蠔油燜冬菇鴨掌 + 冬蔭功扎肉 + 辣菜甫唐生菜 ( 13-JUL-2021 )

( 13-JUL-2021  TUE )

今朝起身有啲頭重重   但都照徑步啦   之後行咗一個圈就無頭痛喇 ~

依家坐車多數聽歌   咁我又唔會睇手機   等 Lift 見到家姐 Whatsapp 就覆佢啦   唔係又以為我暈咗   哈哈哈哈 ~

有時間就即打番比佢啦   佢第一句話點解妳知我番公司 ?!   我話頭先妳唔係 Send 個 Menu 比我睇咩 ?!?!   佢話佢無喎   之後我再睇清楚原來係里奧大人 Send 比我㗎   哈哈哈哈   因為佢寫啲字眼同家姐一樣咁嘅   我咪以為家姐囉   所以今朝個人都係豬豬哋   哈哈 ~

早餐食吞拿魚包   真係好多餡呀   食到好飽   本身想食一半   但都係食埋去啦   始終咬過好核突咁   哈哈 ~

菇場忙呀   好快又 Lunch Time ~

唔餓就出去行 20 分鐘   之後買埋炒米粉就番菇場喇   真係 12 點半先有啲胃口 ~

仍然唔忙   可以專心投票   嘻嘻 ~

放工即走   番到屋企都預備晚餐   但里奧大人 7 點先放工   今晚 7 點 45 分先開餐呀 ~

是日晚餐 - 蠔油燜冬菇鴨掌 + 冬蔭功扎肉 + 辣菜甫唐生菜

蠔油燜冬菇鴨掌 - 星期六晚燜㗎   今晚一定要食㗎喇   冬菇真係入哂味   不過今次用大喜慶蠔油燜嘅   味道無用李錦記咁好呢 ~   

冬蔭功扎肉 - 特登煎比里奧大人食㗎   驚佢無餸   因為佢唔食鴨掌   就咁食冬菇又好悶咁   哈哈 ~

辣菜甫唐生菜 - 本身用來墊冬菇底   但個碟太細   所以最後都係分開裝   咁就加辣菜甫啦 ~

洗埋碗就抖陣   之後同里奧大人一齊去徑步 ~

原來家姐唔知我早晚都徑步   因為有次佢話唔記得讚我咁勤力   以為我只係朝早徑步咋   哈哈 ~

開埋機洗衫就即沖涼    最期待呢一刻 ~

睇下 Youtube 又 11 點   係時候瞓喇   始終聽朝早起身呢 ~