豉汁蒸鯧魚 + 蒜蓉蒸節瓜 + 芫茜皮蛋魚片湯 ( 14-NOV-2017 )

( 14-NOV-2017  TUE )

今朝無咁凍喎   所以完全唔記得要拎件外套添 ~

坐早咗一班車   咁去柜員機過數啦   過完數即走   之後有人大叫 : 小姐   我又好自然咁向後望   原來真係叫我呀   因為我唔記得拎番張卡呀   真係邪   之前家姐拎錢   記得拎番張卡   但唔記得拎   最後去銀行備案囉   感恩可以拎得番錢咋   唔係就慘了 ~

早餐食芝蛋治   因為 Lunch 食 K 餐   所以今朝要飽啲 ~

菇場忙呀   做到呆咗   個腦好實好實咁 ~

Lunch 食 K 餐   真係乳酪 + K 又會令我胃痛   但 Nissan + 乳酪又無嘢喎   等我仲買咗 2 樽乳酪添 ~

仍然忙啦   但時間過得真係好快囉   所以話咁快就放工 lu ~

放工即走   番到屋企即預備晚餐喇   今晚差唔多 7 點幾先開飯   咁今晚煮 2 個丁麵   依家食 1 個丁麵覺得超級飽   下次都係 Share 食一個算喇 ~

是日懶餐 - 豉汁蒸鯧魚 + 蒜蓉蒸節瓜 + 芫茜皮蛋魚片湯 

豉汁蒸鯧魚 - 里奧大人問我咩嘢魚 ?!   我話我仲識得蒸咩嘢魚喎   好在佢對食無咩要求 (有都無辦法   呵呵)   同埋佢都鍾意出街食   所以我煮嘢唔會有壓力呢 ~

蒜蓉蒸節瓜 - 懶呀   切粒最快   諗住 12 分鐘搞掂   不過有啲都唔熟嘅   所以留番聽晚再食 ~

芫茜皮蛋魚片湯 - 里奧大人話熱氣   咁又滾呢個下火湯比佢啦 ~

洗埋碗都 8 點   抖陣就去徑步喇   我徑咗 1 個圈   突然搞肚痛   要即飛番屋企   之後再去徑步 ~

咁我無同里奧大人講嘛   反正會落番黎   之後佢話望咗好耐都唔見我   以為我去另一邊做運動   之後再係咁望都唔見我   以為我哩埋整鬼佢   正想打比我嘅時候   咁啱我就黎到徑步   我估唔到佢原來會望我架喎 ~

番到屋企即沖涼再敷 Mask   咁我敷住 Mask 睇行程   咁叫里奧大人拎支筆比我   我望住佢講唔該嘛   佢個樣嚇一嚇咁呀   笑死我   已經唔係第一次咁驚   我問佢真驚定假驚 ?!   佢話下次如果我敷 Mask 要同佢講聲囉   哈哈 ~

呢排 11 點幾都無咩睡意咁   所以今晚成 12 點先瞓呀   我估應該係每月一到瞓得太多   依家唔係成日咁眼瞓   好在番工都精神咋 ~