2018年3月8日星期四

泡菜餃子撈麵 ( 8-MAR-2018 )




( 8-MAR-2018  THU )

今朝涼咗好多   加上又落雨   感覺好似陰陰涼涼咁   但就唔係凍囉   可能之前幾日太熱喇 ~

早餐食丁米   因為晏畫食包 ~

我鍾意將啲蛋同腸切到一粒粒   咁樣方便入口   但 8 卦就唔會切   成條咬   又會將成隻蛋放喺麵上面黎咬   佢最勁係只用 1 個餐具   如果佢食豬扒   佢只用叉   唔用刀   就咁拎起塊豬扒咬咬咬   我成日話最鬼驚佢跌落隻碟度   啲油彈埋落我度囉   哈哈



菇場忙下停下   咁就好喇   有啲嘢做下 ~

家姐公司今日放早   本來約佢食韓燒   不過見佢難得放早   都係想佢早啲番屋企食飯休息 ~

Lunch Time 未餓   差唔多 1 點先食個吞拿魚包 ~

仍然忙下停下   依家老闆娘成日喺度   阻住哂我上網   慘 ~

放工即走   諗住同里奧大人出去食   點知佢話要送埋個客去酒店先可以搭火車   所以好夜先番到香港   唔好等佢喎 ~

7 點開餐   早食早消化   之後 Send 張晚餐相比里奧大人   佢居然話餓   真係好少聽佢話餓囉 ~

之後大食 Whatsapp 我話婆婆搵咗我 2 次   我話電話無響過   應該又打錯啦   咁我打番比婆婆   佢真係講錯我電話號碼   前後兩組數字成日調轉咗   就話打成日都無人聽   我話妳叫工人打比我啦   唔好話我唔聽電話嘛   最慘係佢依家一搵唔到我   反而唔係搵家姐   係搵大食囉   大佬   人哋尋人都無佢咁落力呀真係 ~

里奧大人終於 8 點 15 分到上水   即去食嘢呀   仲要食咖哩   勁吸引我   哈哈 ~

我沖埋涼都熨 2 機衫   今晚落雨無得徑步   咁當做運動啦 ~

里奧大人 9 點 45 分番到屋企   叫佢即刻沖涼   之後再切個木瓜比佢食 ~

我都好攰   所以 11 點都一齊瞓喇   之後佢話喺屋企瞓得真係好舒服   喺宿舍瞓得唔係咁好   張被太厚   但又唔敢開大啲冷氣   因為一起身喉嚨唔舒服呀 ~

沒有留言:

發佈留言