2018年3月21日星期三

煎釀三色椒 ( 21-MAR-2018 )




( 21-MAR-2018  WED )

尋晚叫里奧大人幫我帶耳塞   因為我話帶咗都聽到佢強勁鼻寒聲   佢話無可能喎   話我帶唔啱位置 ~

可能我真係帶唔啱位置   佢幫我帶呢   我真係瞓到覺喎   可以瞓到 5 點幾   如果唔係去廁所   可以一覺瞓天光添呀 ~

早餐食腿蛋治   唔係食腸仔就係食火腿   所以好想茶記有腸粉呢啲   起碼食少日腸腿嘢 ~



菇場唔忙   所有大粒唔喺度   堅無 Mood 做嘢 ~

Lunch Time 出去行陣先買嘢食番菇場   其實勁想食排骨飯   不過真係好驚食完好眼瞓囉 ~



又整下旅行相    次次一整旅行相就好想去旅行   因為除咗食買玩   咩都唔駛諗   幾咁爽呀 ~


呢包 Caramel M & M's 喺台灣買   估唔到勁好食   其實香港好多零食都係好少款式   好似 Lay's 薯片咁   來來去去都嗰啲味道   去泰國買薯片   真係包羅萬有   就算去 7-11 都有好多驚喜   如果里奧大人都超級鍾意食零食就好啦   唔駛成日得我孤零零睇零食



放工即走   番到屋企就抹嘢執嘢   里奧大人話依家唔想買嘢   唔想屋企咁多嘢   但我話唔買嘢唔代表屋企無嘢   我覺得最緊要係執嘢囉   真係唔執嘢仲衰過唔買嘢   我覺得 ~

抖到 7 點幾煮嘢   煮得黎 8 點先食得   食完抖陣就沖涼   之後開機洗衫了 ~         

是日晚餐 - 煎釀三色椒  

煎釀三色椒 - 三色椒 ($12) + 鯪魚肉 ($10)   但下次都係買半斤鯪魚肉好啲   因為有啲得好少魚肉咋   上次整茄子   里奧大人話整三色椒仲好   我話你講過唔鍾意食呢啲椒㗎噃   咁好啦   佢無啦啦話三色椒好味   咁我整啦   同埋豉汁真係好味好多 ~       

里奧大人 9 點半先放工   乜車都無   所以要打的番來   不過我都想叫佢打的喇   因為太夜   想佢快啲食飯休息呢 ~

今晚 11 點幾都瞓喇   呢兩日都有睡意   感恩感恩 ~

沒有留言:

發佈留言