粟米印尼撈麵 + 泡菜餃子牛骨湯麵 ( 1-MAR-2018 )

好似芝士撈麵咁一 Pat 嘢   哈哈







( 1-MAR-2018  THU )

感恩一覺瞓天光呀   其實鬧鐘未響都醒咗   不過想懶下床先   呵呵 ~

早餐食餐蛋治   真係好飽 ~

菇場唔太忙   咁就 Filing 啦   忙到兩年都無 Filing 過呀 ~

話咁快又到 3 月了



Lunch Time 出去買雜誌   之後即去食 Lunch   食完就同 8 卦買包同零食   買完即番菇場   因為好熱   哈哈 ~

東方新地今期出手機女孩嘅 Tote Bag ($58)   我心大心細要唔要粉紅色   咁里奧大人叫我買哂 2 個   咁就買啦   嘻嘻  





忙下停下   好快放工   買埋炸魚皮   再去超市買埋涼粉比里奧大人就番屋企喇 ~

抖陣就煮嘢   今晚里奧大人起碼 8 點半先番到屋企 ~

好鍾意呀   質地都唔錯㗎

7 點唔夠就開餐   食完抖陣去徑步   徑咗 20 分鐘   里奧大人就話差唔多番到屋企   咁我都要即番屋企預備 lu ~    

是日懶餐 - 粟米印尼撈麵 + 泡菜餃子牛骨湯麵

粟米印尼撈麵 - 掛住打機   唔記得咗淥緊麵   終於淥咗起碼超過 5 分鐘   啲麵腍到呢   有一刻好想掉咗去   但真係好嘥咁   呢個撈麵   真係難食到一個點   救命 ~

泡菜餃子牛骨湯麵 - 尋晚喺 Piago 買㗎   兩樣都係新嘢   哈哈   所以煮比里奧大人食   但佢話兩樣都無咩味喎   唔係咁大鑊呀嘛 ~

9 點 10 分開始熨 3 機衫   熨到 10 點 20 分   算勁快架喇   熨完之後   條腰好似斷咗咁滯   要搽安美露   咁膝頭哥再搽正骨水   呢個星期膝頭哥成日痛   好驚囉 ~

呢盒涼粉   如果差唔多到期就只係 $5   其實都仲有成個星期先過期   如果正價要 $12.9   咁又貴好多喎



里奧大人 11 點瞓   我就唔眼瞓住   所以又睇 Youtube   又係差唔多接近 12 點先瞓 ~