今朝 9 點 20 分被陽光曬醒咗 咁我都起身 lu 反正我本身都預咗 9 點半起身 ~
沖埋涼就去食早餐 10 點去到 Dante 估唔到今朝啲早餐好快到喎 可能平日關係啦 ~
好好天咁噃
里奧大人以為右邊門可以穿過去隔離買麵包
我最鍾意睇餐牌 叫完早餐都仲會繼續睇㗎 哈哈
今日係平日關係 無尋日咁多人了
地方都算闊落
早餐到了
個包好味道
其實係芝蛋治 哈哈
牛角酥都 OK 係腍咗少少 但反而里奧大人鍾意食咁嘅口感
呢個組合真係好有罪惡感 但去旅行一定會比自己放縱下
佢哋排住隊放入我個口啦
食完就番酒店抖下 10 點 40 分出發去九份喇 ~
@ Dante Coffee
全棟都係 Dante Coffee 無諗過咁大地方 哈哈
成日讀咗 "三不通"
我係認住 "和昌商旅" 而唔係認住 Relax 5 哈哈
R 呢個英文字根本唔起眼
我覺得張枱好細 放咗電話 杯同熱壺都無咗半張枱了
里奧大人對拖鞋 永遠都係周圍擺 喺屋企都係咁 同埋對拖鞋永遠唔會拍齊擺好去的 奇怪 想扭住條腰着拖鞋嗎 ?!
我哋搭台鐵去九份 因為坐的士去係好貴 咁我哋行去台鐵嘅台北車站上車都近 所以一定搭火車呢 ~
今日好好天呀 即係=熱 哈哈
沿住呢個方向就去 "臺北車站" 火車站 而我哋住嘅位置係捷運站嘅 "台北車站" 千奇唔好搞錯呀 哈哈
無咩人行嘅路 真係好舒服
車站有顯示巴士班次嘅時間
好熱呀
見到好大片污雲 又好似想落雨咁
郵局車嘅車頭好得意喎
里奧大人叫我影 但唔記得影來做咩
可能過咗番工時間 電單車唔算多
去搭火車了
喺度散步都唔錯
11: 22pm 我好鍾意啲建築物或者店舖有時鐘 咁唔駛自己睇手機時間嘛 哈哈
車站出面都好多的士
地方好大咁喎
好想食臺鐵便當 不過真係食唔落
突然覺得自己好高 哈哈
太飽肚嘅食物 睇下就算了
個火車站好懷舊咁呀 所以順便影埋相 影到差唔多 11 點半 之後即去搭車 原來都幾繁複㗎 去到仲要睇下去邊條線 好在里奧大人問人咋 唔係我哋會搭錯車囉 因為原來其中兩款火車係要買車票 唔可以用優悠卡呢 ~
靚呀 哈哈哈哈
左邊
右邊
車站有面有好多店舖 可以喺度買手信呢
露台 ?!
影到變哂型 但咁又幾有特色喎 哈哈
其實我跳得唔高 係里奧大人高炒
唔係睇到鞋底 真係唔似跳起咗 哈哈
唔熱嘅話 真係好鍾意有天窗嘅地方
坐喺度等車 ?!
最矮嘅電話亭係 For 坐輪椅嘅人士專用 好細心呀
11 點 37 分喇
望邊個時間好呀 ?! 令到我好緊張 哈哈
應該喺呢個月台
咁入到車廂就搵位座啦 之後見啲人拎車票出來 係劃位嘅車票 我同里奧大人就勁驚喇 同埋里奧大人話頭先個女人同佢講 呢架火車係企都可以 咁都好啲 ~
後尾好多人入車廂 有幾 Pair 係遊客 我發覺原來好多都有我哋咁情況 佢哋都係無買劃位車票 我好感恩係我哋坐嘅座位係無人買囉 因為我哋前同後 都有人買劃票㗎 ~
車站內真係好舊式
@ 台北火車站
區間叫 Local Train ?!
對面都好多人等車
呢邊仲多人 哈哈
火車來了
有位就坐 之後全架車都 Full 哂
呢隻錶起碼 15 年以上 係我生日禮物呢 嗰時好興㗎 我叫媽咪同家姐同里奧大人一齊夾錢送比我 所以好有紀念價值呢 但時間就壞咗囉 師傅話無得整番好 lu
酒店 ?!
隻窗幾咁污糟 哈哈
天色灰灰暗暗 加埋呢啲建築物 格外陰陰寒寒咁
設計咁特別嘅
見到十字架
落雨嘅話 其實坐喺度都會濕哂
有條急流
一落雨 天氣真係明顯下降 不過 11 月啦 都應該涼涼哋呢 哈哈 ~
終於落車喇 到此一遊 下次未必再來 唔係咁鍾意坐咁耐車 因為之後仲要再坐一程車先到九份呢
@ 瑞芳站
下一班火車 又唔知要等幾耐 lu
我哋去 "西 " 出口
閘口有職員 咁就唔驚去錯地方啦
好少會寫 "廁所" 㗎喎
巴士路線
有哂公車號碼 咁搭車就好方便啦
去到瑞芳站 咁見天書話打的都只係 NT$200 我同里奧大人睇嘅時候 以為睇錯呀 因為覺得好平呀 所以里奧大人都話打的上九份 同埋今日落雨濕濕 坐公車上山路比較危險呢 ~
車程好似 15 分鐘 所以好快到九份 第一次去九份係好熱 同埋無咩人 我係邊行邊食邊影相 今次去到九份 感覺好似淪陷咁 ~
今次去就落雨濕濕 咩天氣都遇過哂 無撼啦 哈哈哈哈
@ 瑞芳車站 外型設計老老土土 哈哈
里奧大人係都要我影張相 係咪好搞笑呢 ?!
好多 "永和豆漿"
上山路 沿途都有唔少公車
轉來轉去
啲路唔係窄 但同樣唔係闊
呢間民宿叫 "天方夜譚" 好搞鬼呀 哈哈
落車嘅位置
到九份喇 因為我哋要搵巴士站去基隆 但落緊雨又太多人 所以里奧大人叫我企定定等佢
其實落雨濕濕又人多 唔好話食 連影相都無咩心機 ~
@ 九份舊道
里奧大人影低巴士站位置
台灣好多店名都係用 "阿婆" "阿媽" 可能想有家嘅味道
里奧大人居然話唔食
影張相都難 去旅行嘅大敵係多人 真係會無心機影相呢
好記得第一次水嚟台北 喺夜市買來試 係好痴牙 但最離奇係我食咗一啖 之後就唔見咗
見唔見到前面都有好多人呀 ?!
翡翠玉石
梁身訂作 (娘禮)
我以為 "娘禮" 係嫁妝添
呢間 "阿信" 好多國語人買嘢
九份有好多魚丸同芋魚老店 係全場迫爆 不過我都唔會去食 因為人太多又迫 仲要排隊 所以唔好搞我喇 反正來到台北 間間都話係老店 始創店 第 3 代接掌 我又唔係台灣人 真係食唔到佢最原始味道係點囉 ~
但一場嚟到 點都要行下啦 同埋好在係有蓋遮住 咁都好行啲 唔駛比雨淋 ~
想睇有啲咩食都難
無啦啦有架電單車落嚟
咁行到好上嘛 都係時候食嘢喇 見有間食店無人排隊 又坐咗幾枱人 (無人坐就唔入去㗎喇) 環境都乾淨 咁就入去食 之後坐低無耐就全場滿哂 ~
次次去旅行 我食完就要去放水 因為唔知將會行幾耐嘛 無理由忍囉 ~
咁我聽到個香港人話行到最上嘅洗手間係好乾淨 所以我忍唔住問係咪好乾淨 ?! 佢話係呀 所以我就好安心去洗手間呢 ~
綠憶民宿 6 億喎 仲唔係豪宅 哈哈哈哈
隻狗倒及牙 好搞笑
肥到呢 好想抱佢呀
我咃喺呢間食店食 Lunch
選擇唔多其實都唔錯 唔駛揀咁耐 哈哈
店內環境
好多唔同國家嘅國旗 唔係底褲呀下 哈哈
小籠包 (8個) (NT$120)
臘肉炒飯 (NT$140)
粒粒分明 又好味道
樓上左手邊係洗手間位置
妳睇出面幾多人
唔知咩來
@ 小師父
呢日未完㗎 ^^
沒有留言:
發佈留言