2017年11月17日星期五

咖哩魷魚柏葉 ( 17-NOV-2017 )




( 17-NOV-2017  FRI )

話咁快又星期五喇   真係唔覺唔覺又過埋個 11 月份架喇 ~~~~

早餐食芝蛋治   依家食食下又 ok 喎   唔會話好滯 ~~~~



菇場忙呀   好快又到 12 點半 lu ~

Lunch time 出去行陣   條街好鬼凍呀   打咗幾個乞痴   覺得唔舒服喇   慘 ~~~~

其實唔餓   但想食熱嘢   所以買魚片頭米粉番菇場食   等身體暖 d ~



忙到暈   8 卦又係咁 skype   搞到我更加忙   又問之前有套韓戲叫咩名 ?!   我話係 "不息的婦兒"   之後佢話套戲係叫 "不屈的兒媳" 囉   所以里奧大人好驚叫我講戲名   嘩哈哈 ~

菇場凍到我想嘔呢   我要着長外套 + 絨嘅大披肩先夠暖呀   但其實 feel 到自己開始好唔舒服   因為個人無哂力   但點都要做哂 d 嘢啦   聽日 off 嘛 ~

咁放工嘅時候要除哂所有外套同披肩   果下我好唔想出門口囉   因為好驚凍嘛   點知街仲暖過菇場   暈 ~~~~~~

唉   個人真係無哂力   個身好慶   但我其實好凍   所以即探熱   好在 39 度咋   真係咩都唔理食粒 panadol 先   最緊要唔可以話比里奧大人知   唔係一定唔比我聽日行山呢 ~~~~

今晚家姐黎食飯嘛   所以都唔抖住   要煮定 d 咖哩 ~   

差唔多 7 點幾就煮椰菜絲炒油麵   再煮熱 d 咖哩   家姐差唔多 9 點先到   所以佢一黎到   就可以一齊開餐呢   但今晚我無咩胃口   其一煮完   其二個人唔多舒服 ~

是日懶餐 - 咖哩魷魚柏葉 

咖哩魷魚柏葉 - 買咗 $15 牛柏葉   2 隻魷魚就 $35   再加埋 d 龍蝦丸同魚片頭   煮煮埋埋一大兜   所以食唔哂 d 丸同魚片頭呀   要留番星期日食 ~~~~

家姐 10 點左右走   我唔送佢喇   想早 d 沖涼 ~

睇多陣電視   10 點 45 分即瞓 ~

沒有留言:

發佈留言