2018年6月2日星期六

風物壽司 @ 深圳 ( 2-JUN-2018 )

( 2-JUN-2018  SAT )

今朝 8 點起身   我即問里奧大人有無拻旅遊書 coupon ?!   佢話無   之後我話激死啦   比人拻咗 ~

之後佢話: 妳係咪睇咗舊果本呀 ?!?!?!?!   我即去睇啦   真係睇咗舊果本   真係豬得緊要 ~~

睇書又睇錯   叉手機電又無開電制   尋晚咩事呀   哈哈哈哈 ~

沖埋涼就去食早餐   之後番屋企抖陣   差唔多 9 點就出門口喇 ~




  
今次去 APM 坐直通巴士去深圳   老實講   我真係好憎坐地鐵   上上落落又攰喎   同埋感覺好趕   但勝在可以掌握到時間囉   之後里奧大人話今次試下坐巴士   反正價錢差唔多喎 ~

原來可以買來回車票   咁就方便喇   但只係 1 個月內有效   而尾班車係每晚嘅 9 點 45 分    



好似 9:45am 開車   不過好似有人無拻車飛   所以搞咗一輪先開車囉



只係 45 分鐘就到深圳   真係好快喎 ~

今次嘅行程主要係飲飲食食   但都有幾間想去   不過上網睇話等好耐   所以如果唔多人排隊   我地都會試下 ~

10:35am 到深圳喇



太陽唔係咁猛   但行多兩行都好鬼熱下



行去搭的士



去海岸城   好似 RMB22



里奧大人靠 GPS 搵路   因為我完全唔知係咩方向架   我只係識商場名咋 ~

我話臨走前去家樂福睇下嘢   但里奧大人聽錯以為依家去   仲叫我唔好買嘢 @@



呢隻係咪豬 ?!



11 點左右咋   所以無咩人呢



我叫里奧大人問人點去喜茶   地方太大嘛   但原來唔係喺海岸城入面   好在問人咋   



里奧大人話要去洗手間   所以去咗唔知邊個商場   咁經過電器部就坐下啦  



其實海岸城去喜茶都唔係近喎   最搞笑里奧大人話睇 d 片係好似街舖咁   但原來係喺商場 2 樓平台位置   好在頭先里奧大人問個 "食蕉" 點去咋   唔係又唔知搵到幾時了 ~

我覺得依家喺深圳消費真係唔平   兩杯飲品已經要 63 人仔   即係差唔多 HK$75   喺香港我唔會飲咁貴嘢架   但黎到呢度   咩都試啦   里奧大人有樣好   知道要排隊買嘢   佢唔會買 1 杯咁少   反正要排嘛   嘩哈哈哈 ~ 

依家個個都用支付寶比錢   我見得里奧大人一個比 cash 咋 ~   

里奧大人排咗 15 分鐘   上網睇話要排 1 個鐘架   所以非常感恩 ~



價錢唔平喎



個個都好忙 




排到出面   不過十幾個人唔算多架喇



我坐圓枱   唔會有人搭枱嘛



兩杯飲品要 RMB63   我覺得係高消費呀 



里奧大人要芝芝芒芒 (RMB30)   我要芝芝莓果 (RMB33)   我頭先見到人地杯紅色嘢好味道咁   所以走去問店員係咩來   兩杯都好味道呀   



好稀嘅芝士   都幾濃芝士味架
 


後面比較焗   同埋 d 位比較迫 



@ 喜茶




呢間鵝肉飯店好多人排隊




里奧大人話就咁睇   以為喺街   唔似喺商場裡面呀



依家乜都叫女神男神 



扮 Toast Box



下面係馬路



地方好大




飲完又繼續周圍行   好鬼熱呀  哈   但又無香港咁熱 ~~~~

一路行   手機喺咁震   勁驚囉   我已經關哂數據   我又無買卡   所以一定收唔到任何訊息   之後先醒起係 LG Health   一達到目標 1 萬步就會不斷震   話妳知目標達到咗咁囉 ~

差唔多 12 點半   我話想食嘢   所以又去番海岸城入面   黎親大陸   我都會主打食川菜   呵 ~

周圍行陣先   順便搵食



呢 d 麵包   拍得住香港價錢



見到有間裝潢都唔錯   地方又乾淨   所以就入去食嘢喇 ~


着哂民族服裝



枱角設計好細心呀




1001 新疆菜



勁鍾意呢個茶壺



我鍾意四四方方餐具   擺入柜好方便



飯前果   但我係當飯後果食   哈哈




鑲餅 (RMB8) - 無諗過 8 蚊人仔咁大個啦   本來我仲叫埋甜鑲架   後尾見到隔離枱咁大個餅   即問侍應鑲餅係咪咁大 ?!?!   佢話係   我即刻話幫我取消個甜鑲   真係唔好意思呢



睇個餐牌   鑲餅同烤包子差唔多 size   我真係以為細細塊架咋



紅柳烤串 (RMB16) Lamb Kebabs - 我叫比里奧大人食架   佢都幾鍾意食羊   但我真係好怕羶味呢



烤雞中翅 (RMB6) - 無諗過咁細隻   



羊肉串 (RMB6) / 烤肥牛 (RMB6) - 好多肥膏  



里奧大人鍾意整哂落隻碟度先食



呢 3 支嘢   簡直係攻擊性武器



食咗 2 塊鑲餅   食剩就打包番香港啦   不過我有次去咗洗手間   唔記得叫里奧大人幫我拎住個袋   所以最後都無要 d 餅喇   激死



好似敷緊 mask 咁   哈哈



原來入面仲有位架   環境仲靚   頭先侍應又唔帶我地入去



食完又行下咁啦   入咗 Line Cafe 睇下嘢   因為想過冷河   之後里奧大人見到 "探魚"   我話我可以去食架   同埋頭先堅唔飽喎   呵呵 ~   

無心法師呀



個商場好好行   因為地方闊落



前面係洗手間位置   仲有位坐添



阿原都有



有 d 雕像



又行番出去



好熱



經過 LINE FRIENDS   入去過冷河



比里奧大人見到 "探魚"   咁排隊等位啦   感恩只係等咗好似 20 分鐘   如果夜晚食嘅話   6 點排到 8點先入座架   勁誇張  



里奧大人周圍影下相   我就睇有咩好食   哈哈





等位呢度無冷氣架   



對面係咁嘅




里奧大人話去榴芒一族   睇下有咩食   佢今日好好胃口   哈哈 



估唔到坐樓上   感恩感恩   因為樓下比較焗呀



因為我地第一次食烤魚   又唔知 d 魚多唔多骨   所以即問阿 mi   不過佢地都唔知呀   咁後尾我待位嘅時候   聽到隔離個香港人話淩波魚少骨   之後再問侍應   佢都咁講




中間嘅有殼果仁幾好味   甜甜地咁  



貓碟



我好鍾意漏斗架




18 分鐘內上齊菜品   我地無留意時間呀




仲以為里奧大人左手拎蠔   加手拎殼咁心急食魚添   哈哈



蒜蓉烤扇貝 (RMB9 X 2) - 蒜蓉超級好味道 



扇貝變咗配角   哈



蒜蓉烤大生蠔 (RMB12 X 2) - 賣相同烤扇貝差唔多   哈哈



細細隻



金針菇 (RMB6.5)



重慶豆花烤魚 (淩波魚) (RMB158) - 份量好似好多咁 



好大堆頭嘅辣椒




一粒粒果 d 好似花生   不過食落口感又唔似   但脆脆地都幾好食   哈 



魚底有好多配菜



開邊魚   食落就方便喇   條魚唔腥又唔鞋喎   好味道




好大堆頭嘅配菜   但我唔鍾意食百葉   無味嘅   如果改為腐竹就更好   哈哈



食哂條魚就算喇   盡咗力   其實剩番好多配菜   講真   如果喺香港咁食   我會夾起 d 配菜先   留番第晚食都好     



登記咗就送呢碗甜品   有冰但唔凍   我最驚係咁囉 @@



走人



呢度好笑   里奧大人話無人等位呀   所以去食   但原來呢到唔係等位嘅位置囉   哈哈



@ 探魚



里奧大人今次再用支付寶埋單   咁之後出去影下相   但店員發覺過唔到數呀   好在我地企喺出面影相咋   唔係佢可能要賠錢呢   之後發現原來其他客人用支付寶都過唔到數 ~

好飽呀   又周圍行下   今日行到攰又食   食飽又行下   循環做呢個動作   哈 ~

又要買杯生果茶   之後再行陣商場 ~

設計幾得意喎




見親周大生同周六福就好搞笑





又要買嘢飲了



我只會飲果茶   因為香港飲好貴架




BO霸大果漾 (RMB20)   好多生果架   其實飲一杯都夠哂飽



探蛙唔知係咪田雞呢 ?! 探蛙探虾探魚好似係同一個老闆




我行埋 Muji   里奧大人覺得好驚訝   哈哈   



去家樂福睇下嘢   點知到我搞肚痛   勁感恩有洗手間咋   仲要係乾淨   唔係我要行番去商場呢   到時可能暈鬼咗   哈 ~

無啦啦標埋冷汗   所以同里奧大人話坐陣先去搭地鐵 ~

我鍾意行家樂福   夠大嘛






無啦啦有雞蛋玩具




呢 d 係真嘅鹹蛋   神舟鹹蛋   個名好勁咁



我睇住佢關閘   因為員工要補貨 ?!?!   又唔多見到有員工出現喎



我諗住幫佢關好啦   點知係關唔到   凍柜黎喎   咁都有嘅 ?!



我以為係米奇老鼠造型嘅糉呀 @@




仍然熱




要去睇下呢座係咩嘢來



里奧大人問我夠唔夠膽影架警車 ?!   我話做咩唔夠膽呀 @@   坐上去就唔敢喇   哈 



估都估唔到   呢座原來係戲院






搭地鐵去萬象天地



搭幾個站就到萬象天地   一望   差唔多全部都係名店   有 d 失望   文青嘢都好丫   哈哈 ~

同圍行下咁囉   又攰攰地   又去買杯嘢飲 ~

抖夠就去超市行陣   之後再走出去行下   睇下有咩地方食嘢 ~~~~

周圍行下   其實係搵緊路   哈哈   



文字嘅設計   整到好老土咁喎  



但其實開咗無耐架咋   好多 shop






呢期好鍾意睇麵包店 d 麵包 



試食蛋糕   無咩特別




好似幾好味咁



勁似紫色嘅鹹水角   哈哈



我鍾意食杏仁片   但唔會買啦   份量太多   我驚好快腍



好似百幾蚊一盒   咁就好平喎



如果有得試食   好味嘅話就會買   我好鍾意食架 



長法包就好抵   真係有諗過買番香港架



Cream Cheese 嘅包都好味道   但一定要即食   過咗夜就唔好食架喇   所以無買 



Guava 正呀   所以買杯黎飲



應該係真嘅 Burger




原來原價要 RMB28   咁好鬼貴喎 



呢度係類似 Food Court 嘅地方





Soda Guava 好味道呀   好清涼嘅感覺



去 Gourmet Market 睇下嘢   見到 d 荔枝都好貴下 



左右兩邊係荔枝王   所以好大粒架   同埋好鬼貴   中間果 pack 就普通貨式   但都貴啦   要 RMB99 呀





呢隻應該係狗仔



放低 d 物品落車   就會自動幫妳計數   我覺得好高科技呀   哈   



里奧大人話用唔到支付寶咋   唔係佢都會試下





每架車都有 number



仍然鍾意 Minions 



Lollipop 好似幾正咁



呢 d 甜品都要四五十蚊人仔   即係香港價錢了



以為係 5 點   原來已經 6 點   因為望出去個天仲好光嘛 ~

其實都飽飽地   但又唔想番香港先食   不過今次到我講明唔食川菜喇   要輕食   哈 ~   

高級商場也



學 Ice Hockey 仲要外國人教   肯定好貴啦   我同里奧大人一路睇一路話咁咁咁   多多聲氣但又唔係識呢下衰   哈哈



天幕



等嘢食期間   我話出去影下相   


轉過頭番來無哂等位嘅人   之後又有幾個人喺度坐   坐咗無耐就走   真係唔知以為佢地等緊位   哈哈



餐廳格局   地方都乾淨   同埋最緊要唔嘈  



第一時間睇 menu




我望住個銀幕   正呀    




炒米茶 ?!   但好好飲呀



什錦天婦羅 (RMB39) - 香口嘢實好味   哈哈



冷麥麵 (RMB29) - 我鍾意食冷麵架   但屋企整又要買支冷麵汁   所以都係出去食方便 d   唔係成日食   真係唔想買咁多嘢



佢地無 7 味粉   所以比辣椒醬   估唔到好香辣   正呀



豬軟骨拉麵 (RMB46) - 得 2 件薄薄嘅豬軟骨   相對喺大陸黎講   份量算少 lu   但味道都 ok 



夜晚嘅天幕就靚 d 



又周圍影下相





好鍾意呀 ~~~~~~~~~~



型呀









去埋洗手間就走人了





Fashion 嘅嘢   我真係識條。。。。。。



Tesla 靚呀    





打的去落馬洲 (好似)



喺呢度搭車番屋企喇



坐直通巴去官塘   再去百佳買雪條同汽水就番屋企喇   原來都 10 點喇 ~

叫里奧大人沖涼先   我就整西瓜涼粉佢食 ~

搞掂哂就到我沖涼   再睇多陣電視   11 點幾都瞓 lu ~

沒有留言:

發佈留言