住家飯 @ 媽咪屋企 ( 9-dec-2010 )

蒸斑燒腩仔 (外賣 )鹹蛋炒青豆粉葛花膠淮山紅蘿蔔圓肉豬骨湯



( 9-dec-2010 thu )
尋晚飽到上腦   所以早餐清清地   食吞拿魚治算喇   反正 d 吞拿魚小到無可再小   當食生菜三文治   清清腸胃 ~
細老闆今日唔喺度   又可以好 free 咁上網   爽呀 ~ 
Lunch 食粉果 + 炒米粉   不過今次 d 指天椒唔辣嘅   所以覺得好滯咁 ~

里奧大人今日唔駛上大陸   但因為家姐以為我會番媽咪屋企食飯   所以買咗蛋糕   咁我就番囉   反正里奧大人 7 點半先放工   佢自己食算喇 ~
尋晚買咗件褸   覺得家姐都應該鍾意   但如果直接話送比佢呢   佢實唔要   所以又要動動腦筋   就係話有 $50 Coupon 喇   佢一聽見有 Coupon   啱唔啱都會買   買嘢又好狼喎   如果里奧大人係咁就好啦 ~    
到比錢嘅時候   我就簽卡   家姐就問張 Coupon 呢   噢   我都唔記得自己講過有 Coupon 添    之後我都直接話我呃妳架咋   係無 Coupon   只係想送件褸比妳做聖誕禮物啫   不過次次送完嘢比佢   佢又唔知送番 d 咩比我   好鬼驚架   所以我依家唔會講自己鍾意 d 咩嘢   等佢買唔到比我呢 ~

今次里奧大人都幾好   話如果家姐鍾意件褸   佢就送比家姐   可能我依家買任何嘢都會提起家姐   所以佢都好自然會諗起家姐   算佢啦 ~