婆婆生日飯 @ 紅磡美心酒樓 ( 10-dec-2010 )

( 10-dec-2010 fri )
Yoyoyo   Happy Friday 喇   加上今朝又好精神   所以更加特別開心添呀 ~ 
今朝食榨菜肉絲 + 芝士腸米粉   熱到呢   食完出汗呀 ~

好似好耐無煮飯   依家菇場又得閒   其實可以搵下有咩食譜   但又唔想搵喎   但當番到屋企嘅時候   睇到 d 食譜   又好想即刻開電腦 Search 其他食譜架喎 ~ 
終於等到 lunch 喇   又食杯麵喇   懶得落街買嘢呀 ~ 
今日係婆婆生日   但 8 點幾先開席   所以我去佐敦拎禮品   係旅行蒸氣熨刷黎架   不過我都唔知申請咗邊張卡先有呢份禮品   但對番個人資料又確實係我噃 ~ 
拎完嘢就去紅磡喇   咁啱家姐又差唔多到   所以就 join 埋一齊行下街再去食飯呢 ~ 
里奧大人搵唔到美心喎   又要我出去接去   等我同唔到 d 阿表傾計影相   難得見面嘛   真係丫 ~ 
今晚 10 點 45 分就散席 lu   同埋媽咪 家姐一齊打的番屋企   好耐無試過可以一齊坐車番屋企喇   d 感覺好新鮮好得意好開心呢 ~

台灣水果凍 - 之前喺永安見到   所以想買黎試下   點知原來係果凍   我以為係糖黎架   之後仲同家姐講話仲以為係糖添   點知家姐好無奈話   個盒面係果凍黎架喎   噢   點解我睇唔到嘅   我覺得係因為我一心想係糖   所以就覺得係果樣嘢囉 ~

出前一丁餐具 - 之前喺百佳買滿 $50 出前一丁杯麵送嘅   所以我買咗 8 個杯麵   依家諗起食杯麵都好驚   但唔食又驚到期要一次過食哂   噢 ~