽 行都行得快過人呀 ~
其實我真係好想再黎多次寧夏夜市 因為第一晚落雨 無咩點掃街 所以今晚再去到 我超級開心呢 ~
18度最舒服 哈哈
無諗過日日有對新拖鞋
細細嘅洗手間 但好乾淨
我好鍾意行呢間 "墊腳石圖書廣場"
之前就係玩呢個 Game
又見到臭豆腐 天書講到佢好出名 咁我又試下先 因為最後一擊架喇 ~~~~
之後里奧大人又翻單食雪在燒 咁好想試新嘢 就試下麻糬冰 真係絕對有驚喜呀 ~
真係忍唔住同里奧大人講 好多謝佢陪我食咁多我鍾意食嘅嘢呢 ~~
章魚燒 我唔食架 因為真係超級飽肚
唔記得咩煮法
炸豆腐
@ 里長伯
右邊係賣木瓜鮮奶
只有油炸臭豆腐吸引我 嘻嘻
我鍾意食細細粒嘅炸豆腐 唔駛咬開就碎哂咁呢 呢間酸菜好味 有 d 酸酸地
我一個人可以食哂一碟
真係喉嚨痛都要食呀 哈哈 不過我無喉嚨痛
對住嘅左手邊就係花生捲冰淇淋 勁方便
蛋黃芋餅 感覺好漏 所以唔敢買黎食
一堆鹹蛋黃同一堆肉絲 其實咁睇都覺得好漏咁 哈哈
又見到好大粒麻糬 唔好引我啦 ~~~~~~
我對韓國嘢無興趣呀
蔥抓蛋餅
烤菇
都幾想食架 但都係想食其他新嘢
冰糖葫蘆
海鮮
掙扎咗好耐 最後都係唔食喇 太大支喇 我食炸豆腐唔覺滯 但食呢 d 炸物 我好快會滯咁架
我同里奧大人講 我一定唔會飲港式凍檸茶 哈哈
美容聖物。。。。。。
唔知咩來
焗緊油嘅蔥油餅
仲焗緊 嘩哈哈哈
太大塊啦 唔係都可以試下 個樣好似脆卜卜咁
嘩 魚蛋呀 諗起市林夜市果串魚蛋 辣到我呢
炸咩呢 ?!
突然好想食 但我頭先買咗包鹽水雞仲未食 所以唔買喇
里奧大人話試新嘢
里奧大人話試燒麻糬冰
我成日見到佢地吊住 d 拖板 就覺得好危險呢
超級大粒麻糬 好想鍊佢呀 哈哈
創始店
花生麻糬冰 (NT$75) - 估唔到味道咁夾 d 花生好香呢
一啖放入口 真係好消暑
腸呀
里奧大人話想食地瓜丸 但怕熱氣 我話唔怕啦 我包底 但要排隊等 我話排啦 反正咁飽都未食得落嘛 ~
估唔到里奧大人一路行一路食 話咁樣食 唔駛一次食咁多咁喎 咁又係 呢 d 好飽肚架 ~
食埋條山豬肉腸 其實我好飽 但里奧大人話食啦 佢又食 所以又買一條食喇 ~
買埋杯木瓜牛奶就番酒店喇 里奧大人話今次無咁好飲 唔同咗人整喎 ~~~~~
好多人排隊買地瓜丸
里奧大人想買黎食好耐 但都係諗諗先喎 因為份量又係好多
呢兩個大石油氣罐 好恐怖
有部 "靜電除油煙機"
見唔見到右下角 有 4 個唔同顏色嘅膠盒 係 4 個唔同味道 我喺後面數住 有咩味道最多人揀 哈哈
佢會揀咗 d 唔靚嘅出來
好似魚蛋
用埋溫度計
炸咗但剩番一粒 店主就排緊隊嘅人食 今次輪到我地喇
以前就一定買大 依家就一定買小 哈哈
拋呀拋 隔哂 d 油 幾細心呢
吹凍 d 先入杯
隔離有得洗嘢又唔錯
夜市咁多石油氣罐 有煙頭真係好危險
一定唔食即食麵啦 哈
德國豬手
又見到海鮮
仍然超級多人 不過無落雨就好行好多啦
烤肉
我又要食條腸 但同樣都覺得唔係咁好味道 但好想食咁囉
最愛西瓜
食完就行番酒店 都要成 15 分鐘架 所以其實如果唔食咁多嘢 又成日係咁行 應該會瘦番番香港 哈哈 ~
走人喇
搞笑
勁想見識下間卡拉 ok 哈哈
左右兩邊都有食店
動物醫院都有
有機會再來
行番酒店 lu
呢座酒店好 grand 咁
好似三角朱古力嘅酒店
條街無咩人行
最鍾意有呢 d 顯示牌
進入時光隧道 哈哈 記得第一晚問里奧大人驚唔驚個黑色人像 我話駛咩驚 ?! 今晚到我比個女人嚇鬼死 事緣同里奧大人掛住傾計 我又無為意身邊有人行 點知突然有個黑色長髮黑衫黑褲嘅女人喺我隔離行過 果下個心嚇到離一離囉 以為係鬼呀 @@
里奧大人叫我影下佢後面 因為我話佢成日飲木瓜奶 肥咗好多 哈
我無帶手袋同銀包 所以我將個膠袋縛住喺相機度 好有 Fashion Sence
苦瓜之家
酒後駕駛嘅人 不論有無撞到人 我都覺得要重罰 同埋停牌 5 年
地標
大大條馬路
好開心見到掛住彩色嘅裝飾 咪成間嘢黑沉沉先得架 哈哈
呢袋唔係垃圾黎架 嘩哈哈
頭先買嘅鹽水雞
衰奧話辣 根本唔辣囉 今次食雞胸 鞋到呢 @@
頭先買嘅炸地瓜丸 原來有餡架
多飲水呢個牌字 原來7-11都有 我以為酒店自家品牌添
番到酒店即執好 d 行李 都執咗一個鐘 之後就沖涼 再食包鹽水雞 諗住叫里奧大人食多 d 菜 佢又話好辣 但都係中辣之嘛 頭先食第一包又唔話辣 大佬 話明 share 食 依家我要食哂啊 嗚嗚 ~
希望 d 鳳梨酥無比我整到碎哂啦
睇戲到 1 點幾呀 但仲未做完 不過我地都瞓喇 ~
呢日行程完畢 ^^
頭先買嘅炸地瓜丸 原來有餡架
多飲水呢個牌字 原來7-11都有 我以為酒店自家品牌添
番到酒店即執好 d 行李 都執咗一個鐘 之後就沖涼 再食包鹽水雞 諗住叫里奧大人食多 d 菜 佢又話好辣 但都係中辣之嘛 頭先食第一包又唔話辣 大佬 話明 share 食 依家我要食哂啊 嗚嗚 ~
希望 d 鳳梨酥無比我整到碎哂啦
睇戲到 1 點幾呀 但仲未做完 不過我地都瞓喇 ~
呢日行程完畢 ^^
沒有留言:
發佈留言