麥當勞 @ 九龍灣 ( 15-FEB-2018 )

黃金脆薯牛堡套餐 (扭扭薯條) ($34.50) & 麥樂雞餐 ($24)



脆薯牛堡其實即係一個包加一塊薯餅   下次有機會試下整先 



扭扭薯條都幾好味   鹹鹹哋   不過我覺得好油   所以都係鍾意食薯條多啲

( 15-FEB-2018  THU )

尋晚半夜又要食藥   仍都係抽住痛   不過對比以往嘅每月一痛   呢啲痛真係超級輕微咯 ~

今朝 8 卦請我食早餐   原來佢星期二被迫要請食下午茶   咁我請咗病假   所以佢話請番我食   我唔客氣喇 ~







菇場唔太忙   但無 Mood 做嘢啦   哈哈 ~

里奧大人放 12 點半   家姐放 1 點半   我就一如以往   知道係放 12 點   但就唔會咁早出 Email   奇怪到極點 ~

11 點 15 分終於出 Email 話放 12 點   勁開心 ~

同 8 卦一齊坐巴士出旺角   之後我去朗豪坊行陣   又攰   所以去麥記食杯雪糕抖下 ~

我好鍾意莎莉㗎   細細隻又黃色   唔通我真係對黃色情有獨鐘 ?!

差唔多 1 點半就去 Samsung 等里奧大人   拎番部電腦就走人喇   之後去里奧大人嘅至愛 "南記" 食酸辣米線 ~

依家每碗有 4 條春卷   我覺得太多喇   唔知有無加咗價呢 ?!   



食完搭地鐵去銅鑼灣   都已經 3 點   諗住無咩人行啦   不過一出地鐵去年宵市場方向已經好多人了   都打定輸數迫㗎喇   但起碼可以行   唔係比人夾住行 ~

里奧大人次次見到砵仔王   都問我食唔食糖蔥餅   但我真係好飽   唔想食囉   之後佢見到另一間買糖蔥餅   又會問食唔食呀 ?!   所以話   佢唔衰嘅時候真係對我好到加零一嘅   哈哈



只見到人頭



又係好多公仔   不過無狗狗公仔嘅



人呀

其實好想買狗狗公仔   不過迫唔到入去睇  



我話符水好恐怖呀   里奧大人話係搞笑嘅   我好怕見到啲符㗎

咁行就曬住背脊   一陣行反方向呢   就曬到眼都開唔到了


3 張 $50   應該平過淘寶   所以即買 3 張   



繼續行



行咗 1 行   之後諗住再行多行   但對正太陽咁行   所以行到一半見到 Exit 就即走   好鬼熱呀 ~

臨走前買咗 1 包烤魷魚



要好好捉實   唔係會比風吹走呢



走人喇   同頭先一樣行同一方向   但呢邊無太陽   勁舒服    



下年有機會再來

由 3 點 10 分開始行   行到 3 點 45 分咋   不過真係夠喇   多人都算   但係熱先係最辛苦呀   所以唔想行呀 ~

嘩   真係熱到個人都攰埋   要搵地方坐下   所以即去麥記食雪糕降溫   再行陣 Sogo 就坐巴士去九龍灣   差唔多到北角都瞓着咗   一起身已經係牛頭角   呵呵 ~

拎隻魷魚出來食   其實食完魷魚   我覺得個口好苦咁



雖然唔解喝   但都要飲  



士多啤梨味麥旋風 x Bourbon ($16) - 粒餅好脆呀   但咁鬼口渴   真係唔想食餅乾   哈哈

又未餓   咁行陣淘大啦   成日好想買臘腸   但想里奧大人去試食先買   今晚可以去試食喇   1包$89   2 包 $160   咁我要 1 包就夠㗎喇   咁隔離個女人都係要 1 包   之後佢話夾埋一齊買   即係每包 $80   咁又好喎   慳番九蚊 ~

行到 7 點都食嘢   突然好想食麥樂雞同薯條   咁食麥記啦   今日我去咗 3 次麥記了 ~

食完即番屋企抖喇   沖埋涼就熨 1 機衫   之後都抖喇   今日其實都幾攰下   哈哈 ~

知道放假   真係唔想咁早瞓   咁睇下 Youtube    睇到差唔多 1 點先瞓 ~