雲興隆小廚 @ 九龍灣 ( 7-dec-2010 )

豉椒炒新鮮蟶子 - 味道一般啦   無乜大驚喜
菠蘿生炒骨 - 離遠睇個樣都好掂   但食落完全唔掂   粉太厚   同埋唔脆   我覺得自己整得好味過佢囉

魚湯什菜 - 我好鍾意出街食什菜架   樣樣有 d 無咁悶   加埋魚湯好似好健康咁 

大支藍妹 - 好口渴呀   唔想飲汽水   所以啤一啤


( 7-dec-2010 tue )
呢朝里奧大人上大陸   所以 7 點就起身   佢起完身之後   我都瞓唔着   早咗 15 分鐘起身   咁就真係可以慢慢嘆份早餐喇 ~ 
今朝又去 KFC 食腸仔蕃茄湯通粉 + 咖啡   咁我食嘢嘅時候都好鍾意周圍望   突然聽到 d 怪聲   原來有位阿叔食食下用電鬚刨剃鬚   佢剃得好自然架喎   以為自己喺屋企咁   如果佢坐我對面   我即掉位呀   痴痴地線嘅   公眾地方黎嘛   點會做埋呢 d 嘢架   真係好影響市容呀 ~

番到菇場唔算好忙   不過要就住就住上網   整到個人好緊張咁   有 d 眼瞓呀 ~ 

今日嘅 lunch box 就勁喇   帶番星期日晚依剩嘅 1 件雞同蘑菇飯   估唔到仲好好味喎 ~ 

今晚本來好想煮飯同滾湯   不過里奧大人又話唔好煮   叫我抖下   咁我又好難抉擇咁喎   所以呢   如果有大魚肉買嘅話   我就煮   無呢   就唔煮   去到街市真係好緊張呢   嘩哈   我行咗兩檔都無得買喎   即係唔駛煮   可以抖下喇 ~ 

諗住去茶餐廳食蒸魚套餐   但行行下又見到呢間雲興隆小廚   話喺牛頭角下村好出名架喎    所以就去試下喇 ~