感恩一覺瞓天光 話哂尋晚咁夜瞓嘛 哈哈 ~
10 點自然醒 沖埋涼就去食早餐喇 ~
番屋企抖陣 之後就搭車去 Megabox 行陣再去食 Lunch ~
開餐喇
豆沙鍋餅 ($28) - 麻麻哋 定係因為凍咗呢 ?! 我無諗過第一樣就係佢囉
三星蔥黑胡椒包 ($32) - 呢個好味呀
濃湯酸菜魚 ($98) - 仲以為可以飲啖湯添 個湯超級油架 魚片份量都好多 碗白飯又大碗 食到好飽
套餐飲品 - 生津梅子冰酸酸地 都好味道
叫里奧大人去拎風扇 我就去超市買嘢 今日係特價星期三 所以超市人頭湧湧呀 ~
一個人去超市買嘢 其實係可以買好多嘢 因為真係樣樣都想買咁呢
買完就去儲積分 我排第一行 咁有三行嘅 第二行搞掂就叫我過去 之後就話第一行要去番第一行到搞嘅 真係痴鬼線 又係你叫我過來嘅 之後佢又再講一輪嘢 但完全聽唔到佢講咩 咁啱第一行搞掂 我行番去第一行搞 咁之後我後面再後面女人又係比佢點咗去第二行 大佬 唔係你果行就唔好叫人埋去啦 ~
搞掂哂就同里奧大人一齊搭的士番屋企 沖埋個涼就執衫 里奧大人就熨衫 ~
搞掂哂就抖陣 6 點幾預備晚餐 ~
是日懶餐 - 炸豚肉餃子 (外賣) + 芒果糯米飯
炸豚肉餃子 (外賣) - 喺 Aeon 超市買現成嘅炸餃子 $10/5隻 真係超級抵 最緊要好味道吖嘛 如果 Aeon 喺我公司附近 我好肯定個個星期三都去掃貨呀 ~
芒果糯米飯 - 食極唔完 食到我都無哂感覺 嘩哈哈哈哈 ~
洗埋碗諗住整芒果糯米糍啦 帶口套整又痴住對手 唔帶又痴 完全唔知想點 所以掉鬼哂去喇 最衰整咗啲芒果汁落去 唔係都可以留番做小丸子 激死我 ~
開埋機洗衫就沖涼 之後休息喇 可能呢兩日揹住個袋同圍行 條腰好痛呀 嗚嗚 ~
11 點幾都自己瞓先 難得瞓到 ~
沒有留言:
發佈留言