好攰呀 但想影日落 所以都係唔走住 諗住去 Mister Dounut 坐下 咁因為我可以食個 Donut 所以揀佢咋 以為間間都有得坐 但原來淡水呢間無 食芋圓都有得坐 但我食唔落 又唔想飲咖啡 所以最後都係喺海邊周圍行 等影日落 ~
個個都影日落 我好好彩呀 相機無電 因為我拎起咗個化妝袋 所以無拎相機電 嗚嗚 ~
仍然好多人
其實都好感恩今日好好天 雖然係好熱 哈哈
今日好多時一開鏡頭影相 就會影成咁 但又幾好喎 沙龍咁款 哈哈
再影又無事
快 d 日落 無咁熱
又見到呢個枕頭蛋糕
見到呢張相就好好笑 我同里奧大人講話好熱呀 行埋邊啦 (但點埋都係曬到) 一係入舖頭睇下 但其實舖頭更熱 哈
今日個天比嚿大雲遮住 所以其實唔係點睇到日落 ~
日落了 可惜里奧大人無帶女朋友 (GF 相機) 來啦 帶咗就好 咁啱我相機無電 呵呵
另一邊
金金黃黃 但雲層比較厚囉
好多人喺度影日落
其實好大風架 妳睇個女仔 d 頭髮吹到飛起哂
沉默的背影
我 d 頭髮都吹到歪埋一邊
唔多圓嘅鹹蛋黃
我用手機影 影到個太陽好怪 嘩哈哈哈哈
發射
我鍾意睇日落多過日出 因為唔駛晨咁早起身 哈哈
woo 入黑了
如果再火紅色就更好呢
都有唔少人釣魚
街頭賣藝
再見淡水
我同里奧大人講 同佢影相應該要比錢 但佢地無比啊 可能佢地唔知啦
坐番捷運去市林夜市 今次去台北 最主要係去掃街 呵呵 ~
依家 26 度
講出重點 我每月一到會坐巴士嘛 有時見關愛座有位 我都照坐架 我要去到坐關愛座嘅地步 即係已經好辛苦 如果唔係我都唔會坐啦 唔怕比人公審咩
呢座 building 好特別喎
到劍潭站喇
超感恩 因為我去台灣前 成日講話夜市無垃圾桶 所以我話附近有垃圾桶都好啦 唔駛成日拎住 d 袋 不過咁 雖然無垃圾桶 但地下唔多見有垃圾架 公民教育做得非常之好呢
對面就係夜市了
里奧大人話食串魚蛋 辣到跳舞 辣到差 d 流口水 但又唔見有嘢飲賣喎 當行到買飲品嘅時候 都已經無咁辣了 ~~~~
我加辣粉 但原來超勁辣呀 食完都仲覺得勁辣囉 d 口水想流出黎咁滯呀
辣住睇呀 哈哈哈哈
男生中 7 顆 女生中 6 顆 good
成日覺得個波一爆 就成臉都係粉 哈哈
好大碌香腸
士林市場有冷氣的 (好似) 不過我地無去睇呀
黎到台北 一定要飲下苦瓜飲品 所以買咗杯苦瓜蜂蜜 清熱嘛 同埋我同里奧大人講話 尋晚瞓覺熱熱地 唔知係咪食得太多炸嘢 哈 ~~
其實去夜市 見啱就食喇 因為好難番轉頭搵番囉 不過我地有要求 就係多人就唔排 但無人又唔會食 嘩哈哈哈哈 ~
買嘢飲解辣
白苦瓜先好味道
我覺得飲品好平呀 對於我地香港人來講
食飽可以去買衫
里奧大人問咩來 我話雞翼囉
乳豬呀 但成隻擺出來 好恐怖囉 @@
日日揹住呢個袋 真係好重囉
唔算多人
辣魷魚 辣到流口水 我要快快食 唔想超辣嘅感覺係口腔內久久不散 因為里奧大人食咗 2 啖炸 話太辣喎 所以我幾乎食哂成條魷魚 所以到我話要飲奶解辣喇 去咗 Family Mart 買統一木瓜牛奶 得個甜字 @@
我忍唔住要食魷魚喇
好吸引
用射燈照住 真係睇見都熱
好大條呀 我要辣粉 但好鬼辣呀又 慘
好多人排隊買烤菇
又見到臭豆腐 指標掂呀 坐滿哂人 最正係我地又唔駛排隊嘛 呵呵 咁啱又有位 所以即入去食喇~~
食完見到有條人龍 好在我地食得快咋 ~~~~
唔好講笑 每次食完臭豆腐 我對眼同個鼻窿都好熱咁架 所以真係勁熱氣 感恩我無喉嚨痛咋 唔係成個旅程就玩完了 ~
知唔知點貼呀 ?!?!
就係咁喇
地方細細
香炸臭豆腐
咁樣收集筷子嘅膠袋又唔錯
我食香炸臭豆腐 酸菜正呀
一定要蘸埋豆板醬
好多人排隊呀
爆乳起司 聽個名都知係超飽肚食物 哈哈
人頭湧湧
北回木瓜牛奶好出名 comment 都好一致話好飲 所以叫里奧大人買杯來試下 果然好味道 真材實料 飲一杯已經飽哂 哈哈 ~
北回木瓜牛奶 真係好味道架
仲有其他飲品 不過我無試呀
加糖先有風味 ?!?!?!
增肥行動 哈哈
好濃木瓜味 同埋真係唔似加水咁 因為飲完一杯真係好飽
肉毒小臉 個名都好恐怖下 哈哈
呢條街就無咩吸引你想行喇 哈哈
又係炸花枝
其實飽飽地 但又好想食大腸包小腸 所以里奧大人話買啦 今次排隊都照殺 咁樣可以抖下 唔係咁快有得食住 呵呵 ~
行多陣都 9 點 lu 所以番酒店休息喇 ~~~~~
但我一定要食 "大腸包小腸" 好多人排隊呀
得一個人做 唔怪得啦
有腸有糯米有酸菜 樣樣我都鍾意食架
咁樣排隊就唔會阻住隔離舖位
密密包
好多口味 佢介紹我食綜合味道 店主識廣東話架
好多配料 其實都唔知咩味打咩味 哈哈
好味道 但同樣好飽肚
日本剪刀式 六種造型 講緊嘅係雞蛋糕 估佢唔到呢 哈哈 但里奧大人又唔行埋去影 D 蛋糕喎
d 公仔係放到好出 所以妳一定夾到 大家開心開心
我本來想買右手邊嘅綠色迷彩褸 好似 NT$1200 咋 不過我已經有幾件褸 咁里奧大人話唔好買喎 但我試穿咗 都好重下 所以都係唔會買呢
街邊檔
走人喇
食完都番酒店喇 好想番去沖涼呢 ~
話咁快又 8 點
沖埋涼就睇戲 勁爽 ~
呢套戲名 我第一時間諗起頭先食緊果條八爪魚呀 嘩哈哈哈哈
6+ 保護級
完全估唔到佢原來係賣緊教學廣告
好搞笑
呢套好睇喎 雖然都好舊下 哈哈
15+ 嘅電影
睇到 11 點幾都瞓喇 今日出得多汗 個人好攰呀 哈哈哈哈 ~
呢日行程完畢 ^^
沒有留言:
發佈留言