2018年3月7日星期三

隔夜飯 ( 7-MAR-2018 )

憤怒的鹹蛋 



我覺得男人都無食咁多飯呀   其實唔想一次過蒸咁多   但 d 冷飯星期一煮   唔想擺咁耐   同埋可能聽晚同家姐食   所以今晚食埋灼啦 



( 7-MAR-2018  THU )

尋晚臨瞓前凍凍地   咁唔開風扇啦   點知半夜熱醒   又要開番風扇 @@

早餐食奶醬多   突然間好想食甜嘢 ~      



8 卦話有日我無去食早餐   阿姐問我同佢係咩關係 ?!   8 卦話係同事   阿姐話仲以為我地係咩添   我即同 8 卦講話大吉利是過佢咩   同埋我有派利是比佢地喎   之得叫 8 卦派埋啦   咁樣唔會誤會嘛 ( 不過我驚佢話妳老婆派咗比佢   我 choi ) ~


之後我話我唔係盲   佢話佢唔食肥膩嘢   死仔包   哈哈   我有時會問佢   我係咪靚過阿乜水   佢有時話係   有時話唔係   佢真係認真答我先好笑   之後無啦啦話 buy 我眼大   我話駛你 buy 呀   同埋我不嬲都唔覺得自己對眼大   依家咁鬼肥   真係眼都細埋咁囉   嗚嗚嗚嗚 ~

菇場唔忙   但老闆娘坐喺後面   真係唔敢上網囉 ~

Lunch time 出去食   食完行陣就番菇場 lu ~



難得老闆娘開會   我又可以上網   無計啦   呢排唔忙   唔上網就無咩嘢好 do ~~~~

放工即走   去埋超市買雞蛋就番屋企喇 ~~~~

抖陣就煮飯   今晚勁健康   本來唔想食鹹蛋   但就咁食成碟飯   真係要有 d 鹹味嘢送飯囉 ~

人生第一次食咁鬼多飯   咁我係食珍珠米嘅   初初幾啖呢   覺得甜甜地又煙煙韌韌幾好味   之後食呀食   食到我想嘔咁滯   食剩幾啖真係食唔落 ~

之前食咗個腍 pat pat 撈麵   尋日食咗個腍 pat pat 米線   今晚食咗一年嘅飯量   依家對粉麵飯真係好驚好驚囉   嗚嗚 ~

洗埋碗都差唔多 8 點   即去徑步喇   今晚咁食法   所以一定要徑 40 分鐘 ~

徑完之後真係無咁飽飽滯滯   沖埋涼就開機洗衫   之後休息喇 ~

睇下電視   個人好攰咁   所以今晚 11 點都瞓 lu ~

沒有留言:

發佈留言