雞蛋印尼撈麵 + 白菜仔 ( 13-MAR-2018 ) + ( 14-MAR-2018 )

( 13-MAR-2018  TUE )

里奧大人今朝上大陸   又要過晚夜   如果我可以陪佢就好了   嘻嘻 ~   

今朝同家姐食早餐   食完之後佢就去整啲嘢   我就番工喇 ~







菇場唔忙   但我好攰囉   呵呵 ~ 

Lunch Time 出去食嘢   之後去惠康買嘢   買完即番菇場喇 ~

仍然 Hea 等放工   所以準時即閃喇 ~

今晚里奧大人喺大陸過夜   我 7 點就開餐喇   食完抖陣就去徑步   好耐無徑步添   無計啦   成日等埋里奧大人一齊食飯   佢又放放工   洗埋碗都 10 點   寧願休息   不過都諗住第時都係自己食先   第一多啲時間用   第二可以做運動   身體好啲嘛 ~

徑咗 40 分鐘就番屋企   因為仲要拖地同埋開機洗衫 ~

搞掂哂就沖涼   無啦啦勁攰   應該就來每月一到了 ~

今晚 10 點半瞓都要瞓覺   好耐無試過啦   哈哈 ~

( 14-MAR-2018  WED )

今朝 8 點 20 分電話響   我仲以為鬧鐘響   原來係里奧大人打來   佢以為我唔知醒起身   因為我無覆佢嘅短訊   之後我話每月一到   所以諗住瞓到 8 點 45 分囉 ~

咁打完電話番菇場請病假就瞓   個肚只係少少痛   都 OK ~

咁 11 點 45 分起咗身就掛號睇醫生   咁 12 點半先有得睇   但都起咗身   咁去超市行下   之後再睇醫生 ~

我戴口罩嘛   咁同醫生講話每月一到   所以個肚唔舒服   佢即話我貧血   我心諗戴咗口罩   露咗對眼咋喎   咁都見到我貧血 ?!   之後我問佢點解話我貧血 ?!   佢話睇到我面青青   之後再睇埋我眼底   佢話有貧血 ~

頭先睇醫生之前買咗 6 支咖啡   唔知係咪重得滯   番到屋企個人有啲唔舒服添 ~

頭又暈   又嘔   咁沖埋熱水涼都食藥瞓覺   但最奇怪係食完仲痛嘅 ?!  救命 ~

係咁瞓係咁瞓   但一痛就沖熱水涼   感覺真係舒服好多   不過個人就好攰囉   哈哈   做乜鬼今次咁衰㗎 ~

里奧大人本來話今晚可能番唔到香港   但感恩最後都番到香港呢   叫佢食埋嘢先番屋企囉   反正我無胃口 ~

唉   真係痛到想喊   好耐無咁喇喎   但真係食完藥之後仲痛嘅   點搞呀 ~

其實除咗沖涼   我都無離開過張床   所以都唔知幾點已經瞓咗覺添 ~