2018年2月24日星期六

翠韻軒 @ 尖沙咀 ( 24-FEB-2018 )

好耐無見有紅燈仔眼睛嘅乳豬喇   因為多數都係車厘子呢 



薄嘅皮   又無肥膏   勁好味   不過再脆 d 就更好啦  




咁樣影到 d 帶子好假咁   哈哈




炸蝦棗好味呀  



柚子沙律都好味



呢個超好味   因為我好鍾意食翡翠苗 瑤柱同炸蒜



食極都仲有   umm   好滿足呀



原鼎火瞳燉土雞 - 個名幾有氣勢   雲腿燉湯都幾好味   但佢地就咁食 d 雲腿   我覺得好鹹囉 



勁多湯渣   其實仲有一舊雲腿架   不過佢地好快食哂   哈  



我鍾意食鮑汁生菜 



原隻鮑魚   但冬菇更好味   因為好入味呀 



脆燒雞 - 我已經好飽   所以無食喇   



鮭魚鴛鴦紅米飯就好味道喇   加埋鴨胸肉一齊粉   鹹鹹香香   最緊要 d 飯係粒粒分明   同埋係無咩油先勁呀   好考功力架   哈哈   個伊麵就唔得喇   咁里奧大人話食   我一夾就已經覺得係林 pat pat   但食落真係林 pat pat 架        



因為芝麻湯丸好甜   所以變咗紅豆沙無味   哈哈   同埋紅豆沙都唔熱嘅 @@



最期待就係呢個 :雙喜臨門甜美點"   第一次係食老婆餅同笑口棗咋         


( 24-FEB-2018  SAT )

今朝同家姐食早餐   今晚又見到佢   實在太開心了   呵呵 ~







差唔多 8 點 50 分先走   好在番到菇場   老闆都仲未番到咋 ~~~~~~

菇場忙啦   但心情好呀   唔想做公司嘢   哈 ~

放工即走   番到屋企都抖陣先 ~

咁里奧大人話瞓覺   我 2 點幾就去買麥樂雞餐   再買方包比里奧大人   佢話之前買咗 d 果 jam 同花生醬   要食埋去喎   咁又係呀   我朝早成日食醬占多   番到屋企真係唔想又食囉   哈哈 ~



食飽又熨衫   唔係驚瞓着 ~~~~

之後又睇 youtube   呢排成日睇農夫   笑下都唔錯架 ~

今晚攝影表弟結婚   我地 6 點都出門口   約咗家姐 姐夫同剪髮表妹 7 點喺文化中心等 ~

家姐 6 點幾都到咗   但姐夫話餓所以去食 d 嘢先   我到咗嘅時候   佢地就啱啱黎到文化中心   咁等埋表妹就去酒樓喇 ~

剪髮表妹搭地鐵   但打黎話唔識點去文化中心   我即比里奧大人聽啦   咁叫佢尖東站落車   之後無耐家姐打黎   我順便問佢邊個出口出 ?!   佢話 E 出口 ~

咁即同表妹講啦   隔咗陣   佢話細表妳係咪老點 ?!   尖東無 E 出口喎   我話大表啱啱喺 E 出口出喎   之後我問番家姐   原來家姐係尖沙咀站   哈哈 ~

其實我同家姐 7 點前已經到文化中心   但等埋表妹等到 7 點 20 分   佢又係都要同埋一齊上去   唔係都想上去等囉 ~~~~

終於人齊  仲要見到大食同阿姨 姨丈添   咁一齊去酒樓 lu ~

我成日話係女家嘅家人   但其實我應該係男家啦   表弟結婚嘛 ~

阿姨同姨丈由朝到晚都笑到合唔埋咀   真係替佢地開心呢 ~

好在我地同表妹佢地一枱   咁再加婆婆工人   同埋表弟契爺契媽   都係得 11 個人   里奧大人話大食一見到得 11 個人就好開心   話可以食多 d 喎   笑死我   哈哈 ~

8 點半終於開席喇   食下傾下   咁我睇到表弟契媽問阿姨   係咪仲有個家姐 ?!?!   阿姨個樣即好傷感話唔喺度喇   之後契媽隔咗無耐仲話   係啦   以前見妳地係幾兄妹家嘛   頭先數下少咗個咁   聽佢講完   我果下都即刻 down 哂 ~~~~~~~~

差唔多 10 點先影大合照咋   無計啦   個個唔同時間來   到齊嘅時候都差唔多開席了 ~~~~

10 點幾   契爺契媽都走先   之後個個講嘢都大聲哂   始終大家都好耐無見   真係唔知傾咩好   但我地同阿姨姨丈就好開心傾計   所以變咗佢地比較靜   好似外人咁囉 ~

接近尾聲   估唔到表弟行去每一枱派利是   感覺真係大個仔喇   哈哈 ~

11 點散席   我地搭巴士番屋企   11 點 40 分番到屋企   拿拿聲沖涼瞓覺喇 ~ 

沒有留言:

發佈留言