2018年2月23日星期五

韓式辣醬焗豬肶 + 蒜蓉包 + 蠔油唐生菜 ( 23-FEB-2018 )








( 23-FEB-2018  FRI )

嘩   今朝要着厚褸 + 大披肩呀   諗番起年三十就超級熱   依家就超級凍   反差好大 ~~~~

其實唔餓   但唔知做咩鬼咗米粉餐 @@



菇場唔忙呀   所有大粒都唔喺度   勁無 mood 做嘢   哈哈 ~

Lunch time 食健康餐   不過我成 1 點 15 分先食   因為朝早果餐真係好鬼飽下 ~~~~



仍然 hea 過   之後 8 卦話一陣全車人番公司   真係痴線   佢地今朝上工廠拜神   之後食 lunch    我已經問係咪要番公司 ?!   佢話未知   點知轉頭話全車人回香港公司 ~

4 點 55 分見到佢地番來   真係完全浪費時間   咁變相你一定要開 OT 啦   成日無做過嘢   依家番黎就要做番   真係慘 ~

我放工都即走喇   番到屋企即拖地   之前成日潮潮濕濕   所以都就咁抹地   都係覺得拖地乾淨 d 咁   哈哈 ~

今日姑奶跌親   所以里奧大人送埋佢去大埔姑奶屋企先番來   好在 8 點番到屋企   唔駛咁晏食 ~~~~      

是日懶餐 - 韓式辣醬焗豬肶 + 蒜蓉包 + 蠔油唐生菜  

韓式辣醬焗豬肶 - 今次焗起上黎   有好濃烈嘅豬味   所以唔會再整架喇 ~~~~

蒜蓉包 - 牛油過咗期 1 個月   但唔理喇   照食   不過我就無比里奧大人食囉   一個屙好過兩個屙   哈哈 ~

蠔油唐生菜 - 前晚食剩 2 棵   今晚食埋去   但要加 d 蠔油   依家鍾意食蠔油   又改哂 d 口味咁 ~~~~~~~~

洗埋碗就沖涼   之後開機洗衫 ~

諗住休息   點知唔記得仲有 2 機衫要熨   咁要熨衫 lu ~

熨完都成 10 點   里奧大人都差唔多瞓覺   咁我又睇 youtube 啦   成 12 點先瞓 ~     

沒有留言:

發佈留言