2018年6月11日星期一

雲吞刀削麵 + 炸魚皮 (外賣) + 白菜仔 ( 11-JUN-2018 ) + ( 12-JUN-2018 ) + ( 13-JUN-2018 )








( 11-JUN-2018  MON )

尋晚衰啦   成 12 點先瞓   今朝起身有 d 眼瞓添 ~~~~

無咩胃口呀   早餐食奶醬多 ~



菇場唔太忙   但要清埋 d 麻煩嘢囉 ~

Lunch time 出去買雲吞米番菇場食   可以慢慢嘆 ~



仍然忙下停下咁   不過個人好攰   勁想快 d 放工   哈 ~

放工去買生雲吞同炸魚皮   再買埋凍嘅綠豆沙比里奧大人清清熱氣   之後即番屋企喇 ~

里奧大人 6 點半放工   之後問我係咪已經番到屋企 ?!?!   我話預備緊晚餐添啦 @@   

是日懶餐 - 雲吞刀削麵 + 炸魚皮 (外賣) + 白菜仔

雲吞刀削麵 - 里奧大人話食雲吞都夠飽啦   我話每人 6 粒咋喎   之後我問佢點解你話食雲吞都夠飽 ?!   佢話以為好似我包嘅水餃咁多呀   我話街賣唔會咁多啦   一打都 $38   兩打要 $76   我寧願出街食 lu ~   

炸魚皮 (外賣) - 食埋今次真係要停一停   因為食到有 d 驚喇 ~

白菜仔 - 買半斤都係六蚊   份量都唔少架   以前勁憎食白菜   依家反而鍾意食   但係就比較涼   所以唔可以成日食呢 ~

叫里奧大人食埋碗綠豆沙   呢 d 利尿嘢   早 d 食好   哈哈 ~

我洗埋碗就抖陣   8 點 15 分就同里奧大人一齊出去徑步 ~

徑 20 分鐘就番屋企喇   沖埋涼就開機洗衫 ~

好攰呀   今晚 10 點半都瞓覺喇 ~

( 12-JUN-2018  TUE )

尋晚一覺瞓天光呀   感恩感恩 ~~~~

早餐食餐蛋治   夠哂飽了 ~



菇場忙呀又   個肚又無啦啦有少少扯住痛   做嘢都慢過人 ~

終於每月一到   lunch time 去睇醫生   拎埋聽日病假紙   咁今晚可以直接番屋企喇 ~

感恩都有 d 餓   所以買粉果番菇場食 ~



個人十級攰呀   坐喺度到瞓着咗添 ~

放工即走   番到屋企即沖熱水涼   之後又嘔   真係慘 ~

今次好唔掂喎   7 點都上床瞓喇   叫里奧大人自己食埋嘢先番屋企呢 ~   

天呀   今次嘔到我死死下   嗚嗚嗚嗚 ~~~~

( 13-JUN-2018  WED )





嘩   尋晚個肚都痛呀   又嘔   所以會沖個熱水涼   咁樣舒服 d   但來來回回咁樣沖咗幾次   有次番到床邊   咁搽埋 d 阿婆油先上床   但差 d 暈咁滯   勁驚 ~

其實無咩必要都唔想食藥   反正瞓覺   但今次頂唔順   朝早 7 點幾起身食粒勁嘢   抖咗陣又真係好 d 喎   之後 9 點打番去菇場請假就再瞓 ~

瞓到差唔多 2 點就醒一醒   之後又係咁瞓   無計啦   之前果晚好似無瞓過咁 ~

里奧大人 7 點打黎話放工   咁啱我都想起身沖涼 ~

佢話不如買麵線同餃子番屋企食   我話是但啦   我唔係食咁多   之後佢話買豬扒飯   我即發脾氣話唔食呀   唔知點解   次次唔舒服   聽佢話食豬扒飯就好掹咁   同埋我無胃口食嘢   唔想啖啖肉囉   最後都係買餃子番黎食 ~

我食咗 2 隻餃子同少少麵線就夠喇   再叫里奧大人食埋 d 西瓜涼粉   佢食咗幾日   應該要停一停架喇   哈哈 ~

之後無啦啦話我做咩洗頭 ?!?!?!   我話每日都要洗頭啦   有咩出奇 ?!?!   如果個頭污糟   夜晚根本瞓得唔好架 ~

今晚 9 點幾都瞓喇   仍然好攰   感恩個肚唔痛呢 ~

沒有留言:

發佈留言