今朝 6 點 15 分起身喇 但尋晚瞓得唔係咁好 可能太興奮呀 哈哈 ~
沖埋涼再睇多次証件 之後再關好哂水制 鹹水制同煤氣制就 Call 的士喇 約咗 7 點 不過我又唔肯定有無關到冷氣制 所以又上番屋企睇 最後 7 點 03 分先上車 ~
咁多部手機 我知搵食艱難 但最緊要你唔好分心就得喇
7 點 30 分到機場 司機好好人呀 教我哋點行去 P3 仲收平我 4 蚊添呀 哈哈 ~
7 點 40 分左右去 Air Asia Counter 排隊 Check-in 突然間有個鬼佬拍里奧大人膊頭 嚇到佢以為乜事 原來係叫佢行去另一條無人排隊嘅 Link ~
T2 又係無咩人
開心到完全無睇航班資料 同埋我只係想影個鐘嘅時間 如果唔係里奧大人問 我影完相就走人㗎喇 哈哈
里奧大人負責 Check-in
今次只拎 2 個喼咋 但就帶多幾個大嘅環保袋
呢個磅數重啲 咁多數係裝埋叉電器
離港
搞掂哂就去食嘢 想試另一間茶記 但無咩人 所以又去番世窗冰室囉 呢間爆哂呀 諗住走啦 咁啱有位 ~
呢間次次都無咩人 所以唔敢去食呀 哈哈
呢間 "世窗冰室" 食物質素都唔錯㗎 但坐位就迫啲
卡位都好迫㗎 我哋坐一邊 對面係個印度西裝人 佢叫里奧大人放個 Backpack 喺佢隔離呀 勁好人 ~
卡位坐 4 個人 但其實 2 個人嘅早餐已經佔咗 1 張枱 咁代表要食得好快咁
之後佢走咗 就有 2 個阿叔坐低 佢哋係機場員工 所以食嘢有優惠 我睇到張單係減咗十幾蚊 之後里奧大人就睇幾多 Discount 佢喺我耳邊好細聲好細聲同我講 話叫佢哋比埋員工優惠比我哋啦 點知對面阿叔笑哂口 係咁話可以㗎可以㗎 我哋話講笑咋 唔駛喇 ~
好恐怖囉 咁阿叔真係全程聽住我哋講嘢咁喎 哈哈哈哈 ~
呢間茶記好焗 所以食完都走喇 寧願出去搵地方坐 ~
阿喂好有心㗎 次次我哋去旅行 佢都會 Send 個 Flight Time 比我哋 我都無佢咁清楚添呀 我無留意邊班機幾點機㗎 跟住里奧大人就搞掂啦 ~
之後再教埋里奧大人點去 P3 咁我哋落機嗰晚就唔駛搵呢 感激感激 ~
經過 Baleno 已經開舖 我同里奧大人講話咁早開舖嘅 ?! 佢話唔早啦 我話 9 點咋喎 原來佢話以為依家係 11 點 ~
食完行陣
呢間 DisneyLand 好細
里奧大人就自己去探路 跟住阿喂嘅指示去 P3
到 P3 了
終於離港喇 開心開心
@ 9:05am
無咩人排隊
咁樣 Selfie 幾好喎 呵呵
今次又坐廉航 里奧大人見到架飛機咁細 話好驚喎 都唔知驚咩 哈哈 ~
第 1 次搭 Air Asia
去 Gate 230
好在阿 Mi 問我哋係咪去曼谷舊機場 (DMK) 咋 因為我哋次次都係去新機場呀 我估所有廉航都係舊機場升降呢 今次真係好在佢哋兩公婆幫手 哈哈 ~
@ Gate 230
可以一齊坐 但就揀唔到窗口位
職員叫啲人企入啲
我哋等第 2 轉先可以上機
咁睇架飛機又真係幾細喎 哈哈
11 點 15 分上機 今次醒喇 一早校定係曼谷時間 咁 Load 相唔駛又要減番一個鐘 ~
開始放毒氣 哈哈哈哈
好誇張下喎
煙霧彌漫呀大佬
我覺得啲位好窄呀 定係我肥呢 ?! 好在坐我隔離個男仔都咁講 佢唔肥㗎 仲高我一個頭 咁對腳就一定長過我添啦 佢應該辛苦過我好多 呵呵 ~
見佢拍嘢嘛 我問佢係咪 Youtuber ?! 之後我哋就開始傾偈 佢仲好開心話唔駛咁悶 ~
原來佢今次去做 Intern 23 歲仔大把時間啦 里奧大人仲係佢師兄啦 佢哋係同一間大學 ~
佢都好識諗㗎 話有同學話學校圖書館資料唔夠 佢話你睇哂圖書館啲書先好講話資料唔夠啦 呢下佢又講得好啱喎 同埋佢會感恩學校比佢嘅一切 努力呀後生仔 懂得感恩及珍惜自己所擁有嘅人 通常會得到祝福呢 ~
咁我填完表諗住瞓啦 差唔多瞓着 佢又同我傾偈 我當堂唔好意思瞓 傾傾下都醒哂 但無耐又到佢自己瞓喎 咁我繼續寫行程啦 平時喺屋企同菇場就好難專心一意咁寫呢 ~
起飛了
我係都要影到 Air Asia 為止 哈哈
我坐到窗口位就好啦
差唔多降落了
過關排隊嘅時候又見到個男仔 咁真係要一齊影張相啦 咁都見到 ~
拎好哂行李就去 KLOOK 拎電話卡 之後就坐車去酒店喇 ~
到機場
原來好多人已經拎哂行李
行李已經等緊我哋
見到 7-11 勁開心 因為有好多好嘢食㗎
我哋喺 KLOOK 買咗電話卡同埋 Book 咗車去酒店
指住自己個名 同職員講到咗喇
另一間公司就係咁嘅
我張 Sim 卡唔得呀 因為 Send 唔到相 所以要再整過 里奧大人就幫眼睇住個女仔點整
原來另一間公司都有唔少人排隊
泰國時間 2 點就搞掂哂 可以出發去酒店喇 沿途都塞車呀 好在 Book 咗車咋 如果打的唔知幾錢呢 ?!
KLOOK 哥行得好快 等埋我哋好喎
原來佢唔係司機 哈哈哈哈
架車唔錯喎
塞車呀
行李放後面
夜晚見到好恐怖啦 有人望住妳咁
咁少電纜嘅
着皮褸 ?!
接近 3 點先到酒店 見到 Lobby 唔錯喎 勁期待上房呀 哈哈 ~
我叫里奧大人最緊要問埋有無得睇世界杯盃 同埋食早餐時間 因為聽朝好早起身呢 ~
Check-in
Lobby 好 Grand 咁
地方都好大喎
有茶水/咖啡供應
上房喇
露台原來係咁嘅
書枱 係咪咁叫呀 ?!
開咗房門
洗手間喺房間入面 即係主人套房
洗手間都乾淨
免費提供嘅洗頭水護髮素 / Body Lotion / 沐浴液 其實呢張相係最後一日補影 所以啲樽係唔 Full 呢 哈哈
好細部電視機
景觀無咁開揚 但其實我都唔會開窗呢
有熨衫板 & 熨斗
最緊要有夾萬
估唔到有塊直身鏡 照下先出門口都唔錯 呢條裙真係好鬼舒服 喺淘寶買㗎
每日有 2 支水 (免費提供)
搞掂哂都 4 點 係時候出去食嘢喇 ~
望落去 我有啲腳軟 哈哈
另一邊係咁嘅
酒店有 Tuk Tuk 去 THE mercury Ville 咁就好方便喇 ~
白色 Tuk Tuk 好靚呀
@ THE mercury Ville
商場內都幾多食店
我哋去咗旺角
其實對鞋同背囊都好唔襯條裙 但里奧大人堅持要我揹背囊 驚我成日揹斜揹袋會腰痛 對鞋就一定要着呢對啦 行夜市嘛 最緊要舒服 哈哈
價錢好吸引
好似幾好味咁 所以叫里奧大人一陣買嚟食
佢哋學緊泰拳
咁樣影到商場就嚟關門咁 哈哈
去呢間食午餐
餐廳環境唔錯呀
4 點幾 無咩人嚟食嘢
開餐
Stir-Fried Shrimp Meat with Yellow Curry and Egg (220B) - 好味呀 仲估唔到里奧大人鍾意食
好似有 6-7 隻蝦 啲蝦肉仲好彈牙㗎
Traditional Chilli Paste Fried Rice 蝦醬炒飯 (130B) - 泰國炒飯真係無得輸 基本上係唔會難食 哈哈
我唔知係咩 因為唔似食肉嘅口感 但我覺得好味呀 甜甜哋好似食緊蜜汁豆乾咁
我叫里奧大人食埋粒豆啦 佢話苦嘅 我話點會呀 ?! 因為我離遠睇以為呢粒係青豆呀 哈哈 老點咗佢添
Watermelon Smoothie (85B) - 我好鍾意飲 Smoothie 㗎
@ Have a Zeed
可以坐窗邊位就更好
里奧大人問隔離枱嗰杯係咩嘢 ?! 我話係奶茶做嘅冰 咁就唔會越飲越淡味呢
呢餐 566.5B 真係超級抵
我影到啲綠色好怪 但其實佢哋好吸引的
捉實杯雪糕 真係拖住里奧大人隻手都無咁實呀 哈哈
亞坤賣泰國奶茶 好唔慣 哈哈
食完去搭 BTS 順便兌換錢同買 Rabbit Card 咁唔駛下下袋住散紙同排隊買車飛 有效期係 5 年 咁又唔錯喎 ~
里奧大人第一時間去兌換錢
4.094 唔算高 但都唔算低 所以兌換咗 HK$1,500 (6,141B)
寫咩呢 ?!
曼谷特色 (塞車) 所以喺曼谷好少會搭的士呢
次次嚟曼谷都一定會到 Chit Lom 站 但我成日讀 Chi Lam 哈哈
買 Rabbit Card 要 100B/張 (按金) 之後我哋每人增值 300B
類似香港嘅 Octopus 最緊要唔駛成日袋住散銀搭 BTS
之前次次搭 BTS 我都會見到呢座紅色商場 次次都話想去 但無時間 點知今次就日日都會經過 太開心啦 哈哈
今晚我哋去 Train Night Market Srinakarin (席娜卡琳火車鐵道夜市) 所以去到 Udom Suk 站落車 之後再坐的士 咁先去到呢 ~
好似好多 BTS 站都係得樓梯 無扶手電梯
話咁快又 5 點半了
Toni Kroos
勁塞車呀
都唔知有無人住 ?!
好多菠蘿
好多店舖都無開
終於見到一間開咗嘅店舖
小姐 妳梳下個頭好喎
我叫里奧大人幫我影呢隻雞 我覺得好大隻呀
呢日未完㗎 ^^
沒有留言:
發佈留言