2018年3月30日星期五

BBQ @ 咖啡灣 ( 30-MAR-2018 )

今日天氣唔錯   感恩感恩 



Buddy 夾手夾腳起爐



隔離枱係一班嘅南亞人   燒親都好大堆頭   仲要全部係肉類 



里奧大人好有心機起爐   其實個個都忙   得我無咩嘢做咁   哈哈  



要等阿 mi 雙眼 check 過先可以開火架



里奧大人好鍾意玩火槍   最搞笑係阿 mi 同我講完   無耐就到阿喂講同我 



隔離開到音樂好大聲   仲跳埋舞   得我地呢枱先忍到   嘩哈哈哈哈



佢地個爐係無吉位架   咁我同里奧大人講話阿 mi 想食蕃薯   幫阿 mi 拎啦   佢好緊張問喺邊 ?!   我話隔離個爐呀   之後啤咗我一下    哈哈



woo   勁興奮呀   因為全部都係我鍾意食嘅嘢呀    



我擺架   之後阿 mi 問 d 筷子呢 ?!?!   我話擺咗啦   打直擺喺黑線之上   佢話見唔到   但其實我之前擺完都見唔到呀   哈哈哈哈   之後佢打橫擺番 



加指天椒惹味好多架   最搞笑阿 mi 倒咗好多落佢自己隻碟度   咁見到里奧大人得好少   但其實里奧大人要小少少就可以架喇   調味之嘛   但阿 mi 就話: 里奧大人好陰公咁   得咁少指天椒   係都要比番 d 佢   哈哈 ~



司華力腸 / 玫瑰腸 / 龍蝦燒賣 / 豆卜



我話想食嘅都喺哂度   勁感動   所以阿喂成日都會串串共話: 妳鍾意食嘅嘢呀   特登買比妳架   咁呢樣係事實   所以好感激佢地對我地咁好   重要嘅係: 今次食唔到   下次實食到   哈哈 



一黎就燒生蠔   其實我覺得奇怪   因為多數燒 d 紅腸燒賣呢 d 嘛   因為佢地無食早餐   又要樸出去買嘢   一定餓囉   之後阿 mi 就話   d 蠔新鮮架   所以第一樣嘢要燒來食   



再黎牛油蒜蓉燒扇貝   阿 mi 本來想買蝦   但唔靚呀 



好味呀   百食不厭   我會飲埋 d 汁架  



龍蝦燒賣口感好得意呀   豆卜就咁燒黎食都好好味架         



woo   終於食得喇   好有蠔味呀   依家睇見都想食   怪不得阿喂講咗好多次話 "妳話要食嘅蠔呀"   其實我唔知係新鮮蠔架   我諗住桶蠔果 d 咋   因為方便嘛   估唔到原來係新鮮蠔   勁感動     



開始燒紅腸 / 司華力腸喇



笑死我   阿 mi 話喎   奇怪點解我咁鍾意食腸   但見我咁鍾意食就費事再問我啦   佢話我寫咗玫瑰腸同華力腸呀   嘩哈哈哈   又係寫得幾似個同字嘅   最後佢用 3日時間清哂 d 腸   哈哈



我覺得華力腸呢個名好搞笑   但佢實唔覺得好笑   哈哈  



加炭專員 (炭佬) 為我們服務   



阿 mi 整嘅韓式豬腩肉   麻糬好易燶   好在及時發現咋   因為我地睇見個火唔係咁大咋



麻糬同豆卜好易燶   所以我要不停反   係時候要做下嘢了 



幾靚仔   因為燶咗嘅就反轉   嘩哈哈哈哈哈



樣樣都好味道 



泰式燒魚 - 阿 mi 話阿喂叫咗人打魚鱗   所以今次燒魚都有難度



燒魚專員幾有心機




豬腩肉燒到咁上下   就切件來燒   



仍然好天氣 ( = 曬 )



韓式燒腩肉超級勁好味呀   一睇見又想食了   oh



魷魚 - 阿喂講咗好多次話特登買比我架   哈哈   之後阿 mi 就話   你成日記得邊個鍾意食 d 咩就買   但就唔買老婆鍾意食嘅嘢      



條魚燒得好靚呀   勁  



蒜蓉鮮魷   woo   



阿 mi 怕曬   所以我叫佢坐入面   里奧大人着厚 tee   所以我仍都叫佢坐入面啦   之後阿喂都話熱呀   係都要迫入去坐   哈哈   呢張枱好奇怪   阿 mi 個位一起身   幾乎反枱咁滯   勁恐怖



雞翼 / 火雞腎 / 芝士泡菜粟米 - 我地唔算大食嘅人   所以呢度算係大堆頭架喇 



阿 mi 好放心將雞翼交比我燒   仲成日話我燒得好靚   但其實係青林醃得靚仔呢 



如果比里奧大人見到   佢可能以為係垃圾   哈哈 



芒果冰呀   勁正呀   睇見又想食了



再燒埋大啡菇 



火雞腎 - 食咗好多呀   大滿足    



呢幾粒唔記得係咩來  



菠蘿冰 - 阿 mi 特登整比我食架   話說上次一齊去大澳行山   都唔見有菠蘿冰   所以阿 mi 已經話定會整比我食   33



呢嚿菠蘿好黃色    勁甜架   之後阿 mi 話唔係嚿嚿都咁黃架   呢嚿咁甜   佢特登留比我食架   食完透心涼   爽爆  



繼續燒埋金沙骨   



隔離枱嘅人   係即慶 BBQ   所以佢地見有枱之後就即去買嘢   買咗起碼個幾鐘呀



青林嘅豬扒真係好味道   好似食緊好 juicy 嘅豬肉乾咁 



我其實好想寫大啡菇架   不過無寫    真係唔想叫阿 mi 一個人買咁多嘢    所以見到大啡菇嘅時候   我諗緊自己係咪寫咗話要食呀   哈哈



三色椒 - 用廚房紙墊住   阿 mi 真係好細心



阿喂明明燒緊三色椒   但無啦啦又行咗開去   我地 3 個真係嚇到妳眼望我眼   之後影低佢   哈哈

 

佢 8 完又即番來繼續燒   行為古怪   嘩哈哈哈哈  



呢 3 個女人又係燒好多肉類   仲件件都加咗黃薑粉    



阿喂燒得幾靚仔   



金沙骨 - 諗住阿喂食   所以寫出來   但估唔到今次大家都好飽   要阿 mi 打包番屋企食呢




阿 mi 知我鍾意食粟米   所以特登整比我食架   但因為粟一燒好易燶   所以就加埋泡菜芝士一齊烤呢   好味道呀   連里奧大人都鍾意食   呵 



蒜蓉麵包 - 里奧大人燒到脆卜卜   好味道呀   所以阿 mi 話佢嘅專長係燒麵包   阿 mi 自己就燒海鮮   我就燒雞翼   阿喂就。。。。大家鴉雀無聲。。。。。。哈哈



再黎牛油麵包   同樣好味道         



( 30-MAR-2018  FRI )

感恩一覺瞓到 8 點半呀   鬧鐘一響就可以即刻起身   好精神添呀   沖埋涼就去食早餐 ~





番上屋企執埋 d 嘢就出發去阿 mi 屋企   感恩等咗 10 分鐘就有巴士 ~~~~

淘寶買嘅鍚紙杯   收到嘅時候   勁似抽油煙機嘅管   太多啦   肯定幾年都用唔哂   所以比 d 阿 mi   呵呵



咁我地要行天橋過對面搭巴士   上次我就跑   咁先可以追到架巴士   頭先里奧大人好認真問我   一陣妳跑唔跑到 ?!?!   我話我預咗跑架   但最後知道架巴士已經開咗   所以唔駛跑囉 ~

去到阿 mi 屋企   放低個袋就比佢捉住係咁試食   原來係試佢喺澳洲買嘅手信   我初初都奇怪   頭先打比佢   佢話記得試食   但我心諗試咩食呀 ?!?!   BBQ d 食物生勾勾家嘛   試食 d 咩呀   哈哈哈哈 ~~~~

丫   我地又有手信啦   真係太客氣   其實佢地去旅行掛住我   我已經好開心架喇   33 ~ 

咁試食完就要預備嘢喇   阿喂拎汽水比阿 mi   等佢放入箱   咁我同里奧大人企喺房門口試抹鏡頭紙巾   之後阿 mi 話可唔可以企喺第度抹呢 ?!   嘩哈哈哈   笑死我地呀   佢地忙住拎汽水   我地就阻住哂 ~

搞掂哂都出發喇   咁我習慣臨走前要去廁所嘛   咁我頭先一去到佢地屋企已經去咗一次   佢地以為我咩事   去咁多次廁所   哈哈 ~

好喇   阿喂都去埋廁所   但佢好無手尾   去完廁所唔關燈   咁我見到就即叫佢 "熄燈啦"   語氣同鬧里奧大人一樣咁   哈哈   阿 mi 都喺度笑   可能佢都覺得 d 語氣勁似話里奧大人咁呢   哈哈   我同里奧大人講   阿喂未識我之前   都可能幻想下我係咩樣咩性格   識落咗之後   佢對我嘅形象真係幻滅喇   嘩哈哈哈哈哈 ~

11 點 10 分 call 車去咖啡灣   阿 mi 話一陣落車唔好拎嘢   要即去搵爐   所以我一落車就跑去   衰嘢話乜妳原來可以跑咁快   頭先里奧大人又問我跑唔跑得   佢地真係覺得我唔跑得咁   嘩哈哈   咁又係   平時行山要抖一百轉   依家講話跑喎   佢地好難相信囉   不過跑果 20 秒   如果跑唔到就真係死得   哈哈哈哈 ~

近士多果邊無哂爐呀   所以要去沙灘果邊   但比較曬 ~

去到即起爐   之後燒嘢食喇 ~~~~~~~

見到 d 燒烤食物   其實個人好激動   好想喊   因為幾乎全部都係我要食嘅嘢   有 d 我直頭唔記得話要食   但阿 mi 自己整   知我鍾意食 ~

呢生人   得媽咪 家姐 里奧大人 Fat Fat 阿 mi 阿喂同冰姑   係真心記住我鍾意食 d 咩   佢地見到我鍾意食嘅嘢   都會話諗起我   特別係乳豬同煙韌嘢   好搞笑 ~

唔似 d 人   知我鍾意食嘅嘢   成日講出黎   係要覺得我好似欠佢咁 ~

今次 BBQ   最估唔到係里奧大人約時間   我地喺大澳行山   之後講話有機會又 BBQ   之後番屋企途中   佢喺 Chat Room 約時間   無諗過佢會即晚約囉 ~

我話上次燒嘢食最開心   阿 mi 同里奧大人好大反應問今次唔開心咩 ?!   我話唔係呀   因為上次有好多嘢拎走   無諗過拎嘅嘢都啱嘛   之後佢地話我貪   所以先開心   呵呵 ~

燒完都只係 6 點左右   咁 call 車去阿 mi 屋企 ~

我同阿 mi 講話今次我洗碗   因為次次都只係企喺佢側邊   無幫過手咁呢 ~

搞掂哂就出去吹水啦   阿喂仲比咗個 Coach 袋比我添呀   個袋款係我想買好耐架喇   之後仲問我要唔要另一個細袋仔   我話唔要啦   屋企已經有一個了 ~

之後阿喂又飲啤酒   作哂反   我叫佢唔好飲啦   飲咁多   佢話呢個係我屋企黎喎   嘩哈哈哈哈哈哈   佢應該覺得我今日堅煩   叫佢依樣果樣   無計   當佢親人   嘩哈哈哈哈 ~

咁一齊睇下電視   之後阿 mi 去咗好耐廁所   我驚佢嘔呀   之後佢話肚痛   再坐喺梳化休息 ~

真係唔對路喎   阿 mi 好少會咁樣   佢怕掃興嘛   所以里奧大人都話即走   等阿 mi 好好休息 ~
  7 點 40 分走人   之後阿喂話阿 mi 即刻嘔呀   嚇死我地   阿 mi 好頂得都撐唔住   梗係今日熱啦   又早去買嘢預備又頻樸   最衰我地又唔識買   唔係可以幫輕好多 ~~~~

咁我地都搭巴士走人   番到屋企都即沖涼   舒服哂   哈哈 ~

阿 mi 話蜜糖好新鮮架   記得沖比小奧飲   好感激佢對里奧大人咁好   愛屋及烏



開機洗衫之後就熨 3 機衫   其實真係好攰   不過唔熨唔得 ~

成日以為今晚係假期   原來係星期五 ~~~~

今日出咗一身汗好攰呀   睇埋夜間新聞都瞓喇 ~

2 則留言: