韭菜水餃 & 招牌鍋貼 & 麵線套餐 (外賣) @ 屋企 ( 18-MAY-2022 )

( 18-MAY-2022  WED )

尋晚 4 點都要起身沖個涼   我都係想個肚舒服啲   哈哈 ~

今朝都係瞓到 8 點先起身   感覺精神好多架   最緊要唔好遲到就得喇 ~

茶記阿哥阿姐都話估唔到我飲凍啡   連 8 卦都咁講   乜我飲凍飲好出奇咩 ?!   哈哈   

菇場忙下停下   都叫做可以休息 ~

Lunch Time 出去萬寧買嘢   之後買魚片頭米都即番菇場喇 ~

好在唔忙咋   因為個肚有啲扯住痛   勁想番屋企瞓覺   哈哈 ~

放工即走   今晚叫里奧大人買外賣番屋企食   我今晚真係要抖抖呢 ~

番到屋企都即沖涼   無耐里奧大人都番到   佢一入屋就話即刻食   佢肯定驚我餓   不過我叫佢沖涼先食呢 ~

食完都休息   叫里奧大人熨衫   因為我真係好攰 ~

我聽到里奧大人同同事講: 有心   佢無咩嘢喇   我即問同邊個講電話 ?!  原來佢同勁哥講電話   本身今晚要同 I.T. 部一齊開會   但里奧大人話太太唔舒服要走先   我話下次唔駛理我   我喺屋企等都得   佢話唔緊要啦   佢哋有咩嘢就聽日 Report 比佢知就可以了 ~

雖然呢幾日都唔舒服   咁一定煮唔到飯   但都唔錯㗎   可以比隻手抖下   因為我依家拎杯飲水都痛   遲啲都應該去睇推拿   日日咁痛唔係辦法呢 ~

今晚勁喇   9 點半瞓覺   所以里奧大人知道我唔舒服   因為平時我點都會睇班寶貝先瞓家嘛   哈哈 ~