2018年2月4日星期日

香煎蝦餅 + 蠔油油麥菜 + 芫茜皮蛋魚片湯 ( 4-FEB-2018 )








( 4-FEB-2018  SUN )

今朝有事奉   所以 9 點半要起身喇   食埋早餐就精精神神番教會 ~

星期日早餐係 full set   所以一定有蛋   但我就係唔想食蛋囉   哈哈



好味呀   多士好脆   同埋甜甜地





今次我做另一個事奉崗位   甩甩漏漏添   唉 ~~~~~~   

崇拜完畢就行陣商場   之後我去街市買餸   里奧大人就番屋企 ~

佢 2 點半瞓到 3 點   天氣凍   真係好快肚餓   所以要去食 tea 喇 ~





食飽完就即番屋企   我就即煲雪梨水   佢就做公司嘢 ~

抖多陣都 6 點   係時候煮嘢喇 ~

是日晚餐 - 香煎蝦餅 + 蠔油油麥菜 + 芫茜皮蛋魚片湯

香煎蝦餅 - 己經落多 d 油   諗住唔痴底   係就係唔痴底   但燶鬼哂呢   因為我開咗大火呀   煎幾塊蝦餅   搞到成個廚房都係煙   真係慘 @@

蠔油油麥 - 唔知點解   真係好唔想食菜咁   但又好鍾意食什豆粟米呢 d 喎 ~

芫茜皮蛋魚片湯 - 尋晚麻辣完   今晚要下下火啦   哈哈 ~

洗埋碗就同里奧大人出去搵暖包   因為姑奶話佢附近間日本城無哂貨   咁其實應該好多都無哂貨架喇   但去睇囉   果然真係無哂貨   我同里奧大人講囉   成日係咁叫凍有鬼用咩   郁下咪無咁凍囉   不過姑奶話無用喎   里奧大人都話佢唔郁咪無用囉   嘥氣   我話佢只係識死叫爛叫話凍   咁點解點都唔郁呢 ?!?!   有手有腳都唔郁   咁真係無人幫到妳 ~~~~   

呢晚里奧大人又成晚話凍   咁佢話沖涼嘛   之後一路除外套一路話一陣要食馬仔   我話沖就沖啦   食咩唔駛同我講   一陣沖完出黎食啦   講咗沖涼十分鐘都未沖   我趕住洗衫呀   再講我就沖先   唔鬼理佢   哈 ~

佢話唔知做咩   個人好寒咁   我話唔知係咪飲雪梨水呢 ?!   但係熱飲喎   又唔係凍   點會咁架 ?! 

里奧大人 11 點都瞓   我就 11 點 20 分瞓 ~

沒有留言:

發佈留言