2018年2月3日星期六

麻辣雞煲 @ 阿 mi 屋企 ( 3-FEB-2018 )

阿 mi 煮嘅麻辣雞煲 



好似個花盤   哈哈



撈埋一齊勁好味   睇見又好想食呢 ~~~~~~~~



佢地今晚飲白酒   不過我仍然都係飲忌廉



紫淮山 / 金菇 - 里奧大人食緊淮山嘅時候   就同我地講話依家先食到麻辣味   我同阿 mi 碌大眼對望   唔係呀嘛   依家先食到 @@   唔知以為佢食得咁勁   阿 mi 都變咗孖潤腸啦   哈哈   因為里奧大人唔食配菜   咁 d 花椒多數痴埋落 d 配菜度   所以佢 feel 唔到囉 



我見到個罩呢   仲諗要隔 d 咩呢   之後先知用來裝住 d 蜆   因為呢煲嘢我係無夾過嘢食呀   係阿 mi 係咁夾係咁夾比我食呢   唔怪得咁飽啦   因為無郁過   哈哈  



脆肉鯇 - 今次 d 色好靚呀



蜆 - 我唔記得拎出來呀   又係比阿喂捉到   佢叫阿 mi 炒咗呢個助手啦   嘩哈哈   不過如果佢唔講   我真係唔記得拎   嘩哈哈   我好記得有 5 樣嘢   我同阿 mi 每人拎 2 樣嘢出來   之後掛住影相   完全唔記得有嘢未拎   呢隻蜆都好 juicy 呀   正   



蝦滑 - 阿 mi 話喺另一間買   但都 ok 喎



水魷 - 今次我話一定要食呀   呢度有 2 隻   真係好鍾食呢 d 水魷   但人多食就好   始終係比較難消化呢



炸魚皮 - 佢必會出現的   哈哈



( 3-FEB-2018  SAT )

真係超級好瞓呀   瞓到 11 點 20 分先醒 ~~~~

咁我刷牙沖涼先嘛   諗住叫里奧大人拿拿聲去 line 講早晨   估唔到原來佢一起身就喺 line 谷講咗早晨 ~

搞掂哂就即出門口   但原來里奧大人以為會食埋早餐先出發   因為佢知道阿 mi 佢地早起身   以為佢地已經食早餐   再等埋我地先食嘢   我話佢地未食呀   所以約埋一齊食午餐呢   一點喺飯堂見 ~

行行下見到大樹下好多白色一點點   其實想問好耐架喇   咁我問里奧大人係咪木棉花之類跌咗落黎 ?!?!  佢好大反應又超勁高音話白鴿屎呀   成個 8 婆咁   哈哈 ~

坐小巴嘅時候   問里奧大人想要咩湯底   佢話要食辣雞煲   仲要中辣   因為天氣凍喎 ~

阿 mi 喂已經到咗飯堂   所以一坐低就要叫嘢食喇   阿喂唔餓得   呵呵 ~

香茅燒豬扒飯 - 我鍾意個汁   阿 mi 話豬扒好鞋   我唔覺   因為我煮得仲鞋   嘩哈哈哈哈哈哈   (當下佢心諗小奧真係好可憐   嘩哈哈哈哈)



蝦醬豬頸肉炒河 - 阿 mi 話食架   所以一定要叫   好難得佢話想食自己想食嘅嘢呀   呵呵 



鴨肉湯河 - 我成日都覺得好似拎個鋅盤來咁   勁大碗   同埋加埋飲品只係 $40 咋   超級抵     



無骨海南雞飯 - 里奧大人想食   但見阿喂叫咗   所以佢就唔叫   我話阿喂自己食得哂架   仲可以食埋其他嘢添   呵呵    




阿喂好快咁比錢   我話唔理   今晚一次過計數 ~~~~

其實阿 mi 一月已經講緊生日飯   不過我真係要等里奧大人得閒先   佢呢排星期六日都要做公司嘢嘛   不過我 off   佢都話想行山   但阿 mi 話天氣太凍   星期五再約行程 ~

唔記得主角 花椒辣椒粉   之後又要倒落鑊再煮過   但煮完個色真係唔同哂呀 ~~~~

食完就一齊去街市買材料   次次阿 mi 笠都會問我地食咩   我地答無所謂   其實=無答   嘩哈哈哈哈 ~

不過食咩都真係無所謂   最緊要就佢地方便   唔好要特登去買咁   始終我覺得煩到人就唔好囉 ~

里奧大人話買嘢飲   所以佢地去買魚   我地去買嘢飲   咁我話買生日蛋糕   但唔合心水   咁算啦 ~

咁之後要買咩呢   唔記得添   但就會經過千色店   咁就買蛋糕喇   呵呵 ~

知道阿 mi 喂午晚餐點都唔收錢架喇   所以買蛋糕嘅時候   我即拎卡比里奧大人行去比錢   點知佢地想跑去比   不過比我捉住   一氣捉住兩個人   勁攰   當堂熱哂   嘩哈哈哈哈 ~

衰奧最開心係呢一刻   因為我比錢   叫佢再行多兩個街口買嘢都肯行呀   衰 ~~~~

之後阿 mi 叫我拎蛋糕   我話唔想變咗一 pat 嘢番屋企   佢就話我同阿喂係一樣喎   拎嘢 fing 來 fing 去   不過我見過阿 mi 兩手拎嘢   個人都挺得好直來行   對手真係唔係點 fing 架喎 ~~~~   

阿喂同里奧大人去拎雜誌   我就同阿 mi 番到屋企   原來已經 4 點   時間過得勁快 ~

里奧大人要整部電腦   阿喂就去買啤酒   我同阿 mi 坐喺梳化傾密計   好似好耐無試過咁喇   因為次次番到黎都要入廚房整嘢   男人就睇電視   我地唔可以坐梳化   呵呵 ~

我成日睇一套戲可以睇好多次   好似 Minions 咁   真係可能睇咗 30 次   但次次睇都會笑架喎   所以里奧大人真係睇笑片睇到喊   嘩哈哈哈哈 ~

聽過可以一首歌聽半個鐘   所以真係好感激里奧大人陪我睇   哈哈   但估唔到阿喂又係咁   真係似得好交關 ~~~~

5 點半預備喇   喺廚房聽到里奧大人睇 youtube 笑到卡卡聲   依家佢都唔怕醜 lu   同埋都夠膽好大動作企喺棵植物面前   大大動作咁講嘢   次次我要叫佢小心 d   整跌人地 d 嘢真係唔可以啦 ~

呢張係扮整嘢嘅   但其實真實情況都係一樣   我只係企喺阿 mi 左右睇佢整嘢   哈哈   





呢張阿 mi 真係整緊嘢   但我都只係望住   哈哈哈哈



我出去放低手機之後   見到 d 雞落咗鑊   我一嘢炒起咗   之後阿 mi 話唔好炒呀   嚇死我   堅越幫越忙   嘩哈哈   



邊煮雞   邊整配料   所以成日覺得唔好意思要阿 mi 整就係咁啦



擺哂 post 影呢個包裝   笑死我呀   妳係咪丁字腳呀   哈哈哈哈 



就咁個汁已經香噴噴   真係即刻好餓   我同阿 mi 講話呢個汁   我可以食十碗飯   佢碌大對眼丫大個口   哈哈   咁好味丫嘛   堅可以食起碼兩大碗飯   如果無餸嘅話   呵呵  




估唔到一路煮嘢   一路都好凍   我又係凍都唔着外套   所以阿 mi 話人有人凍   衫有衫凍   勁似里奧大人囉囉嗦嗦咁   嘩哈哈哈哈 ~

又忍唔住開廚柜睇下有 d 咩   真係覺得自己超級多手   哈哈   次次一見到佢 d 柜桶咁少嘢又咁整齊   就好想即刻番屋企執嘢 ~~~~~~~~~~~~

搞掂哂就開餐   咁快同我預祝食生日飯   真係超級勁開心呀   3333333333

6 點半開餐   食哂 d 雞都已經 7 點半   呢個時候又開始灼海鮮喇 ~

食完都唔知幾點   洗埋碗就抖下   之後又一齊睇下 youtube   笑死我   阿 mi 講哂阿喂睇 youtube 嘅次序   佢又係睇好多次   果真同我一樣   我又可以一樣嘢睇好多好多次架   嘩哈哈哈哈 ~   

話咁快就 9 點半   阿 mi 話切蛋糕喇   呵呵呵呵 ~

自己提字   當然要寫好嘢啦   哈哈   



開心開心   我食埋塊朱古力添呀



第 3 餐了



口感好實在   所以好飽肚   哈哈   



食完又洗埋碟   之後又傾下計   阿 mi 又叫我試食爆谷   個口真係永遠好難停到   哈哈 ~

我超級鍾意食焦糖爆谷架   呢個好味道   但就好甜   唔怪得佢話 食 2 粒就夠啦   我勁 d   可以食到 3 粒



10 點 50 分 call 車走喇   咁要計數喇   但阿喂點都唔肯收午餐錢   阿 mi 又唔收晚餐錢   真係太客氣啦   記得我生日   我已經超級勁開心架喇   多謝哂妳地呀   333333  

番到屋企即沖涼   再睇多陣電視都瞓 lu   其實都已經 12 點幾   呵呵 ~

沒有留言:

發佈留言