鐵匠 @ 九龍灣 ( 1-dec-2010 )

青芥辣八爪魚壽司 - 八爪魚 d 份量都好多下  

三文魚手卷 - 我無食到
煙三文魚沙律 - 呢個 $48   真係超唔值   因為沙律係青瓜絲同蘿蔔絲   我覺得好似食緊伴菜果 d 咁囉    

蕃茄豬軟骨手打烏冬 - 煙煙韌韌嘅烏冬就最好味啦   呢排無乜點食生果   所以連蕃茄都食埋呀

( 1-dec-2010 wed )

嘩  貶下眼就 12 月喇   之後就冬至同聖誕節   話咁快就過咗 1 年   點解時間過得咁快咁嘅    但我覺得人大咗   d 時間真係過得越黎越快咁囉 ~ 
呢朝食扒芝腿治 + 咖啡   呢排真係比較攰   其實飲檸茶都得嘅   但我就覺得飲咖啡好似 relax d 咁架 ~
菇場又無咁忙喇   突然好唔慣 hea 住黎過添 ~ 

Lunch 食杯麵   依家覺得出前一丁杯麵都幾好味   份量又多過合味道   價錢都好似差唔多   買佢抵 d   話哂 lunch 要飽 d 家嘛 ~
放工去做針灸   感恩今次 7 點左右搞掂   唔係又要等   又餓又攰好辛苦架 ~  
我真係好怕搭地鐵   無位坐唔緊要   但真係好怕咁迫囉   如果電話響仲慘   幾咁辛苦先縮隻手落個袋入面   再縮骨咁縮番隻手上黎聽電話   同埋我最憎就係喺咁迫嘅情況下   企喺妳隔離嘅係 d 痴纏情侶   臉貼臉都算   但錫咀又真係令人好尷尬囉   尋晚有對情侶企喺近門口   個女 "挨" 住玻璃度   男就攬住佢   咁佢地隔離有條扶手   有個女人明明揸住   但見到個男錫個女塊面度   個女人都行開咗   睇見眼冤啦   最難頂係個男唔係高 (好似矮過女仔小小)   個樣又唔係靚   再做埋 d 咁嘅動作   簡直就覺得佢超樣衰囉   同埋我見到個女仔個口型話唔好架   但佢又無檸歪臉   由得個男仔錫   我覺得佢地真係嚴重影響市容呀 ~

番到屋企附近都差唔多 8 點   超級非常肚餓呀   本來想打邊爐   但真係唔想等   里奧大人就話食壽司   都好丫   又快又飽肚   所以又去鐵匠開餐喇 ~