2018年6月18日星期一

XO 醬炒豬腸粉 + 蠔油旺菜 + 皮蛋芫茜魚片湯 ( 18-JUN-2018 )








( 18-JUN-2018  MON )

今朝 11 點半先起身呀   即刻梳洗落樓食早餐喇 ~



坐定定就即問阿喂佢哋係咪睇哂全場 ?!   佢哋答話 5 分鐘   死嘢吖   又叫我哋睇   自己就睇 5 分鐘 ~

食完番屋企抖陣   之後我去買餸喇   今日好焗咁呀   買完餸都有啲頭暈暈   定係唔夠瞓呢   哈哈 ~

放好哂啲嘢就整沙律   搞掂哂嘢都已經接近 3 點   沖埋涼就休息下喇 ~

今日唔食下午茶喇   反正有哈密瓜   想快啲食哂去   咁個雪櫃唔駛擺咁多嘢 ~

依家里奧大人好鬼衰   叫親佢食嘢呀   搽 Cream 呀   就問係咪就嚟到期 ?!   咁尋日我無啦啦叫佢食哈密瓜   佢第一句就話係咪唔夠位擺 ?!   呢下好笑   雪櫃真係唔夠位擺   所以我先叫佢食    之後佢好自豪話好了解我喎   我話食就食啦   咁多嘢講 ~

雖然攰   但又唔想瞓   咁熨 2 機衫當做運動啦 ~

今晚早啲食   所以 5 點幾預備晚餐喇  ~

是日懶餐 - XO 醬炒豬腸粉 + 蠔油旺菜 + 皮蛋芫茜魚片湯

XO 醬炒豬腸粉 - 尋晚里奧大人話鍾意食 XO 醬   咁我話炒豬腸粉都好味架   佢即刻話好   今次我特登買 $3 芽菜   咁買魚買菜又搭條蔥   唔駛齋腸咁悶   哈哈 ~  

蠔油旺菜 - 本來要 $12.5   但我叫檔主收 $12 啦   因為我拎住好多嘢   咁啱我手上得 $12   唔想又開銀包拎散紙   好在佢肯咋 ~

皮蛋芫茜魚片湯 - 睇幾場波都有食薯片   真係要飲番啖湯   清清熱氣囉 ~

洗埋碗就沖涼   之後開機洗衫 ~

搞掂哂就啱啱開波   瑞典對南韓   不過無個識   所以唔係咁投入   哈哈 ~

一路睇波一路食沙律   突然覺得好健康咁   點都好過食薯片嘛 ~



唉   唔知做乜鬼   9 點幾開始   個胃頂住頂住   之後里奧大人話食咗粟米呀   我都完全無為意有粟米添   我以為食咗紅腰豆咋 ~

勁反胃   又唔敢瞓住   所以等到好啲先瞓囉   但已經 11 點 45 分喇 ~

沒有留言:

發佈留言