醬占多 + 蕃茄薯仔瘦肉湯 ( 18-MAR-2018 )

( 18-MAR-2018  SUN )

今朝里奧大人 10 點起身   諗住番教會   咁我話我都可以番   但一起身嘅時候   無啦啦勁頭暈   係天旋地轉咁   嚇鬼死 ~

最終我瞓到 10 點 55 分   叫做好啲   起碼唔暈   但唔可以兩頭擰   咁樣就好暈喇   同埋要慢動作 ~

平時都唔覺得自己唇色係無血色   今次真係覺得係無血色   好似白色咁   終於明白有次家姐同我講   妳咀唇係白色係咁意思   哈哈 ~

我尋日都講咗勁想食韓燒   所以今日去食喇   近近哋去漢和啦 ~

里奧大人就最想我食韓燒   因為想我食多啲牛肉   其實佢幾乎每朝起身都同我講: 妳口唇好白呀 ~

坐窗口位置   感恩感恩



第一次可以咁樣影   哈哈



估唔到有冬菇豬腸呢啲   

咁早無人食甜品住呢   



勁吸引   因為我鍾意食韓式前菜



沙律菜





正呀   炸蝦片



里奧大人鍾意食嘅南瓜餅   



海鮮辣湯 / 豬腳薑



紅噹噹



朱古力棉花糖



自助飲品



炒菜 / 唔知咩魚



炸丸 / 炒飯



蝦片 / 韓式炒粉絲 / 蛋散 



可惜太飽   唔係想食多春魚   



壽司 

雪糕

第一碟就食呢啲先   大豆芽菜有麻油味   青瓜爽口但唔酸嘅   仲諗住醒醒胃添



個海鮮辣湯真係辣喎

我拎完碟牛肉就再去拎其他嘢食   里奧大人都即刻開始燒了



第 2 碟就拎埋魷魚   呢期勁愛魷魚    



我拎完啲食物番嚟   隻碟已經放滿哂牛肉   我真係好感動   因為里奧大人真係第一時間燒燒燒   全部燒比我食   係咁叫我食   之後佢先出去拎嘢



我來來去去都係燒牛肉 / 西冷同魷魚   其他無咩嘢想食   次次份量都係咁上下        



里奧大人要飲啤酒了   佢話開始有啲熱氣   最搞笑佢拎嚟嘅時候   我話寫住要 $15 㗎   嚇到佢即刻拎番起再出去睇下

嚇親里奧大人添   原來係拎走先係要十五蚊

舊舊嘅官塘   先係我嘅回憶



呢條行人天橋   以前番工放工都必要行㗎

過多幾年   面前唔會再係呢座大廈了   有啲感慨   將來嘅官塘   我應該會有種陌生嘅感覺了  



千奇唔好燒秀珍菇   索哂啲油啊   南瓜都唔好燒   燒到乾哂   但仍然唔熟   哈哈  



豬腳薑好味   不過只食咗少少   食完之後   個口張住張住咁   唔係咁鍾意   



呢片五花腩   燒完之後 "鞋" 到呢   反而芝士腸好味道   哈哈

我等咗好耐嘅壽司   如果係黃蘿蔔就好啦   生勾勾紅蘿蔔壽司   我仲未食得慣   哈哈 



年糕煙煙韌韌   蝦片同蛋散又脆   呢碟最好味 

呢罐青檸味飲品   幾好飲    


12 點食到 2 點   係時候走喇   行咗陣 APM 就即番屋企   因為我無啦啦勁攰呀   里奧大人又係咁   我哋突然間好似食咗迷暈散咁   好攰好攰好攰 ~

我估係因為頭先食咗好多味精呀   食得太多味精真係好攰㗎 ~

番到屋企又瞓唔着   但里奧大人就瞓咗 2 個鐘 ~

都 5 點喇   又唔知出去食咩好   因為實在仲係飽   最後我話今晚飲湯算喇   所以即去買蕃茄薯仔豬肉 ~

今日都唔做家務住喇   抖多陣就滾湯 ~

尋晚里奧大人食剩 2 塊方包   咁我話整醬占多佢食啦   我話白鑊烘塊面包好簡單   好過食方包好多呢   佢不知幾開心   哈哈 ~   

差唔多 8 點幾先開餐   不過我飲湯都夠哂飽   估唔到有 4 碗湯    但真係飲唔落   要留番聽晚再飲 ~

沖埋涼就休息   11 點半都瞓喇 ~