蒜蓉雞肶 + 椰菜炒油麵 + 蕃茄南瓜粟米湯 ( 16-NOV-2017 )

( 16-NOV-2017  THU )

尋晚咁夜瞓   但今朝起身無難度   但係攰囉   哈哈哈哈 ~

早餐食奶油多   依家唔飲奶茶   轉飲咖啡   家姐話中醫話唔好飲奶茶喎 ~



菇場超級勁勁勁忙呀   又眼瞓喎   成日睇錯嘢   最慘 8 卦成日比我鬧   但其實係我錯   大佬呀   啲數字係 Font 4 嘅 Size   真係鼻屎都大過佢喎   所以我都忍唔住拎番去比里奧大人睇   佢都話根本細到睇唔到   我咪話囉   唔好成日話我打機所有眼濛啊大人 ~

Lunch Time 去買蕃茄粟米南瓜   買完就去買炒麵 + 燒賣番菇場食呢 ~



仍然忙爆   真係攰到成隻嘢咁   所以放工即走   難得所有大粒唔喺度   呵呵 ~

再去街市買餸    因為聽晚家姐黎食飯   咁我今晚買定   聽晚番屋企就可以即刻煮喇 ~

放工即走   番到屋企放袋就即刻浸浸切切   真係企到腰骨痛 ~

咁搞掂哂   里奧大人就同我講喺淘寶見到條裙   話想淘比我   咁我一睇就話人哋 Model 幾高先得㗎   之後佢幫我度下我啲裙   要是我着   真係好似婚紗咁囉   哈哈哈哈 ~

是日晚餐 - 蒜蓉雞肶 + 椰菜炒油麵 + 蕃茄南瓜粟米湯 

蒜蓉雞肶 - 唔想成日用光波爐   所以寧靜花啲時間慢慢燴熟   里奧大人好鍾意食呢個汁   係咁話好味道   幾咁比面呀 ~

椰菜炒油麵 - 第 1 次加埋椰菜絲落去炒   因為平時懶   所以唔加任何嘢   但呢餐無菜比里奧大人嘛   所以加落炒麵   咁佢一齊夾黎食呢 ~ 

蕃茄南瓜粟米湯 - 好想飲呢個湯   所以又滾黎飲喇   有南瓜真係甜好多呢 ~

搞掂哂就沖涼   今晚唔徑步喇   好攰呢 ~

睇下電視   11 點都瞓喇 ~