叉燒炒麵 + 炒菜心 ( 2-dec-2010 ) + ( 3 & 4-dec-2010 )

( 2-dec-2010 thu )
今朝好感恩呀   因為我想去 KFC 食個 $11 (鬆餅 + 薯餅 + 咖啡) 套餐同埋加個蕃茄通粉    但我無張 Coupon   Cashier 姐姐話要散買   每樣 $6   我覺得唔抵囉   點知 Cashier 姐姐話比張 $11 Coupon 我用呀   幾好人呀   咁我就唔駛散買   慳唔小呢 ~

菇場無咁忙 lu   勁有 Holiday Mood   星期四同星期五真係令人好鬼開心   如果以後個個星期六唔駛番就發達喇 ~  

晏晝食番朝早嘅鬆餅   再加半杯麥皮都夠哂飽咯 ~   
今晚買餸嘅時候   無啦啦收到個大陸長途電話   仲以為係里奧大人打黎   點知原來係一個鄉音極重嘅男人打黎   我根本聽唔到佢講乜   我仲以為佢喺里奧大人 d 大陸同事   之後發覺唔對路   我又聽到佢話唔好扮唔識人   我好惡咁話我無大陸人朋友   之後佢就收線 lu   應該都係呃人果 d 架喇   不過無啦啦聽到呢 d 電話都好驚   妳知大陸 d 人啦   成日呃呃騙騙   真係比佢嚇到半死架 ~ 
是日懶餐 - 叉燒炒麵 + 炒菜心
叉燒炒麵 - 唔知煮乜好   就煮里奧大人最 like 果 d 啦   佢一番黎見到碟炒麵真係好開心架    會好快洗手開餐囉   但我其他嘢都唔係好難食啫   但唔知點解真係咁鍾意食叉燒炒麵囉 ~ 
炒菜心 - 今次好成功咁炒到一碟菜心   因為之前嘅炒菜係灼熟再炒   但媽咪話唔駛咁   就咁炒熟就得   所以我又試下   估唔到又唔係好難喎 ~ 
( 3-dec-2010 fri )尋晚每月一到   今朝又超級精神喎   又唔痛   仲可以慢慢食兩個咸餐包   點知晏晝就黎料   有 d 痛   同埋嘔到九彩   喺洗手間出出入入   唉   如果唔係 Partner 請咗 S/L   我實請假番屋企休息呀 ~ 
( 4-dec-2010 sat )好感恩呢日 OFF   咁就唔駛 S/L   可以喺屋企盡請瞓呢   同埋有里奧大人服侍下都唔錯   無乜幾何 ~