香焗白汁雞肉菠菜 ($25) - 次次食都係熱辣辣 所以我唔鍾意白汁都會叫來食 我好興奮咁話好味呀 里奧大人問我真定假 ?! 佢已經唔係第一次咁問 但為何覺得我係假呢下 ?!
中華海草 ($9) - 細碟咗好多 lu 不過點都抵過喺元氣食 哈哈
蕃茄海鮮意大利粉 ($32) - Menu 賣相勁吸引 火紅色咁 所以里奧大人肯定想食 不過出到嚟係咁
莎樂美睇薄餅 ($34) - 今次好味喎 餅底焗到脆 第一次咁咋
( 7-JUN-2018 THU )
今朝出門口前落咗一場轟轟烈烈嘅大雨 實在太好 因為係落完之後 我先出門口 哈哈 ~
早餐食腿蛋治 但成日睇見人地食湯粉麵 又覺得好好味咁 不過湯粉麵呢啲早餐 唔可以日日食啦 我已經食番大個胃 再咁食法唔得了 ~
菇場忙呀 咁啱今朝有嘢搵家姐 佢無啦啦叫我打佢手機 真係好日唔搵佢 一搵佢佢就請假 ~
之後原來佢話佢倍肥仔入醫院 肥仔喺公司大堂上 Office 之前 突然覺氣喘 咁佢打比另一個 AM 但係 AM 叫家姐聽電話 因為肥仔搵佢 ~
家姐即好緊張問乜事 之後即落樓睇佢 咁 AM 叫多另一個男同事陪家姐 有咩事扶住肥仔都得嘛 同埋男同事已經拎定銀包準備陪肥仔入院 咁落到去啦 男同事話陪肥仔入院 但肥仔指住家姐 要家姐陪佢入院呀 之後家姐又上番去拎銀包電話 ~
我覺得勁爆笑呀 係都要家姐陪 個個都莫名其妙 連家姐都話做咩要佢陪呢下 ?!
咁坐救護車入院 見肥仔係咁喘氣 家姐即好緊張問肥仔咩事呀咩事呀 ?! 我幻想緊家姐個樣係點 所以我都忍唔住笑 聽醫護人員講 吸氧氣係咁㗎喎 ~
之後又同家姐講咗 2 次 話醫院有 STARBUCKS 叫家姐食早餐 原來家姐都係飲咗啖水 之後即落樓睇肥仔呀 ~
見無雨就行遠啲買飯 但買完就落雨囉 好在有帶遮 ~
諗住食完做功課 但居然無帶 激死我 ~
仍然做埋個爛鬼 Report 不過 4 點又話唔可以用 System 咁聽日一定要做埋去 lu ~
老闆娘請食 Donut 好味呀 因為我鍾意食杏仁片
放工去淘大行陣 又去書局睇書 里奧大人 6 點半放工 咁我即去薩莉亞等位喇 ~
6 點 45 分去到 等咗 10 分鐘就有位了 感恩感恩 ~
食完即番教會 聚會 9 點半結束 ~
番到屋企即沖涼 睇多陣電視 11 點左右都瞓喇 ~
沒有留言:
發佈留言