泰式辣醬豬腩肉 + 合拳瓜粟米蘿蔔螺頭豬骨湯 ( 24-JUN-2018 )

( 24-JUN-2018  SUN )

今朝 9 點 45 分起身   食埋早餐就番教會了 ~





崇拜完畢   我就去買餸   里奧大人就剪髮   但人太多   所以又唔剪 lu   咁叫佢番屋企先 ~

番到屋企即預備煲湯   搞掂哂啲湯料   但約咗師傅 2 點整廚房水喉   所以唔煲住   但佢成 2 點半先到囉   唉 ~

換完話有啲滴水   叫我地揀另一款   之後走人   錢都未收喎 ~

搞掂哂都 3 點   咁食埋下午茶先煲湯啦   我其實唔太餓   但一陣要大清潔廚房   所以要食啲嘢呢 ~





食完就即去比水龍頭錢啦   咁啱師傅打比老闆娘話未收錢   我心諗   我話比咗都得啦 ~   

好   有氣有力就大清潔廚房   清潔完都接近 5 點半   個頭有啲痛呀   慘 ~

里奧大人就執好哂啲行李   我就咩都未執 ~

6 點半開始煮飯   搞得嚟 7 點半先食   哈哈 ~

是日懶餐 - 泰式辣醬豬腩肉 + 合拳瓜粟米蘿蔔螺頭豬骨湯

泰式辣醬豬腩肉 - 激鬼氣   諗住焗燒肉   但失敗咗啦   求其切粒再撈啲泰式醬就算喇   唉   等我仲等登買件丹麥豬腩整   六十蚊一條仔咋   我覺得成日失敗   係豬腩唔夠大件囉   我同家姐話唔會再整   反而佢叫我再接再厲   哈哈 ~   

合拳瓜粟米蘿蔔螺頭豬骨湯 - 好想飲老火湯呀   所以點都要煲囉   熱都係咁話   哈哈 ~

今晚 8 點英格蘭對巴拿馬   因為無個球員識   所以唔會話好期待 ~

洗埋碗   沖埋涼   下半場先坐低睇 ~

家姐晏畫打嚟話大表嫂走咗   姑丈話佢上個假期前打羽毛球跌親   住咗幾晚醫院就走咗   唉   太化學喇   其實聽完呢個消息之後   我都唔開心   雖然唔熟   但大表嫂都係四十幾歲咋   個女好似得 22 歲   好可憐   嗚嗚 ~

今晚 11 點半都瞓   但其實唔眼瞓   不過對眼好攰   咁就瞓囉 ~