金泰屋 @ 東涌 ( 3-MAR-2018 )

青島啤酒 (大 $30) - 唔記得叫咗 4 支定 5 支   不過我覺得啲啤酒唔夠凍   其實好多地方啲啤酒都唔夠凍   好奇怪



荔枝沙冰 ($38) - 飲頭果幾啖就好味   因為夠凍   但之後覺得好鬼甜   阿 mi 話因為杯嘢咁甜   所以我反胃   都可能係呀   因為未叫餸之前   我話好餓家嘛

里奧大人影食物相   就代表佢鍾意食   所以佢永遠唔會影我煮嗰啲   哈哈哈哈

泰式辣椒膏炒蜆 ($98) - 個汁非常之好味   我話留番啲汁撈河粉   呵呵



泰式炸鰂魚配青芒沙律 ($148) - 青芒沙律好味呀   好開胃   其實我好想食啲魚係炸到一絲絲咁   但唔知係咩魚   定係依家已經唔出呢 ?!



阿 mi 見到成塊魚肉就好興奮   搞笑   



泰式炒河粉 (豬肉) - 唔記得幾錢   我食咗少少啦   其實都好味   佐我個胃好脹好唔舒服   所以唔敢食咁多 


泰式串燒豬/雞肉 ($78) - 肉質唔乾   但沙爹偏淡囉





( 3-MAR-2018  SAT )

今日同阿 mi 喂入大澳行山   所以今朝 7 點 15 分起身   沖埋涼   精精神神去食早餐 ~





食完番屋企抖陣先   咁我帶腳箍同着行山鞋要有啲時間   同埋我覺得腳箍真係好鬼熱   所以唔到最後一分鐘都唔想着囉 ~

今次同里奧大人都輕裝備   我無帶相機同化妝袋   又拎哂銀包啲啲卡出嚟   真係輕好多㗎   里奧大人就帶個腰包   不過佢帶定件 Tee   但係都唔擺落我背囊度   我話一件 Tee 都唔重啦 ~

8 點 25 分出門口   比預期早咗 5 分鐘  呵呵 ~

差唔多去到荔景就打比阿喂   估唔到佢地都到咗荔景   咁一齊喺車廂入面等啦   唔駛又出去等下班車   我地喺車尾   但行去車頭 Join 佢 ~

真係好搞笑囉   因為之前講好一係荔景等一係東涌等   里奧大人話東涌等   估唔到最後都係荔景等 ~

衰 mi 又嚇人   我去到差唔多車頭都唔見佢哋   正想叫里奧大人打比佢哋   點知衰 mi 又喱埋嚇我   再望里奧大人   佢同阿喂已經喺度笑緊 ~

去到東涌   里奧大人要去洗手間   咁我同阿 mi 去完洗手間就去 Taste 買 2 支茶   我驚一陣入去大澳唔記得買呀 ~

10 點 03 分開車   10 點 45 分都到喇   阿喂話算快   我都好似記得入去起碼要 1 個鐘囉 ~

我地 9 點 50 分到車站了

好感恩   到我地上車嘅時候只有 5 個位   我哋可以順利上車   但要分開坐   到中段站都有人落車   我同里奧大人同阿喂可以一齊坐 3 人坐位

10 點 40 分落車   大家又未太餓   咁就周圍行下影下 ~

塗鴉好得意



傾緊啲咩呢 ?!

跟我行喇喂

現在時間係 10 點 50 分

繼續行



分頭影相   阿喂除外



睇見呢啲啲畫面   會諗緊自己第時老咗   會唔會由朝坐到晚呢 ?!



我覺得燈籠好靚   好有氣氛   我已經係一個阿婆了        





原來有條大澳街市街



我同阿 mi 都勁興奮咁講話   新年裝飾好大隻好得意         



同梳化坐墊差唔多 Size

差唔多 11 點 lu



好平靜   好舒服 



又周圍行下

  
好多龜呀  



入去睇下



唔知咩花池   估唔到仲有金魚游來游去     



成日睇咗蛇 "毒"  



今日可以直接同阿 mi 講   妳最鍾意嘅貓貓

勁想篤部收銀機啲制



個蘋果有 80 年歷史 ?!

行來行去嘅地方   都差唔多樣咁   哈哈   

啲人坐船去睇白海豚

嘩   簡直係 "用心過生活" 專頁嘅版面   哈哈哈哈

我唔敢摸㗎



幾咁舒服



因為背光   所以唔知影咗啲咩   但呢張好搞笑喎   哈哈哈哈



咁睇就無咁肥



Tai O Bakery



我哋個個影貓   但唔見阿喂影踪囉   原來佢睇人整沙翁   之後我哋買咗 1 個 Share 食   唔想食到咁飽   寧願一陣食完飯再食   當甜品囉

$12/個   新鮮熱辣真係超勁好味道



其他店舖都好多炸物   不過無興趣   行山喎   唔敢食太油膩嘅嘢 



阿 mi 一見到啲貓就勁開心





好得意呀



如果個個人都咁愛護小動物就好喇  



阿喂追住餵阿 mi   因為阿 mi 玩貓玩到唔停手   我就勁怕貓爪   反而狗仔就 OK   但大狗就唔得喇   勁驚

唔叫佢走   佢會摸到 2029

我同里奧大人講話阿 mi 對貓係超級溫柔㗎   佢笑住問番我   對阿喂都無咁溫柔 ?!   我話係呀   哈哈

眼神好唔捨得隻貓走







我哋有啲都唔識讀   哈哈

行多陣就去酒樓   食到咁上下   見到前特首同夫人加埋啲親戚入嚟食飯 ~

水餃拌海蜇墨魚餅 (小$80) - 炸嘢好香口   但墨魚餅同海蜇就無咩味囉



好似一頂帽



一塊塊嘅墨魚   無味嘅



韭菜花小炒 ($80) - 呢個好惹味呀



蝦干蝦膏炒飯 ($70) - 阿喂同里奧大人想法一樣   話叫幾個白飯不如叫炒飯   人多就好囉   呢個炒飯唔夠乾身囉   如果唔係就正喇



蝦醬蒸腩肉 ($75) - 好味   但真係仲未接受到咬肥膏嘅感覺   可能年紀大   唔想食咁肥嘅嘢



@ 蓮香酒家   



食完都接近 12 點 20 分喇   咁里奧大人請食 Lunch   最搞笑講起六合彩   我話依家一千萬真係唔多啦   以前講中六合彩頭獎   真係覺得獎金係天文數字   之後里奧大人無啦啦話佢仲咗獎   我見阿 mi 個樣好驚訝咁呀   佢可能以為里奧大人中咗頭獎都未定呀   哈哈哈哈 ~

大澳特色









開始去行山喇



見到隻鷹低飛   勁開心呀   我好鍾意睇鷹㗎   所以家姐成日話我成個男仔咁   好在我都鍾意公仔   唔係我就係佢細佬咯

有一班人喺呢度出來   但我地喺行左邊呢   



好舒服呀   不過就曬咗啲   無諗過今日咁曬   如果唔係會戴埋鬼面罩

12:33pm 開始行喇

行遠少少影   原來仲靚   阿喂仲話我哋知 "無人島" 嘅位置



好似望到機場



好舒服呀 



初段唔係行石屎路㗎 





無諗過今日咁曬咁熱   行咗 1 個鐘頭左右   感恩有長櫈坐呀   所以我要大抖喇   同埋要戴頭巾了 ~

我同里奧大人啲汗係咁流   阿 mi 話我頭髮都滴汗   我覺得佢先勁   臉同頸都無汗嘅   啲頭髮仲好乾爽咁 ~

抖到條氣順哂就開始行   不過再行多半個鐘   個胃好脹呀   又勁流鼻水   勁想嘔   所以里奧大人好肯定話我中暑 ~

里奧大人又話幫我拎背囊   等我無咁辛苦   不過我無比佢拎   背囊唔重嘛   如果佢拎埋   即係揹兩個袋   好辛苦啫 ~ 

我諗住行多十分鐘   如果真係勁唔舒服   諗住番大澳   叫阿 mi 就繼續行   我哋東涌等   真係唔想拖累佢哋   感恩我行下行下都 OK   但都要行下抖下囉   嗚嗚 ~

其實條路都唔難行   我覺得行城門下路仲辛苦   因為比較焗   但行去東涌啲山路都有啲風   勁舒服 ~

咁我問佢哋呢度海拔幾多 ?!   阿喂好快就答: 零   笑死我哋呀   哈哈哈哈   睇到地面   海乜鬼嘢拔呀   哈哈 ~

間唔中會聽到直昇機聲   佢哋就會好興奮   叫我唔駛驚   因為直昇機可以到   可以救到我 ~

最後都係頂唔順   要里奧大人幫我拎背囊   我實在太熱喇   之後我成日問佢重唔重   佢又話唔重   我真係覺得自己好無用囉   行個山又要人等又要人拎背囊   唉 ~

2 點來個 Break 喇   有得坐低抖抖   阿 mi 話等我塊臉無咁紅先好再行呢 ~

里奧大人食凍綠豆沙   我就飲凍鹹檸 7



再食埋朱古力脆脆   好在無溶咋   我帶咗 3 盒   食得 1 盒   之得唔帶咁多啦   



2 點半走人   里奧大人影相   老闆娘就出嚟比幾條蕉我哋食

  
接蕉



離遠睇以為係瑤柱



原來係金桔



好嘢嚟㗎

繼續行 lu 

4 點了  我第一時間坐低   見到有參賽者瞓喺張櫈度   佢哋好辛苦㗎   成個比賽要行百幾公里

無耐又有參賽者喺度休息   仲問阿喂幾時走 ?!   阿喂問佢做咩 ?!   佢話想休息 10 分鐘   之後叫佢起身   好喎   我可以休息 10 分鐘   哈哈   最搞笑阿喂電話響   嚇到阿 mi 即刻叫阿喂快啲熄電話

 

遠望機場

指示都清楚

我哋去東涌



安全落地面喇   開心開心  



大鑊

條樓梯係上昂坪 360 方向     



我開始行得好輕鬆了   呵呵 



好似 5 點唔夠就行完   我哋再行去商場方向   因為想去洗手間 ~

搞掂哂就行去餐廳    諗住 Happy Hour 飲嘢先   反正都想買嘢飲   咁我地 5 點半去到餐廳   原來 6 點先開晚市   咁阿 mi 問我哋介唔介意去醫院坐 ?!   我哋無問題   最緊要有冷氣有得坐   同埋我最想食快啲除咗腳箍   真係好鬼熱囉   哈哈 ~

差唔多 6 點就去餐廳喇   本來勁肚餓   但飲完杯沙冰   個胃有啲唔舒服   無咩胃口了 ~

食下傾下   話咁快又 8 點幾   係時候走人 lu   之後一齊行去搭地鐵   喺唔知邊個站就分手喇 ~

都唔記得幾點番到屋企   因為咩都無望就即去沖涼喇 ~

家姐今日特登拎盒魚仔比我   咁里奧大人唔知嘛   佢以為我煮咗啲麵無放入雪櫃   哈哈 



今日出咗一身汗   個人勁攰   不過唔可以太夜瞓啦   聽朝要番教會   仲唔可以遲到添 ~